Éxodo 18:1 - Chuya Qellqa 1992

¹ Moisespa suegron Madián lawpi sacerdote Jetrom uyarirurqa, Moiseswan hinaspa Israelpa mirayninkunawan Tayta Diospa tukuy ima ruwasqanta, uyarirqataqmi imaynam Egipto nacionmanta Israelpa mirayninkunata Tayta Dios hurqomusqantapas.

CHUYA QELLQA La Biblia en Quechua de Ayacucho 2012

¹ Moisespa suegron Madián lawpi sacerdote Jetrom uyarirurqa, Moiseswan hinaspa Israelpa mirayninkunawan Tayta Diospa tukuy ima ruwasqanta, uyarirqataqmi imaynam Egipto nacionmanta Israelpa miray-ninkunata Tayta Dios hurqomusqantapas.

Quechua Ayacucho Bible 1987

¹ Moisespa suegron otaq Madian lawpi sacerdote Jetrom uyarirurqa Moisespaq hinaspa Israel runankunapaq Dios tukuy ima rurasqanta, uyarirqataqmi imaynam Egipto nacionmanta Israel runakunata Tayta Dios horqomusqantapas.

Éxodo 18:1 Iomraidhean Croise

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Éxodo 2:16

Madián lawpi sacerdotepam qanchis warmi churinkuna karqa, paykunam taytanpa ovejankunaman tomachinanpaq artesakunaman yaku hurqoq hamurqaku.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Zacarías 8:23

Tukuy Atiyniyuq Tayta Diosmi kaynata nin: Chay punchawkunapim, tukuy rikchaq rimayniyuq huklaw nacionkunamanta chunka runakuna, Judá nacionniyuq runata capanmanta hapipakuruspa ninqaku: “Qamkunawan riytam munaniku, qamkunawan Dios kasqantam uyariruniku”, nispanku.

Salmos 106:2

¿Pitaq rimarinqa Tayta Diospa atiywan ruwasqankunamanta? ¿Pitaq willakunqa yupaychasqa kasqanmanta?

Salmos 105:43

Llaqtantam llumpay kusisqata hurqomurqa, akllasqankunatam sinchi kusisqata hurqomurqa.

Salmos 78:4

Chaykunataqa mirayninchikkunamanpas mana pakaspam willasunchik, hamuq miraykunamanpas Tayta Diospa atiyninmantam willasunchik, admirakuypaq ruwasqankunamantam willasunchik.

Salmos 44:1

Diosnillayku, rinriykuwanmi uyarirqaniku, taytaykum ñawpaq tiempokunapi imakunam ruwasqaykita willawarqaku.

Salmos 34:2

Tayta Diospim ñoqallayqa alabakullasaq, llampu sonqokunapas uyarispankum kusikunqaku.

Josué 9:9

Paykunañataqmi nirqaku: Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan,

Josué 2:10

Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas.

Romanos 15:18

Aswanqa Cristopa imam ñoqantakama ruwasqallanmantam rimayta munani. Paymi atiyninta qowarqa willakuptiy hinaspa ruwaptiy mana judío kaqkunapas payta kasukunankupaq.

Hechos 15:12

Lliw upallaruspankum Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Salmos 105:5

Admirakuypaq kaqkuna ruwasqankunata yuyariychik, kamachikuyninkuna rimarisqanta yuyariychik.

Jueces 4:11

Moisespa suegron Hobabpa mirayninmanta kaq Hebermi, llapa ceneokunamanta rakikuruspan, Zaanaim pampapi encina sachapa hichpanpi carpanta sayarachirqa, chayqa Cedes llaqtapa hichpanpim karqa.

Números 10:29

Huk punchawmi Madián ayllu suegron Jetropa churin Hobabta Moisés nirqa: Tayta Diospa qowasqanku allpamanmi richkaniku, sichum ñoqaykuwan riptikiqa yanapasqaykikum. Israel ayllukunataqa Tayta Diosmi prometewarqaku yanapawanankupaq, nispa.

Éxodo 4:18

Suegron Jetropa wasinman kutiruspanmi Moisés nirqa: Wawqeykunapa imayna kasqanta yachaqmi Egipto nacionta kutisaq, nispa. Suegronñataqmi nirqa: Riruyá, nispa.

Éxodo 2:21

Chaynapim Moisesqa Reuelpa wasinpi yachananpaq arí nirqa. Chaymantam Reuelqa churin Seforawan Moisesta casarachirqa.

Éxodo 2:18

Maypacham sipaskuna taytankupaman kutiruptinkum, pay tapurqa: ¿Imanasqataq kunanqa chaylla kutiramunkichik? nispa.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Jueces 1:16

Moisespa suegron ceneopa mirayninkunam Judapa mirayninkunawan Palmeras sutiyuq llaqtamanta Judá lawpi chunniqman rirqaku, chay chunniqqa kachkan Neguev law Arad llaqtapa hichpanpim. Rispankum chaypi runakunawan yacharqaku.