Juan 5:19 - Chuya Qellqa 1992

¹⁹ Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

CHUYA QELLQA La Biblia en Quechua de Ayacucho 2012

¹⁹ Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Quechua Ayacucho Bible 1987

¹⁹ Jesusmi nirqa: —Cheqaptapunim nikichik, Churiqa ima ruraytapas sapallanqa manam atinmanchu, ruraspaqa ruran Taytapa rurasqanta qawaspallanmi, Taytapa tukuy rurasqantam Churipas ruran pay hina.

Juan 5:19 Iomraidhean Croise

Génesis 1:1

Tukuy imapa qallariyninpiqa Diosmi unancharqa hanaq pachatawan kay pachata.

Génesis 1:26

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa.

Salmos 138:3

Qayakamusqay punchawmi uyariykuwarqanki, almallaytam kallpanchaykurqanki.

Salmos 27:14

Tayta Diosman hapipakuy, kallpanchakuspa ama sonqoykipi hukmanyaychu, Arí, Tayta Diosman hapipakuspa suyay.

Salmos 50:6

Cielokunam willakunqa Diosqa mana pimanpas sayapakuq juez kasqanta.

Éxodo 4:11

Hinaptinmi Tayta Dios nirqa: ¿Pitaq runaman simita qorqa? ¿Pitaq mana rimaqta, mana uyariqta, qawakuqta hinaspa ñawsata unancharqa? ¿Manachu ñoqa Tayta Dios?

Proverbios 2:6

Tayta Diosllam yachay qokuqqa, paypa siminmantam yachayqa hamun.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:24

Ñoqamantam ninqaku: “Cheqaptapunipas Tayta Diosllapim tarikun munaychakuypas kallpanchakuypas”, nispanku. Llapallan cheqniqniy runakunam ñoqaman hamunqaku, hinaspam penqaypi tarikunqaku.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Lucas 21:15

Ñoqam qosqaykichik yachaywan rimaytaqa, chaynapim mayqan enemigoykichikpas mana kutipakuyta atisunkichikchu.

Juan 10:18

Manam pipas vidaytaqa qechuwanmanchu, kikiymantam qosaq. Makillaypim kachkan qonaypaqpas chaynataq kawsarimunaypaqpas. Chaynatam Taytay kamachiwarqa.

Juan 12:49

Ñoqaqa manam kikillaymantachu imatapas rimarqani, kachamuwaqniy Taytaymi kamachiwarqa imam rimanaytawan chaynataq imam yachachinaytapas.

Juan 12:50

Ñoqaqa yachanim Taytaypa kamachikuyninqa wiñay kawsay kasqanta, chaynaqa ñoqapa nisqaykunaqa Taytaypa kamachiwasqanman hinam, nispa.

Juan 14:10

¿Manachu creenki Taytaywanqa huklla kasqayta? Imatapas nikichikqa manam kikillaymantachu, ñoqawan kaq Taytam kikinpa ruwanantaqa ruwan.

Juan 2:19

Chaymi Jesusñataq nirqa: Kay templota tuñirachiychik, hinaptinmi kimsa punchawllapi huktawan hatarirachisaq, nispa.

Juan 3:3

Chaymi Jesusñataq nirqa: Cheqaptapunim niki, pipas mana musoqmanta nacespaqa manam rikunqachu Diospa munaychakusqantaqa, nispa

Juan 5:21

Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon.

Juan 6:38

Hanaq pachamantaqa hamurqani manam kikiypa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Juan 8:28

Chaymi Jesús nirqa: Runapa Churinta chakataruspaykichikñam pim kasqayta yachankichik. Tukuy imatapas manam kikillaymantachu ruwani, Taytaypa yachachiwasqallantam ñoqaqa willaykichik.

Juan 9:4

Punchawraq kachkaptinqa kachamuwaqniypa ruwayninkunapim llamkanay, tutayaramuptinmi ichaqa manaña pipas llamkayta atinmanñachu.

Hechos 2:24

Ichaqa Diosmi wañuymanta libraruspan kawsarichimurqa, paypiqa wañuypas mana munaychakuyta atisqanrayku.

Romanos 6:4

Chay bautismontakamam Cristowan kuska pampasqa kanchik, chaywanmi wañunchik wiñay kawsakuypaqña kawsarimunanchikpaq, imaynam Dios Tayta hatu-hatun atiyninwan Cristota kawsarichimusqanta hina.

Romanos 8:11

Sichum Jesucristota wañusqanmanta kawsarichimuqpa Espiritun qamkunapi kaptinqa, Jesucristota wañusqanmanta kawsarichimuqmi wañuq cuerpoykichiktapas qamkunapi kaq Espirituntakama kawsarichimunqa.

1~Corintios 15:12

Willakunikuqa Cristopa kawsarimusqanmantam, hinaptinqa ¿imaynamá wakiqnikichikqa ninkichik: Wañuqkunaqa manam kawsarimunqachu, nispaykichikqa?

2~Corintios 4:14

Imaynam Señor Jesusta wañusqanmanta Dios Tayta kawsarichirqa chaynam ñoqanchiktapas paywan kuskata wañusqamanta kawsarichiwaspanchik qayllanman pusawasunchik.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Efesios 3:16

Taytanchiktam mañakuchkani hatu-hatun kayninman hina Espiritunpa atiyninwan sonqoykichikta kallpanchananpaq.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Filipenses 4:13

Kallpanchawaqniy Cristowanmi tukuy ima ruwayta atini.

Colosenses 1:11

Mañakuchkanikutaqmi hatu-hatun atiyninwan kallpanchasunaykichikpaqpas, chaynapi ima mana allintapas pacienciakuspa kusikuywanraq aguantanaykichikpaq,

Colosenses 1:16

Paynintakamam Dios unancharqa cielopi kaqkunata, kay pachapi kaqkunata, rikusqanchik kaqkunata, mana rikuy atisqanchikkunata, munaychakuqkunata, kamachikuqkunata, autoridadkunata hinaspa llapallan atiyniyuqkunatapas. Paynintakamam hinaspa paypaqtaqmi tukuy imapas unanchasqa karqa.

1~Tesalonicenses 4:14

Imaynam Jesuspa wañukusqanpi hinaspa kawsarimusqanpi creenchik, chaynataqmi Jesucristopi iñikuspa wañukuqkunata Jesucristotawan kuskata Dios kawsarichimunanpipas creenchik.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusawananchikpaqmi ñakarirqa. Aychapi wañukuchkaspapas espiritupa yanapakuyninwanmi kawsarimurqa.

Apocalipsis 2:23

Wawankutapas wañurachiptiymi llapallan iglesiakuna yachanqaku yuyaymanayninkutapas chaynataq sonqonkutapas reqsiq kasqayta, sapakamamanmi ruwasqaykichikman hina qosqaykichik.