1~Corintios 1:20 - CHUYA QELLQA La Biblia en Quechua de Ayacucho 2012

²⁰ ¿Maypitaq yachaysapa kachkan? ¿Maypitaq Diospa leynin yachachiq kachkan? ¿Maypitaq kay pachapi kaqkunamanta rimaq kachkan? Diosmi kay pachapi runakunapa yachayninta yanqacharun.

Quechua Ayacucho Bible 1987

²⁰ ¿Kunanqa imapaqtaq servin yachaysapa runapas, Diospa leynin yachachiqpas chaynataq kay pachapi rimaysapapas? Diosmi kay pachapi yachaykunataqa yanqacharun.

Chuya Qellqa 1992

²⁰ ¿Maypitaq yachaysapa kachkan? ¿Maypitaq Diospa leynin yachachiq kachkan? ¿Maypitaq kay pachapi kaqkunamanta rimaq kachkan? Diosmi kay pachapi runakunapa yachayninta yanqacharun.

1~Corintios 1:20 Iomraidhean Croise

2~Samuel 15:31

Davidmanmi willaykurqaku: “Ahitofelpas Absalonwan kuskam contraykipi hatarirun”, nispanku. Hinaptinmi David nirqa: Diosnilláy, Ahitofelpa tanteasqankunatayá pantarachiy, nispa.

2~Samuel 16:23

Chay punchawkunapiqa Ahitofelpa consejonqa Diospa rimarisqan hinam karqa, Davidpaqpas chaynataq churin Absalonpaqpas.

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

Jobwan Sutichasqa Libro 12:17

Yachayniyuqkunapa yachaynintapas paymi chinkachin, paytaqmi juezkunatapas locoyachin.

Jobwan Sutichasqa Libro 12:20

Allin consejaqkunatam upallachin, yuyaq runakunapa allin tanteaynintam chinkachin.

Jobwan Sutichasqa Libro 12:24

Kay pachapi kamachikuqkunapa yachaynintam qechurun, mana ñanpa kanan chunniqnintam purichin.

Isaías 33:18

Manchakuypi kawsasqaykita yuyarispam ninki: ¿Maypitaq kachkan impuesto qollqe yupaqqa? ¿Maypitaq kachkan impuesto qollqepa llasaynin qawaqqa? ¿Maypitaq kachkan torrekuna yupaq runaqa? nispa.

Isaías 44:25

Pantay profetakunapa nisqantam yanqachani, qatipaqkunatapas penqaymanmi churani; yachaysapapa yuyaymanaynintam roqruyachini, yachaysapapa yachaynintam waspichini.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Jeremías 10:7

Qamqa nacionkunapa reyninmi kanki, lliwpa manchakunanmi kanki. Llapallan yachayniyuqkunamantapas, kay pachapi reykunamantapas, qam hinaqa manam pipas kanchu.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Romanos 1:20

Diospa mana rikuy atina kaqninkunapas, wiñaypaq atiyninpas chaynataq Dios kayninpas, kay pacha unanchasqa kasqanmantapunim tukuy ima unanchasqankunapi reqsichikun. Chaynaqa, manam pipas ninmanchu: “Diosmantaqa manam imatapas yacharqanichu”, nispaqa.

Romanos 1:22

Yachaysapapaq hapikuchkaspankupas mana yachayniyuqmi rikurirunku.

1~Corintios 1:19

Chuya Qellqapas kaynatam nin: “Yachaysapa runapa yachaynintam chinkarachisaq, yuyaysapa runapa yuyaynintam yanqacharusaq”, nispa.

1~Corintios 1:26

Wawqe-panikuna, imaynam qayasqa kasqaykichikmanta qawarikuychik, runakunapa qawasqanman hinaqa qamkuna ukupiqa asllam yachayniyuqkunaqa, asllataqmi atiyniyuqpas chaynataq ancha reqsisqakunapas kachkankichik.

1~Corintios 1:27

Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.

1~Corintios 1:28

Diosqa akllarqa kay pachapi wakchakunatawan, despreciasqakunatam hinaspa mana imapaqpas valeqkunatam, chaynapi hatunchakuqkunata mana kaqpaqña churananpaq.

1~Corintios 11:32

Juzgaspam Señorqa castigawanchik chaynapi mana Diospi iñiqkunawan kuska mana condenasqa kananchikpaq.

1~Corintios 2:6

Yachaymantaqa rimaniku iñiyninkupi wiñasqakunawanmi, ichaqa manam kay pachapi yachaytachu, nitaq kay pachapi kamachikuqkunapa yachaynintachu, chaykunaqa tukuruqllam.

1~Corintios 2:8

Kaytaqa manam kay pachapi mayqan kamachikuqkunapas yacharqakuchu, yachaspankuqa manachá Atiyniyuq Señorninchiktaqa chakatanmankuchu karqa.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.

1~Corintios 6:2

¿Manachum yachankichik Diospi iñiqkunaqa kay pachapi kaqkuna juzgananchikta? Kay pachapi kaqkunatapas juzganaykichik kachkaptinqa, ¿manachu atiwaqchik taksa asuntokuna allichayta?

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.