Juan 8:16 - Chuya Qellqa 1992

¹⁶ Juzgaspayqa cheqapman hinam juzgani, ñoqaqa manam sapallaychu juzgani aswanqa kachamuwaqniy Taytaypiwanmi.

CHUYA QELLQA La Biblia en Quechua de Ayacucho 2012

¹⁶ Juzgaspayqa cheqapman hinam juzgani, ñoqaqa manam sapallaychu juzgani aswanqa kachamuwaqniy Taytaypiwanmi.

Quechua Ayacucho Bible 1987

¹⁶ Juzgaptiyqa cheqapcha kanman. Ñoqaqa manam sapallaychu kachkani aswanqa kachamuwaqniy Taytaypiwanmi.

Juan 8:16 Iomraidhean Croise

Salmos 98:9

Tayta Diospa ñawpaqninpi takichunku; payqa kay pachata juzgananpaqmi hamunqa. Allin arregloman hinam kay pachata juzganqa, mana pimanpas sayapakuspam juzganqa.

Salmos 99:4

Qamqa atiyniyuq reymi kanki, qamqa allin arreglotam kuyanki; qamllam allin ruwaytaqa yachachinki. Jacobpa mirayninkunapaqmi allin arreglota ruwanki, mana pimanpas sayapakuspam ruwanki.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, Payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Juan 8:29

Kachamuwaqniyqa ñoqawanmi kachkan, Taytaqa manam sapallaytachu saqeruwan, ñoqaqa paypa munasqantam tukuy tiempo ruwani, nispa.

Hechos 17:31

Diosmi huk runata akllarun, paymi akllasqan punchawpi mana pimanpas sayapakuspa kay pachata juzganqa. Chayta llapa runakuna creenankupaqmi chay akllasqan Jesusta wañusqanmanta Dios kawsarichimurqa, nispa.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.