Apocalipsis 10:5 - Chuya Qellqa 1992

⁵ Lamar qochapiwan allpa pachapi sarupakuspa sayaq angeltañataqmi rikurqani, alleq makinta hanaq pachaman hoqariqta,

CHUYA QELLQA La Biblia en Quechua de Ayacucho 2012

⁵ Lamar qochapiwan allpa pachapi sarupakuspa sayaq angeltañataqmi rikurqani, alleq makinta hanaq pachaman hoqariqta,

Quechua Ayacucho Bible 1987

⁵ Lamar qochapiwan allpapi sayaq angelñataqmi cielo lawman alleq makinta hoqarirqa.

Apocalipsis 10:5 Iomraidhean Croise

Daniel 12:7

Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaqtanpa atiyninpa tuñichisqa kaynin tukuruptinñam, nispa.

Deuteronomio 32:40

Cieloman makiyta haywarispaymi jurani, wiñaypaq kawsaq Dios kasqayta.

Apocalipsis 16:17

Qanchis kaq angelpas copa apasqantam wayraman talliykurqa, hinaptinmi hanaq pachapi kaq templopi Diospa trononmanta huk qapariy uyarikurqa: ¡Ruwasqañam kachkan! niq.

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 10:2

Makinpiñataqmi kasqa kichasqa taksa rollo, alleq chakinwanmi sarupakurqa lamar qochapa hawanpi, ichoq chakinwanñataqmi sarupakurqa allpa pachapi.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Apocalipsis 4:9

Runaman rikchakuq chay kawsaqkunam, trononpi tiyaq wiña-wiñaypaq kawsakuq Diosta sapa kuti yupaychaspa hinaspa hatunchaspa graciasta qoptinkuñataqmi,

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Nehemías 9:6

Qam sapallaykim Diosqa kanki, cielokunatapas, chaskakunatapas, cielokunapa hawanpi kaqkunatapas, qanmi ruwarqanki; kay pachatawan chaypi kaqkunatapas, lamar qochakunatawan chaypi kaqkunatapas, qanmi ruwarqanki, qanmi tukuy chaykunata kawsachinki, chaymi hanaq pachapi kaqkuna yupaychasunki.

Éxodo 20:11

Soqta punchawpim cielokunata, kay pachata, lamar qochata chaynataq chaypi tukuy ima kaqkunatapas unancharqani. Qanchis punchawpiñataqmi samarqani, hinaspam chay punchawta bendecispay sapaqcharqani.

Génesis 14:22

Hinaptinmi Abram nirqa: Kay pacha hanaq pacha unanchaq Tukuy Atiyniyuq Tayta Diosrayku juraspaymi nirqani:

Hebreos 6:13

Diosqa Abrahamman prometespanqa, paymanta aswan munayniyuq mana pipas kaptinmi kikinpa sutinpi jurarqa.

Romanos 1:20

Diospa mana rikuy atina kaqninkunapas, wiñaypaq atiyninpas chaynataq Dios kayninpas, kay pacha unanchasqa kasqanmantapunim tukuy ima unanchasqankunapi reqsichikun. Chaynaqa, manam pipas ninmanchu: “Diosmantaqa manam imatapas yacharqanichu”, nispaqa.

Hechos 17:23

Kunanmi hamuchkaspay dioskuna yupaychanaykichik sitionkuna qawamusqaypi huk altarta rikuramuni, chay altarpim kayna qellqasqa kasqa: “Mana reqsisqa Diospa Altarnin” niq. Chay mana reqsistin yupaychasqaykichik Diosmanta willanaypaqmi hamuni.

Ezequiel 20:5

Ñoqa Tayta Diospa nisqayta kaynata niy: Israelta akllakusqay punchawmi mirayninkunaman Egipto nacionpi reqsichikurqani, hinaspaymi jurarqani “ñoqa Tayta Diosmi, Diosnikiqa kani”, nispa.

Salmos 146:5

¡Mayna kusisqam Jacobpa Diosninmanta yanapakuy chaskiq runaqa! ¡Mayna kusisqam Tayta Diospi suyaq runaqa!

Éxodo 6:8

Abrahamman, Isaacman hinaspa Jacobman qonaypaq prometesqay allpamanmi pusasqaykichik. Chay allpata qoptiymi qamkunapaña kanqa. Ñoqam Tayta Dios kani, nispa.

Ezequiel 47:14

Kay nacionpi allpakunatam ñawpaq taytaykichikkunaman qonaypaq prometekurqani, chaynaqa chay sayaytakamallam partenakunkichik. Kay nacionmi tupaqnikichik allpa kanqa.

Ezequiel 36:7

Chayraykum ñoqa Tayta Dios kaynata nini: Chay muyuriqnikichikpi nacionkunam penqayman churasqa kanqaku.

Ezequiel 20:42

Israel allpaman otaq ñawpaq taytaykichikkunaman qonaypaq jurasqay allpaman yaykuchiptiymi Tayta Dios kasqayta yachankichik.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 20:23

Chay chunniqpim jurarqani paykunata kay pachapi tukuy nacionman cheqerachinaypaq.

Ezequiel 20:15

Chay chunniqpitaqmi paykunata juraspay nirqani qosqay allpaman, tukuy imapa kanan chaynataq tukuy imapa qespinan allpaman, llapallan allpakunamantapas aswan allin allpaman manaña yaykuchinaypaq.