Juan 4:10 - Chuya Qellqa 1992

¹⁰ Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

CHUYA QELLQA La Biblia en Quechua de Ayacucho 2012

¹⁰ Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Quechua Ayacucho Bible 1987

¹⁰ Chaymi Jesus payta nirqa: —Sichum reqsiwaq Diospa qokuyninta chaynataq pim yaku mañakusuqnikita hinaspaqa ñoqatachá mañakuwankiman kawsachikuq yakuta hinaptinqa qoykimanmi —nispa.

Juan 4:10 Iomraidhean Croise

Salmos 10:17

Dios Taytalláy, qamqa uchuychakuqkunapa mañakuynintam uyarinki, uyariykuspam paykunata kallpanchanki.

Salmos 46:4

Huk mayum kallpaq yakunkunawan Diospa llaqtanta kusichin, Diospa yachanan chuya wasintam kusichin.

Éxodo 17:6

Horeb orqopim rumi hawanpi ñawpaqnikipi sayasaq, chaymi chay rumita waqtaptiki llapa runakuna tomanankupaq yaku lloqsimunqa, nispa. Moisesmi Israel casta ancianokuna qawachkaptin chaynata ruwarqa.

Cantares 4:15

Qamqa kanki: Huertakunapa paqarinanmi, kawsaq yakukunapa paqarinanmi, Líbano orqomanta uraykamuq yakum.

Isaías 12:3

Qamkunapas kusikuyllawanñam salvación qokuq pukyumanta yakuta tomankichik.

Isaías 35:6

Wistukunam luwichu hinaraq pawaykachanqaku, mana rimaqkunam sumaqllataña qaparinqaku; yakukunam chunniqpi toqyanqa, chaki allpakunapim mayukuna kallpanqa.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 43:20

Purun animalkunam yupaychawanqaku, atoqkunawan avestruzkunam yupaychawanqaku; yakukunata chunniqpi pawachisqayrayku, mayukunata chaki allpapi kallpachisqayrayku. Chaytam akllakusqay llaqtayman yakuta tomachinaypaq ruwarqani.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Ezequiel 16:35

Chaynaqa, yaw chuchumika warmi, ñoqa Tayta Diospa nisqayta uyariy.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan millakuypaq mana allin ruwasqankumanta chuyanchakunqaku.

Zacarías 14:8

Chay punchawpim Jerusalenmanta kawsaq yaku lloqsimunqa, partenmi intipa qespimunan Puchqo lamar qocha lawman kallpanqa, partenñataqmi intipa seqaykunan Mediterráneo lamar qocha lawman kallpanqa. Chay yakuqa poqoypipas hinaspa chirawpipas mana taniytam kallpanqa.

Lucas 11:13

Sichum qamkuna mana allin runakuna kachkaspa churikichikman allin kaqkunata qochkaptikichikqa ¿manachum hanaq pachapi kaq Taytaykichikqa Chuya Espiritunta mañakuptikichikqa qoykusunkichikman? nispa.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 4:14

Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Juan 6:35

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam haykapipas yarqachikunqachu, pipas ñoqapi iñiqqa manataqmi haykapipas yakunayachikunqachu.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Hechos 9:11

Señorñataqmi nirqa: Hatarispayki Derecha sutiyuq calleman riy, hinaspayki Judaspa wasinpi maskamuy, Tarso llaqtayuq Saulota. Paymi Diosta mañakuchkan,

Romanos 8:32

Sichum Diosqa kikinpa Churintapunipas rantinchikpi wañunanpaq qowachkaspanchikqa ¿manachum Churintawan kuskata tukuy imatapas mana imallapaq qowasunchik?

1~Corintios 1:30

Ichaqa qamkunataqa Diospunim Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 10:4

Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa.

2~Corintios 9:15

Diosman gracias kachun mana imayna niy atiy qokuyninmanta.

Efesios 2:8

Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi.

Hebreos 6:4

Huk kutinpi achkiy chaskiqkunataqa, Diospa atiyninta chaskiqkunataqa, Chuya Espíritu chaskiqkunataqa,

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa Churin Jesucristowanmi hukllawasqa kachkanchik. Payqa cheqap Diosmi hinaspa wiñay kawsaymi.

Apocalipsis 21:6

Payqa niwarqataqmi: Ñam ruwasqaña. Ñoqam kani Qallariypas Tukupaypas, Ñawpaq kaqpas Qepa kaqpas. Pipas yakunayachikuqmanqa mana imallapaqmi pukyumanta kawsachikuq yakuta qosaq.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.