Juan 16:16 - Chuya Qellqa 1992

¹⁶ Asllamantaqa manam rikuwankichikñachu, chaymanta qepamanmi ichaqa kaqllamanta rikuwankichik, nispa.

CHUYA QELLQA La Biblia en Quechua de Ayacucho 2012

¹⁶ Asllamantaqa manam rikuwankichikñachu, chaymanta qepamanmi ichaqa kaqllamanta rikuwankichik, nispa.

Quechua Ayacucho Bible 1987

¹⁶ —Asllamantam mana rikuwankichikñachu hinaspam asllatawanraq rikuwankichik.

Juan 16:16 Iomraidhean Croise

Marcos 16:19

Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa.

Juan 12:35

Jesusñataqmi nirqa: Achkiyqa as punchawllapas qamkunawanraqmi kanqa, chaynaqa achkiypiyá puriychik qamkunawanraq kachkaptiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 13:33

Churillaykuna, manam unayñachu qamkunawanqa kasaq, chaymi maskawankichik. Imaynam judiokunaman nisqayta hinallam qamkunatapas nikichik: Ñoqapa risqaytaqa qamkunaqa manam riyta atiwaqchikchu, nispa.

Juan 16:10

Diospa kuyakuyninmantaqa reqsichinqa, Taytaman kutikuptiy manaña rikuwasqaykichikraykum,

Juan 16:22

Chaynam qamkunapas kunan llakisqa kachkankichik, ñoqa kutimuptiymi ichaqa kusisqa kankichik, chay kusikuytaqa manam pipas qechusunkichikchu.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 16:5

Kunanmi ichaqa kachamuwaqniypa kasqanman richkani. Ichaqa manam mayqannikichikpas tapuwankichikchu: “¿Maytataq richkanki?” nispaqa.

Juan 17:13

Kunanqa qampa kasqaykimanmi hamuchkaniña. Kay pachapiraqmi nichkani kaykunataqa ñoqapa kusikuyniywan huntasqa kanankupaq.

Juan 17:5

Taytáy, kunanyá ñawpaqnikipi hatunchaway, chayna hatunchasqam karqani manaraqpas kay pacha kachkaptin.

Juan 7:33

Jesusñataqmi nirqa: Pisi tiempollañam qamkunawan kasaq, ñam kutikusaqña kachamuwaqniyman.

Hechos 1:3

Jesusmi kawsarimuspan tawa chunka punchawpuni rikurirqa apostolninkunaman hinaspam Diospa munaychakusqanmanta yachachirqa. Achka-achka kutipi sutillata rikurisqanraykum apostolkuna yacharqaku cheqaptapuni Jesuspa kawsarimusqanta.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.