Éxodo 8:8 - Chuya Qellqa 1992

⁸ Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

CHUYA QELLQA La Biblia en Quechua de Ayacucho 2012

⁸ Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

Quechua Ayacucho Bible 1987

⁸ Chaymi Moisestawan Aaronta Faraon qayachispan nirqa: —Tayta Diosta ruegakuychik ñoqamantawan runaykunamanta kayrakuna asuchinanpaq hinaptinqa castaykikunatam kacharisaq animalkunata wañuchipuspa Tayta Diosta adoramunankupaq —nispa.

Éxodo 8:8 Iomraidhean Croise

1~Reyes 13:6

Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

Salmos 66:3

Tayta Diosta niychik: Mayna admirakuypaqmi ruwasqaykikunaqa, hatun atiyniyuq kasqaykiraykum enemigoykikuna ñawpaqnikipi qonqoranqaku.

Éxodo 10:16

Hinaptinmi utqayllamanña Moisestawan Aaronta qayachimuspan Faraón nirqa: Tayta Diospa chaynataq qamkunapa contraykichikpim huchallikuruni.

Éxodo 10:17

Chaynaqa, kunanllañayá huchayta pampachaykuwaspa Tayta Diosta mañakuychik, kay plagallatañapas ñoqamanta wischunanpaq, chaynapi mana wañurunaykupaq, nispa.

Éxodo 10:18

Chaymi Faraonpa ñawpaqninmanta lloqsiruspan Tayta Diosta Moisés mañakurqa.

Éxodo 14:5

Israelpa mirayninkuna lloqsisqankutam Egipto nacionpi reyman willaykurqaku, hinaptinmi Faraonqa serviqninkunapiwan Israelpa mirayninkunapa contranpi tanteaspa nirqaku: Israelpa mirayninkunata kachaykuspanchikqa yanqatam ruwarunchik, ¿pitaq kunanqa serviwasunchik? nispanku.

Éxodo 32:11

Chaymi Tayta Diosta ruegakuspan Moisés nirqa: Dios Taytalláy, amayá piñakuychu Egipto nacionmanta hurqomusqayki runaykikunapa contranpiqa, paykunataqa hatu-hatun atiynikiwanmi hurqomurqanki.

Éxodo 5:2

Rey Faraonñataqmi nirqa: ¿Pitaq Tayta Diosqa payta kasuspay Israelpa mirayninkunata kachaykunaypaqqa? Tayta Diostaqa manam reqsinichu, manataqmi Israel miraykunatapas kachariymanchu, nispa.

Éxodo 8:15

Faraonmi ichaqa chaykunamanta libreña tarikuspan, sonqonta aswanraq rumiyarachispan Tayta Diospa nisqanta mana kasukurqachu.

Éxodo 8:29

Hinaptinmi Faraonta Moisés nirqa: Qayllaykimanta lloqsiykuspallaymi Tayta Diostaqa mañakusaq, kachukuq tukuy rikchaq chuspikunata qanmanta, serviqnikikunamanta hinaspa runaykikunamanta paqarinpuni chinkachinanpaq. Ichaqa amaña engañawaykuchu, aswanqa Israelpa mirayninkunata kachariy, chaynapi Tayta Diosman sacrificiokunata ofrecenanpaq, nispa.

Éxodo 8:32

Ichaqa Faraonmi sonqonta aswanraq rumiyarachispan Israelpa mirayninkunata mana kachariyta munarqachu.

Éxodo 8:9

Hinaptinmi Faraonta Moisés nirqa: Haykapitaq qampaqwan, serviqnikikunapaq hinaspa runaykikunapaq Tayta Diosta ruegapunayta munanki, chaynapi karyakuna qanmanta hinaspa palacioykikunamanta lloqsispa mayullapiña kananpaq, nispa.

Éxodo 9:27

Chaymi Moisestawan Aaronta qayachispan Faraón nirqa: Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku.

Éxodo 9:28

Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.

Éxodo 9:33

Chaymantam Faraonpa ñawpaqninmanta llaqtapa hawa lawninman Moisés lloqsirqa, hinaspam brazonta kicharispa Tayta Diosta mañakurqa. Chayraqmi chay rayokunapas llipyawan runtu parapas taniramurqa, manañam mastaqa paramurqachu.

Números 21:7

Hinaptinmi Moisesman rispanku llapa runakuna nirqaku: Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku. Chaymi Tayta Diosta llapa runakunapaq Moisés mañakurqa.

Hechos 8:24

Hinaptinmi Simonñataq nirqa: Señortayá mañapullawaychik, chaynapi chay nisqaykichikkuna ama chayaramuwananpaq, nispa.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.