Números 32:1 - Chuya Qellqa 1992

¹ Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

CHUYA QELLQA La Biblia en Quechua de Ayacucho 2012

¹ Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Quechua Ayacucho Bible 1987

¹ Rubenpa chaynataq Gadpa mirayninkunam animalsapa kaspanku, Jazer lawpi hinaspa Galaad lawpi allpakunata qawaykurqaku animalkunapaq kusallaña kasqanta.

Números 32:1 Iomraidhean Croise

Génesis 13:2

Abramqa apu runam karqa, animalninkunapas, qorinpas, qollqenpas achkallañam kapurqa.

Génesis 13:5

Abrampa sobrinon Lotpapas karqam ovejankuna, vacankuna chaynataq carpankunapas.

Génesis 29:32

Leam wiksayakuruspan qari wawata wachakurqa, hinaspam Rubenwan suticharqa: Humillasqa kasqaytam Tayta Dios qawariykuwan, kunanqa qosayqa kuyawanqañam, nispa.

Génesis 47:4

Canaán lawpi llumpay muchuy kasqanraykum, chaynallataq animalniykupaqpas mana pasto kasqanraykum kay allpaman hampukuniku kaypiña yachanaykupaq, chaynaqa ama hina kaspayá chaskiykuwayku Gosén lawpi yachanaykupaq, nispanku.

2~Samuel 24:5

Jordán mayuta chimparuspankum Aroer llaqtamanta hinaspa qechwapi llaqtamanta qallaykuspanku Gad llaqtakama chaynataq Jazer llaqtakama chayarurqaku.

2~Samuel 24:6

Chaymantam Galaad lawman hinaspa Het castakunapa allpanpi Cades lawman rispa Danjaán llaqtakama chayaruspanku Sidón lawninta muyumurqaku.

1~Crónicas 4:41

Ichaqa Judá nacionpi rey Ezequías munaychakuchkaptinmi, chay listasqa runakuna hamuruspanku chaypi ñawpaq yachaqkunata atacarurqaku, carpankunatawan chukllankunatapas pasaypaqta tuñirachispankum paykunaña chaypi yachachkanku, animalninkupaq sumaq pastokuna kasqanrayku.

Éxodo 12:38

Paykunawantaqmi lloqsirqa nana-nanaq tukuy rikchaq runakunapas chaynataq achka-achka ovejakunawan vacakunapas.

Jeremías 22:6

Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Jeremías 48:32

Sibma lawpi uvas chakra qamraykum waqasaq, Jazer llaqtarayku waqasqaymantapas mastaraqmi waqasaq. Kallmaykikunapas lamar qochapa waklawninkamaraqmi chayarqa, Jazer llaqtakamaraqmi chayarqa. Kunanmi ichaqa uvas cosechaynikipas tukunqa.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Números 21:32

Moisesmi Jezer llaqtata qawamunankupaq kacharqa. Chaymi Israelpa mirayninkuna chay llaqtapa taksa llaqtankunatawan kuskata hapikuykuspanku, chaypi yachaq amorreokunata qarqorurqaku.

Números 32:2

Hinaspam Moisesman, sacerdote Eleazarman chaynataq llaqtapa kamachiqninkunaman rispanku nirqaku:

Números 32:26

Churiykuwan warmiykum ichaqa lliw animalniykupiwan Galaadpi qepanqaku.

Números 32:3

Atarot, Dibón, Jazer, Nimra, Hesbón, Eleale, Sebam, Nebo hinaspa Beón lawpi

Números 32:35

Atarot-sofán, Jazer, Jogbeha,

Deuteronomio 33:21

Paykunaqa allinnin allpatam hapikuykurqaku, kamachikuqkunapaq kaqtam akllakuykurqaku. Llaqtapa ñawpaqnintam hamurqaku, Tayta Diospa imam munasqantam ruwarqaku, Israel mirayninkunapim allin arreglota ruwarqaku.

Josué 13:25

Paykunapam karqa Jazer llaqtawan Galaad lawpi llapallan llaqtakunapas chaynataq amonitakunapa allpanpa partenpas, Rabá llaqtapa chimpanpi kaq Aroer llaqtakama.

Josué 22:13

Ichaqa manaraq richkaspankum Israelpa mirayninkunaqa, Galaad lawpi kaq Rubén aylluman, Gad aylluman chaynataq Manasespa wakin aylluman, sacerdote Eleazarpa churin Fineesta ñawpachirqaku.

Josué 22:9

Chaynatam Manasespa wakin ayllumanta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

1~Juan 2:16

Kay pachapi kaqkunaqa kaykunam: Aychapa mana allin munapayayninkuna, ñawipa munapayayninkuna hinaspa imapas kapuqniyuq kaspa hatunchakuykuna, kay mana allin ruwaykunaqa manam Dios Taytamantachu hamun, aswanqa kay pachapi kaqkunallamantam.

Jueces 5:16

¿Imanasqataq ovejakunapa kanchanpi qeparurqankichik? ¿Ovejakunapa qapariyninta uyarispa qeparurqankichik? Rubén ayllukunaqa manchati runakunam karqaku.