Juan 13:10 - Chuya Qellqa 1992

¹⁰ Jesusñataqmi nirqa: Pipas bañasqañaqa manam necesitanñachu mayllanataqa, aswanqa chakillantañam, qamkunaqa limpioñam kachkankichik, ichaqa manam llapaykichikchu.

CHUYA QELLQA La Biblia en Quechua de Ayacucho 2012

¹⁰ Jesusñataqmi nirqa: Pipas bañasqañaqa manam necesitanñachu mayllanataqa, aswanqa chakillantañam, qamkunaqa limpio-ñam kachkankichik, ichaqa manam llapaykichikchu.

Quechua Ayacucho Bible 1987

¹⁰ Jesusñataqmi nirqa: —Bañakuruspaqa manam necesitankichikñachu mayllanataqa, aswanqa chakillaykichiktañam, qamkunaqa limpioñam kachkankichik, ichaqa manam llapaykichikchu.

Juan 13:10 Iomraidhean Croise

Eclesiastés 7:20

Kay pachapiqa manam hukllapas kanchu allinllata ruwaspa mana haykapipas huchallikuq runaqa.

Cantares 4:7

Kuyakusqalláy ¡mayna kuyayllapaqmi kanki! manam qampiqa imapas mana allinqa kanchu.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Levítico 16:26

Azazelman chivato pusaqpas pachanta taqsakuspanmi bañakunqa, hinaspañam campamentoman yaykunqa.

Levítico 16:28

Chay kañaq runapas pachantam taqsakunqa chaynataqmi cuerpontapas bañakunqa hinaspañam campamentomanqa yaykunqa.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.

Juan 13:9

Chaymi Simón Pedroñataq nirqa: Amayá chakillaytañachu mayllawayqa, aswanqa umaytawan chakiytawanyá, nispa.

Juan 15:3

Qamkunaqa rimapayasqay palabraykunawanmi limpioña kachkankichik.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

1~Tesalonicenses 5:23

Hawkayay qokuq kikin Diosninchikyá espirituykichikta, almaykichikta hinaspa cuerpoykichikta lliwta chuyanchachun, mana huchayuqtañayá waqaychasunkichik Señorninchik Jesucristo hamunankama.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

Santiago 3:2

Llapallanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.