Juan 13:34 - Chuya Qellqa 1992

³⁴ Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

CHUYA QELLQA La Biblia en Quechua de Ayacucho 2012

³⁴ Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

Quechua Ayacucho Bible 1987

³⁴ Mosoq kamachikuytam qoykichik, kuyanakuychikyá. Imaynam ñoqa kuyaykichik chaynayá qamkunapas kuyanakuychik.

Juan 13:34 Iomraidhean Croise

Salmos 119:63

Ñoqaqa kamachikuynikikunata waqaychaspa kasukuqkunapa puriqmasinmi kani.

Salmos 16:3

Qamllata yupaychasuqniki runakunawanmi, allin kawsakuq runakunawanmi, sonqoypas anchata kusikun.

Levítico 19:18

Runamasikitaqa amam vengakunkichu nitaqmi cheqnipakunkichu, aswanqa kikikita hinam kuyanki. Ñoqaqa Tayta Diosmi kani.

Levítico 19:34

Llaqtamasikichikta hinam paykunataqa qawankichik, kikikichikta hinam kuyankichikpas, qamkuna hina kasqanrayku. Huklaw llaqtayuqmi qamkunapas Egipto nacionpi karqankichik. Ñoqaqa Tayta Diosmi kani.

Mateo 5:44

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Juan 15:17

Kaytam kamachikichik: Huknikichikmanta huknikichikkamayá kuyanakuychik.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Romanos 13:10

Pipas kuyakuqqa manam runamasintaqa imananchu. Chaynaqa, kuyanakuspam leytaqa allinta cumplinchik.

Romanos 13:8

Ama pitapas debekuychikchu, debespaqa-debenakuychik kuyakuyllata, pipas runamasinta kuyaqqa leytam cumplirunña.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Gálatas 6:2

Ima sasachakuynikichik kaptinpas yanapanakuspayá, Jesucristopa kamachikuyninta ruwayman churaychik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Colosenses 1:4

Jesucristopi iñiyniyuq kasqaykichikmantawan iñiqkuna kuyasqaykichikmantam uyarirqaniku,

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

Hebreos 13:1

Wawqe-panintin kuyanakuytaqa amayá saqeruychikchu.

Santiago 2:8

Cheqaptapunipas sichum Qellqapa nisqanman hina: “Kuyankim runamasikita kikikita hina” nisqan cheqap leyta kasukuspaqa allintam ruwachkankichik.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-paninchikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

2~Pedro 1:7

Dios yupaychaymanñataq, wawqe-panintin kuyanakuyta; wawqe-panintin kuyanakuymanñataq, runamasin kuyayta.

1~Juan 3:11

Ñawpaqmantaraq yachachikuy uyarisqaykichikqa kaymi: Huknikichikmanta huknikichikkamayá kuyanakuychik.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

1~Juan 4:21

Jesucristom kaynata kamachiwarqanchik: “Diosta kuyaqqa runamasintapas kuyachunyá”, nispa.

2~Juan 1:5

Señora, kunanñataqmi ruegakamuyki lliwchanchikyá kuyanakusun. Kay qellqamusqayqa manam musoq kamachikuychu, aswanqa ñawpaqmantaraq Diospa qowasqanchik kamachikuymi.