Números 3:6 - Chuya Qellqa 1992

⁶ Leví aylluta qayay chaynapi sacerdote Aaronta yanapanankupaq.

CHUYA QELLQA La Biblia en Quechua de Ayacucho 2012

⁶ Leví aylluta qayay chaynapi sacerdote Aaronta yanapanankupaq.

Quechua Ayacucho Bible 1987

⁶ —Leviy ayllu runakunata asuykachiy sacerdote Aaronman chaynapi paypa qayllanpi servinankupaq.

Números 3:6 Iomraidhean Croise

1~Crónicas 15:2

Hinaspam David nirqa: Diospa Arcantaqa levitakunallam apanqaku, paykunatam Tayta Diosqa akllarqa Arcanta apanankupaq hinaspa tukuy tiempo payta servinankupaq, nispa.

1~Crónicas 23:28

Paykunatam Aaronpa mirayninkuna kamachirqaku Tayta Diospa templonpi, pationkunapi, cuartonkunapi, Diospaq sapaqchasqa kaqkuna limpiaypi hinaspa Diospa templonpi tukuy ima ruwaypi llamkanankupaq.

1~Crónicas 23:32

Paykunam Tayta Diosman asuykuna carpatapas chaynataq santuariotapas nanachikurqaku. Chaykunatam Tayta Diospa templonpi ruwarqaku ayllunku Aaronpa mirayninkunapa kamachisqanman hina.

1~Crónicas 6:33

Kaykunam churinkunapiwan kuska takiqkuna karqaku: Coatpa mirayninmanta kaq Joelpa churin Hemán. Joelqa karqa Samuelpa churinmi,

2~Crónicas 29:11

Chaynaqa, churillaykuna, amayá mana yuyayniyuqqa kaychikchu, Tayta Diosmi akllasurqankichik servinaykichikpaq hinaspa serviqninkuna kaspa inciensota kañapunaykichikpaq, nispa.

Esdras 6:18

Chaymantam sacerdotekunatawan levitakunata churarqaku, imam ruwanankuta muyuyninpi ruwaspanku Tayta Diosta Jerusalenpi servinankupaq. Chaytaqa ruwarqaku Moisespa libronpi qellqasqaman hinam.

Malaquías 2:4

Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.

Números 18:21

Leví ayllukunaman herencia qosqayqa kanqa Israel runakunapa cosechasqankumanta llapallan diezmo qosqankum. Chaytam asuykuwanaykichik carpapi serviwasqaykichikrayku qoykichik.

Números 2:17

Paykunapa qepantañataqmi otaq chay tawa campamentopa chawpintañataqmi ñoqaman asuykamuwanaykichik carpata aparikuspa Leví ayllu rinqa. Samasqankuman hinam sapakama banderankuman hina rinqaku.

Números 2:33

Leví ayllutam ichaqa, Moisesman Tayta Diospa kamachisqanman hina mana yuparqakuchu.

Números 3:5

Moisestam Tayta Dios nirqa:

Deuteronomio 10:8

Chay tiempopim Leví aylluta Tayta Dios akllarqa, paykunaña pacto Arcata apanankupaq chaynataq payta servispa paypa sutinpi bendicionninta mañakunankupaq. Kunankamapas hina chaynallatam ruwachkanku.