Lucas 23:2 - Chuya Qellqa 1992

² Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

CHUYA QELLQA La Biblia en Quechua de Ayacucho 2012

² Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

Quechua Ayacucho Bible 1987

² Paykunam Jesusta acusaspa nirqaku: —Kay runaqa nacionniykupi runakunatam umachachkan *f**impuestota Rey Cesarman amaña paganaykupaq. Payqa hapikuchkan Cristo otaq Rey kasqanpaqmi —nispa.

Lucas 23:2 Iomraidhean Croise

1~Reyes 18:17

Eliasta qawaykuspanmi rey Acab nirqa: ¿Qamchu kachkanki Israel nacionta chaqwachiq? nispa.

Salmos 35:11

Mana allin testigokunam hatarirunku, mana yachasqaymantam tapupayawanku.

Salmos 62:4

Qamkunaqa wichichiwayllapim yuyaymanankichik, llullakuytam kuyankichik, simillaykichikmantam kuyawankichik, sonqoykichikpim ichaqa ñakawankichik.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 38:4

Hinaptinmi reyta llapa kamachikuqkuna nirqaku: Kay runataqa wañurachisun, payqa rimasqankunawanmi kay llaqtapi puchuq soldadokunatawan llapa runakunata hukmanyachichkan. Kay runaqa manam llaqtapa hawkayaynintachu maskachkan aswanqa mana allinnintam, nispa.

Amós 7:10

Hinaptinmi Bet-elpi kaq sacerdote Amasías, Israelpa reynin Jeroboamman willachimurqa kaynata: Amosmi contraykipi hatarirun. Israelpi runakunaqa manam tukuy ima rimasqanta aguantayta atinmankuchu.

Zacarías 11:8

Hinaspam huk killallapi kimsa michiqkunata qarqorurqani. Paykunaqa llumpaytañam cheqniruwarqaku, ñoqapas paqwaytañam paykunata amirurqani.

Mateo 17:27

Ichaqa ama pitapas piñachinanchikpaqyá lamar qochaman rispa anzuelota chamqamuy, hinaspam punta challwa hapisqaykipa siminta kicharuspa huk qollqeta tarinki, chaytam iskayninchikmanta pagaykamunki, nispa.

Mateo 22:21

Paykunañataqmi nirqaku: Rey Cesarpam, nispanku. Hinaptinmi Jesusñataq nirqa: Cesarpa kaqtaqa paymanyá qoychik, Diospa kaqtañataq Diosman, nispa.

Mateo 27:11

Jesustam gobernador Pilatopa qayllanman pusarurqaku, hinaptinmi tapurqa: ¿Qamchu kachkanki judiokunapa Reynin? nispa. Chaymi Jesusñataq nirqa: Qanmi nirunki, nispa.

Marcos 12:17

Hinaptinmi Jesusñataq nirqa: Cesarpa kaqtaqa Cesarmanyá qoychik, Diospa kaqtapas Diosmantaqyá qoychik, nispa. Chaynata niruptinmi llumpayta hukmanyarurqaku.

Marcos 15:2

Chaymi Jesusta Pilato tapurqa: ¿Qamchu kachkanki judiokunapa reynin? nispa. Hinaptinmi payñataq nirqa: Qanmi nirunki, nispan.

Lucas 23:14

paykunata nirqa: Kay runatam pusamuwarqankichik: “Llaqtapi runakunata umachaspam chaqwata hatarichichkan” nispaykichik. Ichaqa qayllaykichikpi tapuspaymi, acusasqaykichikman hinaqa mana ima huchantapas tarinichu.

Lucas 23:5

Paykunañataqmi astawanraq hikutakuspanku nirqaku: Kay runaqa yachachikuyninwanmi lliw Judeapi chaqwata hatarichichkan, Galileamanta qallaykuspa kay llaqtakama, nispanku.

Juan 18:29

Chaymi Pilato hawaman lloqsimuspa paykunata nirqa: ¿Imamantataq kay runata acusankichik? nispa.

Juan 18:30

Paykunañataqmi nirqaku: Allin runa kaptinqa manachá entregaykikumanchu, nispanku.

Juan 19:12

Chayta uyariruspanmi Pilatoqa aswanraq munarqa kachaykuyta, chaymi judiokunañataq astawanraq qaparirqaku: Payta kachaykuspaqa manam rey Cesarpa amistadninchu kanki. Pipas reypaq hapikuqqa rey Cesarpa enemigonmi, nispanku.

Hechos 24:13

Acusawasqankumantaqa manam paykunaqa pruebasunkimanchu.

Hechos 24:5

Kay Pabloqa peste onqoy hinam. Tukuy hinastinpim judiokunata rakinamuchkan, payqa nazareno partidopa cabecillanmi.

Romanos 13:7

Pimanpas paganaykichik kaptinqa pagaychikyá: Impuesto kaptin impuestota, tributo kaptin tributota, respetana kaptin respetota, hatunchana kaptin hatunchayta.