1~Corintios 1:21 - CHUYA QELLQA La Biblia en Quechua de Ayacucho 2012

²¹ Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

Quechua Ayacucho Bible 1987

²¹ Kay pachapi runakunaqa kikinkupa yachayninwanmi Diosta mana reqsirqakuchu hinaptinmi Dios hatun yachayniyoq kaspa iñiqkunata salvayta munarqa Cristomanta allin noticiata willachispan, chaynatamá rurarqa kay pachapi runakunapaqqa kay allin noticia mana valeqman rikchakuchkaptinpas.

Chuya Qellqa 1992

²¹ Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 1:21 Iomraidhean Croise

Daniel 2:20

kaynata yupaycharqa: Wiñaymanta wiñaykama Diospa sutin bendecisqa kachun. Paymantam hamun tukuy yachaykunapas, paymantataqmi hamun tukuy atiypas.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Lucas 10:21

Chaypunillam Jesusqa, Chuya Espiritupa kusikuyninwan huntasqa kaspan nirqa: Hanaq pachapipas kay pachapipas munaychakuq Taytalláy, yachayniyuqkunamanta hinaspa yuyayniyuqkunamanta pakaykuspaykim wawakunaman kaykunata reqsichirqanki, chayraykum yupaychayki. Arí, Taytalláy, chaynatam munarqanki.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 11:33

¡Mayna hatunmi Diospa atiyninqa! ¡Payqa tukuy yachayniyuq kaspanmi tukuy imata reqsin! ¡Pitaq yachanman imam munasqantawan imam ruwanantapas!

1~Corintios 1:18

Chinkasqakunapaqqa, Cristopa cruzpi wañusqanmanta willakuyqa mana valeqpaq hapisqam, salvakuy munaqkunapaqmi ichaqa kay willakuyqa atiyniyuq.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 1:24

Diospa qayasqakunapaqmi ichaqa judío kaptinpas, mana judío kaptinpas, Cristoqa Diospa atiyninwan hinaspa Diospa yachaynin.

1~Corintios 1:25

Diospa imapas yachachisqanqa runakuna mana valeqpaq hapichkaptinpas, runakunapa yachayninkumantaqa aswan yachayniyuqmi. Chaynataqmi Diospa imapas ruwasqanqa runakunapaq facilla rikchakapuptinpas, paykunapa ruwasqanmantaqa aswan atiywan ruwasqa kachkan.

1~Corintios 1:27

Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

1~Corintios 11:32

Juzgaspam Señorqa castigawanchik chaynapi mana Diospi iñiqkunawan kuska mana condenasqa kananchikpaq.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

1~Corintios 6:2

¿Manachum yachankichik Diospi iñiqkunaqa kay pachapi kaqkuna juzgananchikta? Kay pachapi kaqkunatapas juzganaykichik kachkaptinqa, ¿manachu atiwaqchik taksa asuntokuna allichayta?

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Gálatas 4:8

Ñawpaq tiempopiqa Diosninchikta mana reqsisqaykichikraykum, kay pachapi dioskunata servirqankichik.

Efesios 1:9

Paymi munasqanman hina ñawpaqmantaraq pakasqa kaqkunata Cristontakama imam ruway munasqanta reqsichiwarqanchik.

Efesios 3:10

Chaynapim altokunapi atiyniyuqkunapas hinaspa munaychakuqkunapas iñiqkunata hukllamanña huñunasqata qawaspanku yachanqaku Diosninchikqa mana haypay atina yachayniyuq kasqanta.

Colosenses 1:19

Dios Taytam munarqa paypi tukuy ima tarikuq Cristopi kananta.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Santiago 5:15

Iñiywan Diosta mañakuyqa onqoqtam sanoyachin, Señormi sayarichinqa, huchapi kaptinpas pampachaykunqam.

Santiago 5:20

yachaychikyá: Chay huchallikuq runata pantay ñanmanta kutirachimuqqa huk almatam wañuymanta salvarun, hinaspam nana-nanaq huchankunatapas pampachaykachin.