Génesis 6:3 - Chuya Qellqa 1992

³ Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

CHUYA QELLQA La Biblia en Quechua de Ayacucho 2012

³ Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

Quechua Ayacucho Bible 1987

³ Chaymi Tayta Dios nirqa: —Manam wiñaypaqchu Espirituyqa runawan yachanqa, cheqaptapunim payqa runalla, kawsanqaqa pachak iskay chunkan watallatañam —nispa.

Génesis 6:3 Iomraidhean Croise

Génesis 6:2

Diospa churinkunam, runakunapa warmi churinkuna kuyayllapaq kasqanta qawaykuspanku, munasqankuta akllakuykuspa casarakurqaku.

Nehemías 9:30

Paykunataqa watantin-watantinmi pacienciaykurqanki, Espirituykiwan hinaspa profetaykikunawanmi qaqchachirqanki, paykunam ichaqa mana kasukurqakuchu, chayraykum kay pachapi nacionkuna munaychakunanpaq kachaykurqanki.

Salmos 78:39

Tayta Diosqa, wañuq runalla kasqankutam yuyarirqa, chinkaruq wayra hinalla kasqankutam yuyarirqa.

Salmos 90:10

Runapa kawsakuyninqa qanchis chunka watallam, kallpasapankunallam pusaq chunka watakama chayanku, chaywanpas unay kawsakuyqa sasachakuytawan waqakuytam apamun. Imaynam watakuna chaylla pasarun, chaynam vidaykupas tukurun.

Isaías 5:4

¿Imakunataraqtaq ruwayman karqa uvas huertaypaq? ¿Icha imaraqmi faltawan ruwanaypaq? Miskita rurunantam ñoqaqa suyarqani, ¿imaynanpimá puchqollatañaqa rururun?

Isaías 57:16

Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 11:11

Chayraykum ñoqa Tayta Dios kaynata nini: Paykunamanmi hatun sasachakuyta chayachimusaq, chaymantaqa manam lluptinqakuchu. Yanapanaypaq qayakamuwaptinkupas manam uyarisaqchu.

Jeremías 11:7

Taytaykichikkunata Egiptomanta hurqomuspaymi kasuwanankupaq kamachirqani. Chay tiempomantam kunankama kasuwanankupaq chaylla-chaylla rimapayarqani.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Juan 3:6

Aychamanta nacemuqqa aychallam, Espiritumanta nacemuqmi ichaqa espíritu.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

1~Tesalonicenses 5:19

Chuya Espiritutaqa amayá amachaychikchu.