Éxodo 10:2 - Chuya Qellqa 1992

² Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

CHUYA QELLQA La Biblia en Quechua de Ayacucho 2012

² Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

Quechua Ayacucho Bible 1987

² Chaynataqa rurachkani Egipto nacionpi rurasqaymanta churikikunaman hinaspa willkaykikunaman willanaykipaqmi. Chaynapim yachankichik ñoqaqa Tayta Dios kasqayta.

Éxodo 10:2 Iomraidhean Croise

2~Samuel 7:22

Dios Taytalláy ¡mayna hatunmi qamqa kanki! Qam hinaqa manam pipas kanchu. Uyarisqaykupi hinapas qanmanta sapaq Diosqa manam kanchu.

Salmos 44:1

Diosnillayku, rinriykuwanmi uyarirqaniku, taytaykum ñawpaq tiempokunapi imakunam ruwasqaykita willawarqaku.

Salmos 44:2

Qanmi mana allin nacionkunata makikiwan qarqorqanki, llaqtakunatam ñakarichispa wischurqanki, paykunapa rantinpim taytaykuta churarqanki.

Salmos 58:11

Hinaptinmi runakuna ninqaku: “Cheqaptapunim allin kawsaq runapaqqa pagonkuna kachkan; cheqaptapunim kay pachapiqa Diospuni juzgan”, nispanku.

Salmos 71:18

Diosnilláy, yuyaqyaruspa soqo umaña kaptiypas ama qonqarullawaychu; kunan miraykunamanpas, qepa miraykunamanpas atiynikimanta willakunaypaq.

Salmos 78:3

Chaykunataqa uyarispam yacharqaniku ñawpaq tayta-mamaykum willawarqaku.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 7:17

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

Éxodo 7:5

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Éxodo 8:6

Hinaptinmi makinta Aarón haywarirqa Egipto yakukunapa hawanman, chaymi karyakuna lloqsiramurqa Egipto allpata huntaykunankama.

Isaías 38:19

Kawsaqkunam ichaqa yupaychasunki imaynam kunan yupaychamusqayta hina. Hapipakunapaq kaynikimantam churinkuman taytan yachachin.

Ezequiel 20:26

Llapa idolonkuman ofrendakunata apaspa chaynataq piwi churinkuta sacrificaspa qachachakunankutam saqeykurqani. Chaytaqa ruwarqani paykunaman manchakuy huntaykuptin ñoqa Tayta Dios kasqayta yachanankupaqmi.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Joel 1:3

Churikichikkunaman kayta willaychik, churikichikkunapas churinkunaman willachunku, paykunapas hamuq mirayninkunaman willachunku.

Efesios 6:4

Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Deuteronomio 4:9

Amam ima rikumusqaykichikmantapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chaykunataqa churikichikkunamanpas willkaykichikkunamanpas yachachinkichikmi.