1~Corintios 1:11 - CHUYA QELLQA La Biblia en Quechua de Ayacucho 2012

¹¹ Wawqe-panikuna, Cloepa ayllunmi niwan qamkuna ukupi liryanakuy kas-qanmanta.

Quechua Ayacucho Bible 1987

¹¹ Wawqe-panikuna, Cloepa familianmi niwan qamkuna ukupi liryanakuy kasqanmanta.

Chuya Qellqa 1992

¹¹ Wawqe-panikuna, Cloepa ayllunmi niwan qamkuna ukupi liryanakuy kasqanmanta.

1~Corintios 1:11 Iomraidhean Croise

Génesis 27:42

Esaupa rimapakusqanta Rebecaman willaykuptinkum Jacobta qayachispan nirqa: Wawqeki Esaumi wañurachisunaykipaq tanteachkan.

Génesis 37:2

Kaymi Jacobpa mirayninkunamanta willakuy. Joseymi chunka qanchisniyuq watanpi kachkaspan wawqenkunawan kuska ovejakunata michiq. Chay wawqenkunaqa taytanpa churiwachan Bilhapa hinaspa Zilpapa wawankunam karqaku. Joseymi taytanman willaq paykunapa mana allinkuna ruwasqankuta.

Proverbios 13:10

Hatun tukuq runaqa peleollatam hatarichin, yachaymi ichaqa uchuychakuqkunawan tarikun.

Proverbios 18:6

Mana yachayniyuq runaqa siminwanmi piñanakuyta hatarichin, siminraykum maqachikunpas.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 1:12

Kaytam nisqaykichik, qam-kunam kaynata ninakunkichik: Ñoqaqa Pablopam kani, ñoqaqa Apolospam kani, ñoqaqa Pedropam kani, ñoqañataqmi Cristopa kani, nispaykichik.

1~Corintios 11:18

Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni.

1~Corintios 3:3

Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa, ¿manachum aychaman hinallaraq hinaspa runakunapa ruwasqanman hinallaraq kawsachkankichik?

2~Corintios 12:20

Qamkunaman ha-muspayqa ichapas mana sonqoypaq hinachu tariramuykichikman, ñoqapas icha mana sonqoykichikpaq hinachu karuyman. Manchakuchkanim qamkuna ukupi: Liryanakuykuna, envidianakuykuna, piñanakuykuna, kikillanpaq munaq kaykuna, rakinakuykuna, cuento qepi kaykuna, pipapas qepanpi rimaykuna, hatun tukuq kaykuna hinaspa chaqwanakuykuna kananmanta.

Gálatas 5:15

Sichum kikikichikpura kachunakuspa mikunakuspaykichikqa, cuidakuychikyá yanqañataq tuñichinakuspa tukunakuruwaqchik.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

Gálatas 5:26

Amayá hatun tukuqqa kasunchu, hukninchikmanta hukninchikwanqa ama piñanakusunchu nitaq envidianakusunchu.

Filipenses 2:14

Lliwtayá ruwaychik ama kaminakuspa nitaq kutipanakuspa,

1~Timoteo 6:4

chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

Tito 3:9

Ichaqa yanqa atipanakuykunamanta karunchakuy, ñawpaq taytakunapa sutin yachaymanta hinaspa Moisespa leyninmanta atipanakuspa piñanakuykunamanta, chaykunaqa mana imapaq valeqmi nitaqmi ima allintapas apamuwanchikchu.