Apocalipsis 13:2 - Chuya Qellqa 1992

² Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

CHUYA QELLQA La Biblia en Quechua de Ayacucho 2012

² Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

Quechua Ayacucho Bible 1987

² Chay rikusqay animalqa kasqa uturungu kaqllam, chakinkunañataqmi kasqa ukumaripa chakinkuna kaqlla, siminpas kasqa leonpa hinam. *f**Dragonmi qoykurqa atiynintawan gobiernonta hinaspa hatun munaychakuyninta.

Apocalipsis 13:2 Iomraidhean Croise

2~Reyes 2:24

Eliseoñataqmi paykunata qawarispan Tayta Diospa sutinpi ñakaykurqa, chaymi montemanta iskay ukumarikuna lloqsiramuspa tawa chunka iskayniyuq warmakunata tisaparurqa.

Salmos 22:21

Leonkunapa siminmanta salvaykullaway, piña torokunapa waqranmanta libraykullaway.

Proverbios 17:12

Wawankunata suwarachikuq ukumariwan tuparuymi aswan allinqa, tanteasqallanpi hapipakuq mana yachayniyuq runawan tuparuymantaqa.

Proverbios 28:15

Wakcha llaqtapi mana allin runa kamachikuspanqa qapariq leonman otaq yarqasqa ukumarimanmi rikchakun.

Isaías 5:29

Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Jeremías 13:23

¿Yaqachu yana runa yana kayninmanta tikrakurunman? ¿Yaqachu leopardo atinman muru pelon cambiaruyta? Chaynam huchaman qokuruq runapas, allinkuna ruwaytaqa mana atinmanchu.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.

Habacuc 1:8

Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam muyuriqnikichikpi purichkan pitapas millpurunanpaq.

Apocalipsis 12:13

Dragonñataqmi kay pachaman wischusqa kasqanta qawakuykuspan qari wawa wachakuq warmita qatikacharqa.

Apocalipsis 12:15

Dragonñataqmi siminmanta mayu hina achka-achka yakuta atqorqa chay warmita aparunanpaq.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 13:12

Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta.

Apocalipsis 13:4

Chay Dragontam yupaycharqaku manchakuypaq animalman atiyta qoykusqanrayku. Yupaycharqakutaqmi chay manchakuypaq animaltapas: ¿Pitaq kay manchakuypaq animal hinaqa kanman? ¿Pitaq paywanqa peleanman? nispanku.

Apocalipsis 16:10

Pichqa kaq angelpas copa apasqantam manchakuypaq animalpa trononman talliykurqa, hinaptinmi munaychakuynin tutayarurqa, chaymi llapa runakuna nanaywan qallunkutapas kachukurqakuraq,

Apocalipsis 17:12

Chay chunka waqrakuna rikusqaykiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.

Apocalipsis 19:20

Manchakuypaq animalmi presochasqa karqa, paypa qayllanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq animalpa marcan chaskiqkunata hinaspa imagennin yupaychaqkunata engañarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.