Juan 20:12 - Chuya Qellqa 1992

¹² Chaynapim rikurqaku yuraq pachayuq iskay angelkunata. Paykunam tiyachkasqaku Jesuspa cuerpon churasqankupi, hukninmi kachkasqa sawnan lawpi hukninñataqmi haytan lawpi.

CHUYA QELLQA La Biblia en Quechua de Ayacucho 2012

¹² Chaynapim rikururqa yuraq pachayuq iskay angelkunata. Paykunam tiyachkasqaku Jesuspa cuerpon churasqankupi, hukninmi kachkasqa sawnan lawpi hukninñataqmi haytan lawpi.

Quechua Ayacucho Bible 1987

¹² Chaypim rikururqa yuraq pachayoq iskay angelkunata. Paykunam tiyachkasqa Jesuspa cuerponpa kasqanpi, hukninmi kachkasqa sawnan lawpi hukninñataq chakin lawpi.

Juan 20:12 Iomraidhean Croise

2~Crónicas 5:12

Llapallan takiq levitakunam karqaku: Asaf, Hemán, Jedutún, sapakama churinkupiwan hinaspa ayllunkuwan kuska fino linowan pachasqakama platillokunata, cimbalokunata hinaspa arpakunata tocaspanku Arcapa waqtan intipa qespimunan lawninpi sayarqaku. Paykunawantaqmi pachak iskay chunka sacerdotekunapas trompetakunata tocarqaku.

Daniel 7:9

Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

Hechos 1:10

Cieloman hoqarikusqanta qawachkaptinkuñataqmi paykunapa hichpanpi yuraq pachayuq iskay runakuna rikuriykurqa,

Apocalipsis 3:4

Sardispiqa kachkanmi iskay-kimsallapas pachanku mana qanrachaqkuna, paykunaqa yuraq pachayuqmi ñoqawan purinqaku, chaypaq hina kasqankurayku.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.