Éxodo 11:8 - Chuya Qellqa 1992

⁸ Hinaptinmi llapallan serviqnikikuna ñoqaman hamuspa, ñawpaqniypi qonqorakuykuspa niwanqaku: “Llapallan runaykikunapiwan kaymanta lloqsiy”, nispanku. Chaymantañam lloqsisaq. Chaynata niruspanmi Faraonpa ñawpaqninmanta llumpay piñasqallaña Moisés lloqsirqa.

CHUYA QELLQA La Biblia en Quechua de Ayacucho 2012

⁸ Hinaptinmi llapallan serviqnikikuna ñoqaman hamuspa, ñawpaqniypi qonqorakuykuspa niwanqaku: “Llapallan runaykikunapiwan kaymanta lloqsiy”, nispanku. Chaymantañam lloqsisaq. Chaynata niruspanmi Faraonpa ñawpaqninmanta llumpay piñasqallaña Moisés lloqsirqa.

Quechua Ayacucho Bible 1987

⁸ Faraontam Moises nirqa: —Llapallan serviqnikikuna ñoqaman hamuwaspanmi ñawpaqniypi qonqorakuykuspa niwanqaku: “Lloqsiy llapallan qatisuqniki runakunapiwan” nispa. Chaymantañam lloqsisaq. Chaynata rimaruspanmi Moises lloqsirqa Faraonpa ñawpaqninmanta llumpay piñasqallaña.

Éxodo 11:8 Iomraidhean Croise

1~Reyes 20:10

Chaymi Ben-adad musoqmanta Acabta nichimurqa: Samaria llaqtata purmarachiptiy ñutu allpallanpas soldadoykunaman putqoyllankapas qonaypaq puchuruptinqa dioskunayá sinchita castigawachun, nispa.

2~Reyes 3:9

Chaymi Israelpa, Judapa hinaspa Edompa reyninkuna rirqaku. Qanchis punchawña chunniqninta muyuchkaptinkum soldadokunapaqwan animalkunapaq yaku pisirurqa.

Nehemías 5:6

Tukuy chay quejankuta uyariykuspaymi llumpayta piñakururqani.

Salmos 6:1

Dios Taytalláy, piñakuynikipiqa amayá qaqchallawaychu, rabiakuynikipiqa amayá castigawaychu.

Éxodo 10:29

Hinaptinmi Moisés nirqa: Allintapunim nirunki: Manañam yapatawanqa qayllaykiman hamusaqñachu, nispa.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Daniel 3:19

Rey Nabucodonosormi uyanpas pukayanankama llumpa-llumpayta piñakururqa Sadracpa, Mesacpa hinaspa Abed-negopa contranpi, hinaspam kamachikurqa hornota imaynam caldeachinankumantapas qanchis kuti mastaraq caldeachinankupaq.

Números 12:3

Moisesqa llapallan runakunamantapas llumpay uchuychakuqmi karqa.

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Deuteronomio 29:24

Hinaptinmi llapa runakuna tapukunqaku: “¿Imanasqataq kay allpata Tayta Dios kaynata castigarun? ¿Imanasqataq kaynataña piñakurun?” nispanku.

Deuteronomio 32:24

Yarqaymantam wañunqaku, sinchi calenturawanmi puchukanqaku, millay peste onqoywanmi tukunqaku, mikukuq purun animalkunatawan kachukuq maqta urukunatam paykunaman kachaykusaq.

Hebreos 11:27

Iñiyllawanmi Moisesqa, reypa piñakuynintapas mana manchakuspan Egiptomanta pasakurqa. Mana rikuy atina Diosta qawachkaq hinam kallpanchakurqa.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

Jueces 4:10

Baracmi Cedes llaqtaman Zabulón ayllumanta hinaspa Neftalí ayllumanta chunka waranqa runakunata huñurachirqa. Deborapas paywanmi rirqa.

Jueces 8:5

Sucot llaqtaman chayaruptinkum, chaypi runakunata Gedeón nirqa: Ama hina kaspaykichik, kay riqmasiy runakunaman ima mikuyllaykichiktapas qoykapuwaychik, paykunaqa pisipasqam kachkanku. Madianitakunapa reynin Zebatawan Zalmunatam qatichkaniku, nispa.