Jonás 1:5 - Chuya Qellqa 1992

⁵ Barcopi llamkaqkunapas mancharikuspankum diosninkuman sapakama qaparirqaku, hinaspankum barcopi cargakunatapas manaña llasananpaq yakuman wischurqaku. Jonasñataqmi barcopa uku lawninman yaykuruspan miskillataña puñukurqa.

CHUYA QELLQA La Biblia en Quechua de Ayacucho 2012

⁵ Barcopi llamkaqkunapas mancharikuspankum diosninkuman sapakama qaparirqaku, hinaspankum barcopi cargakunatapas manaña llasananpaq yakuman wischurqaku. Jonasñataqmi barcopa uku lawninman yaykuruspan miskillataña puñukurqa.

Quechua Ayacucho Bible 1987

⁵ Buquepi llamkaqkunapas mancharisqallaña kaspankum diosninkuman sapakama qaparirqaku. Buquepi cargakunatapas manaña llasananpaqmi yakuman wischuykurqaku. Jonasmi ichaqa buquepa uku lawninman yaykuruspan miskillataña puñukuchkarqa.

Jonás 1:5 Iomraidhean Croise

1~Reyes 18:26

Chaymi apamusqanku torota chaskiruspanku nakarurqaku, hinaspam achikyasqanmanta chawpi punchawkama Baal diosninkuta kaynata qayakurqaku: ¡Taytallayku Baal, uyariykullawayku! nispanku. Ichaqa manam ima qayakuyllatapas uyarirqakuchu chayraykum perqasqanku altarpa muyuriqninpi pawaykachaspa muyurirqaku.

Jobwan Sutichasqa Libro 2:4

Chaymi Tayta Diosta Satanás, nirqa: Runaqa aychanta mana imanasqaqa hawkam kawsakun, vidanraykum ichaqa imatapas ruwanman.

Salmos 107:25

Rimarispanmi sinchillataña wayrachimurqa, olakunatam altokunaman hoqarichirqa.

Salmos 148:8

Rayowan runtu parapas, ritiwan puyupas, loco parawan wayrapas, kamachisqantam ruwan.

Eclesiastés 3:6

Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Jeremías 2:28

Judá runakuna, ¿Maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku hinaspam contraypi hatarinku.

Jonás 1:14

Chaymi Tayta Diosta qayakuspanku nirqaku: Señor, amayá kay runapa vidanraykuqa ñoqaykupas wañurusaqkuchu; mana huchayuq kaptinqa amayá ñoqaykuchu paypa wañusqanmanta huchayuq kasaqku. Señor, qamqa imatapas ruwanki munasqaykiman hinam, nispanku.

Jonás 1:16

Chayta qawaykuspankum barcopi llamkaqkuna Tayta Diosta llumpayta manchakururqaku, chaymi Diosman sacrificiokunata qospanku yupaychanankupaqpas anchallataña prometekurqaku.

Jonás 1:6

Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Mateo 25:5

Novio manaña chayarimuptinmi puñuy aysaykuptin lliw puñururqaku.

Mateo 26:43

Kutimuspanmi discipulonkunata huktawan puñuchkaqta tariykurqa, puñuymi ñawinkuta wichqaypaq-wichqarqa.

Mateo 26:45

Chaymanta kutiramuspanmi discipulonkunata nirqa: ¿Hinallaraqchu puñuspa samachkankichik? Runapa Churinta huchasapakunapa makinman entregananku horam chayaramunña.

Hechos 27:38

Saksanankukama mikuruspankum barcota sampayachinankupaq costalpi trigokunata yakuman wischuykurqaku.

Jueces 16:19

Dalilam Sansonta moqonkunapa hawanpi puñurachirqa, hinaspam huk qarita qayaykuspan qanchisman simpasqa chukchanta ruturachirqa. Kallpan chinkaruptinmi burlakuyta qallaykuspan

1~Samuel 24:3

Richkaspankum chayarurqaku ovejakunapa kanchanman. Chaypa hichpanpim huk machay tarikurqa. Davidmi runankunapiwan chay machaypi pakakuchkarqaku, chaymanmi ispakunanpaq Saúl yaykururqa.