Lucas 1:17 - Chuya Qellqa 1992

¹⁷ Paymi Señorpa ñawpaqninta rinqa Eliaspa espiritunwan hinaspa atiyninwan, chaynapi tayta-mamakunata wawa-churinkuwan allinyanachinanpaq, mana kasukuqkunapas kasukuqña kanankupaq. Chaynatam llapa runakunapa sonqonta allichanqa Señorta chaskinankupaq, nispa.

CHUYA QELLQA La Biblia en Quechua de Ayacucho 2012

¹⁷ Paymi Señorpa ñawpaqninta rinqa Eliaspa espiritunwan hinaspa atiyninwan, chaynapi tayta-mamakunata wawa-churinkuwan allinyanachinanpaq, mana kasukuqkunapas kasukuqña kanankupaq. Chaynatam llapa runakunapa sonqonta allichanqa Señorta chaskinankupaq, nispa.

Quechua Ayacucho Bible 1987

¹⁷ Señorpa ñawpaqnintam rinqa Elias hina Diospa Espiritunwan chaynataq atiyninwan ruraspa chaynapi tayta-mamakunata churi-wawankunawan allinyachinanpaq hinaspa mana kasukuqkunatapas kasukuyman churananpaq. Runakunapa sonqontam alistanqa Señorta chaskinankupaq.

Lucas 1:17 Iomraidhean Croise

Mateo 11:14

Qamkuna creeyta munaptikichikqa, Juanmi chay suyasqaykichik Eliasqa.

Lucas 1:76

Churilláy, qamñataqmi tukuy imapi munaychakuq Diospa profetanwan sutichasqa kanki, qanmi ñanta allichastin Señorpa ñawpaqninta rinki.

Juan 3:28

Qamkunaqa uyarirqankichikmi: “Ñoqaqa manam Cristochu kani, aswanqa paypa ñawpaqninta kachamusqallanmi kani”, nisqaytaqa.

Salmos 78:8

manaña ñawpaq taytanku hina kanankupaq. Ñawpaq taytankuqa mana kasukuq, mana yachayniyuq, Diosta qepanchaq iskay uya runakunam karqaku.

1~Crónicas 29:18

Dios Taytalláy, Abrahampa, Isaacpa hinaspa Jacobpa Diosnin, kay llaqtaykipa kuyakuynintayá hina kaynallata wiñaypaq waqaychay, tukuy sonqonkuwantaqyá qamtapas kuyasunki.

Apocalipsis 20:4

Rikurqanitaqmi tronokunatapas, chaykunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Salmos 111:10

Yachaypa qallariyninqa Tayta Diosta kasukuymi; kamachikuyninta kasukuqkunaqa allin yachayniyuq runakunam. ¡Diosqa wiñaypaq hatunchasqam kanqa!

2~Timoteo 2:21

Chaynam ñoqanchikpas mana allin kaqkunamanta sapaqchakuspanchikqa Señorninchikpa instrumenton kasunchik. Diosllapaqña sapaqchakuspam chaylla kasunchik paypa munasqanta imatapas allinta ruwananchikpaq.

Isaías 29:24

Pantaypi kaqkunam yuyayniyuq kayta yachanqaku, runamasinpa qepanpi rimaqkunam yachachikuyta chaskinqaku, nispa.

Romanos 9:23

Chaynataqmi kuyayllapaq mankamanta hina ñoqanchikmantapas kuyapayarikurqa llumpay hatun atiyninta qawachikunanpaq. Ñawpaqmantapunim preparawachkanchik payman rikchakuqña sumaq kancharichkaq kananchikpaq.

Hechos 10:33

Hinaptinmi chaypunilla kachamurqani maskamusunaykipaq. Allinpaqmi hamurunkiqa. Kunanmi Diospa qayllanpi lliwchayku huñunasqa kachkaniku, Señorpa tukuy kamachimususqaykitam uyariyta munaniku, nispa.

Juan 1:34

Kunanqa rikuykuniñam, chayraykum Diospa Churin kasqanta willakuni, nispa.

Juan 1:13

Paykunaqa manam nacerqaku yawarmantachu, manataqmi aychaman hinachu, nitaqmi runapa munasqanman hinachu, aswanqa Diosmantam.

Lucas 1:16

Israelpa achkaq mirayninkunatam Señor Diosninkuman kutichinqa.

Mateo 14:4

Juanmi Herodesta nirqa: Manam allinchu paywan casarakuynikiqa, nispan.

Amós 4:12

Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Salmos 10:17

Dios Taytalláy, qamqa uchuychakuqkunapa mañakuynintam uyarinki, uyariykuspam paykunata kallpanchanki.

2~Crónicas 29:36

Rey Ezequiaswan llapallan runakunapas anchatam kusikurqaku, chaykunata utqayman ruwanankupaq Tayta Dios yanapasqanrayku.

1~Reyes 21:20

Chaymi Eliasta rey Acab nirqa: Yaw, enemigoy ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qayllanpim qamqa mana allin ruwayman qokurunki.

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Diosraykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Juan 2:28

Churillaykuna, kunanqa Jesucristopiyá takyaychik chaynapi pay kutimuptin penqakuymanta ama ayqenanchikpaq.

Mateo 3:4

Juanpa pachanqa karqa camellopa pelonmantam, weqaw watanpas qaramantam karqa, mikunanñataqmi karqa aqaruway urukunawan purun abejapa miskin.

2~Reyes 1:16

Chayaruspanmi reyta nirqa: Tayta Diosmi kaynata nin: ¿Manachu Israel nacionpi Dios karqa Ecrón llaqtapi Baal-zebub idolota tapuchimunaykipaq? chayraykum onqosqaykimantaqa manaña hatarinkiñachu aswanqa wañukunkiñam, nispa.

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaqwachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

1~Samuel 7:5

Samuelmi kaynata nirqa: Mizpa llaqtaman Israel runakunata huñumuychik. Chaypim Tayta Diosta qamkunpaq mañakusaq, nispa.

Mateo 3:3

Juanmantam profeta Isaías kaynata nirqa: “Huk runam purunpi kaynata qaparichkan: Señorpa ñanninta allichaychik, purinan ñanta kichaychik”, nispa.