Lucas 8:10 - Chuya Qellqa 1992

¹⁰ chaymi Jesusñataq nirqa: Qamkunamanqa Diosmi munaychakuyninpi pakasqa kaqkunata yachachisunkichik. Wakin runakunatam ichaqa rikchanachiykunawan yachachini, chaynapi qawakuchkaspapas mana rikunankupaq, uyarichkaspapas mana entiendenankupaq.

CHUYA QELLQA La Biblia en Quechua de Ayacucho 2012

¹⁰ chaymi Jesusñataq nirqa: Qamkunamanqa Diosmi munaycha-kuyninpi pakasqa kaqkunata yachachisunkichik. Wakin runakunatam ichaqa rikchanachiykunawan yachachini, chay-napi qawakuchkaspapas mana rikunankupaq, uyarichkaspapas mana entiendenankupaq.

Quechua Ayacucho Bible 1987

¹⁰ chaymi Jesusñataq nirqa: —Qamkunamanmi Diospa munaychakusqanmanta ñawpaq mana yachasqaykichikkunata yachachikichik. Wakin runakunatam ichaqa rimapayani rikchanachiykunallawan chaynapi qawakuspapas mana rikukunankupaq, uyarispapas mana entiendenankupaq —nispa.

Lucas 8:10 Iomraidhean Croise

Salmos 25:14

Dios Taytaqa allin amigom kasukuqninkunapaqqa, paykunamanmi pacto ruwasqanta yachachinqa.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Isaías 6:9

Chaymi niwarqa: Rispaykiyá kay llaqtaman kaynata nimuy: Uyarichkaspapas manam entiendenqakuchu, qawachkaspapas manam yachanqakuchu.

Jeremías 5:21

Yaw, mana yachayniyuq runakuna, yaw, mana yuyaymanayniyuq runakuna, kayta uyariychik: Qawakuchkaspapas manam rikukunkichikchu, uyarichkaspapas manam kasukunkichikchu.

Ezequiel 12:2

Runapa churin, qamqa mana kasukuq runakunapa chawpinpim yachachkanki, paykunaqa ñawiyuq kaspapas manam rikukunkuchu, rinriyuq kaspapas manam uyarikunkuchu, paykunaqa mana kasukuq miraykunam.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Marcos 4:11

Jesusñataqmi paykunata nirqa: Qamkunamanqa Diosmi munaychakuyninpi pakasqa kaqkunata yachachisunkichik, hawapi kaqkunamanmi ichaqa rikchanachiykunawan yachachin,

Marcos 4:12

qawachkaspankupas mana rikunankupaq, uyarichkaspankupas mana entiendenankupaq, chaynapi Diosman mana kutirikunankupaq hinaspa huchankumantapas mana pampachasqa kanankupaq, nispa.

Juan 12:40

Runakunatam Dios ñawsayarachirqa, paykunapa sonqontam rumiyachirqa chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq, nispa.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

1~Corintios 12:11

Aswanqa tukuy kaykunataqa ruwan kikin Chuya Espiritullam, paymi munasqanman hina sapakamaman kaykunataqa qon.

Deuteronomio 29:4

Chaywanpas Tayta Diosqa kunankamam yachayta manaraq qosurqankichikchu, chaynapi qawachkaspapas hinaspa uyarichkaspapas mana entiendenaykichikpaq.

Colosenses 2:2

Chaytam ruwani sonqoykichikpi kallpachakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.