Yohane 6:9 - KYERƐW KRONKRON

⁹ Abarimaa bi wɔ ha a ɔwɔ atoko abodoo anum ne mpataa nketewa abien; na eyi yɛ dɛn ma nnipa pii yi?

Twerɛ Kronkron

⁹ Abarimaa bi wɔ ha a ɔwɔ atokoɔ paanoo nnum ne mpataa nketewa mmienu; na yei yɛ deɛn ma nnipa pii yi?

Akuapem Twi Nkwa Asɛm

⁹ “Abarimaa bi wɔ ha a ɔwɔ brodo anum ne kyenam abien; na eyi betumi aso nnipa dodow yi di?”

New Revised Asante Twi Bible

⁹ Abarimaa bi wɔ ha a ɔwɔ atokoɔ paanoo nnum ne mpataa nketewa mmienu; na yei yɛ deɛn ma nnipa pii yi?

Asante Twi Nkwa Asɛm

⁹ “Abarimaa bi wɔ ha a ɔwɔ burodo enum ne nkyenam mmienu; na yei bɛtumi aso nnipa dodoɔ yi di?”

KYERƐW KRONKRON

⁹ Abarimaa bi wɔ ha a ɔwɔ atoko abodoo anum ne mpataa nketewa abien; na eyi yɛ dɛn ma nnipa pii yi?

Yohane 6:9 Iomraidhean Croise

1 Ahene 4:28

Na atoko ne sare a wɔde ma apɔnkɔ ne apɔnkɔ ahoɔharefo nso, wɔde baa nea wɔwɔ hɔ no, wɔn nyinaa sɛnea wɔahyehyɛ wɔn.

2 Ahene 7:1

Ɛnna Elisa kae sɛ: Muntie AWURADE asɛm: Sɛ AWURADE se ni: Ɔkyena sesɛɛ awisam susuw ade biako bedi dwetɛbona, na atoko susuw ade abien bedi dwetɛbona, Samaria kurow pon ano.

Nnwom 147:14

Ɔma w’ahye so dwo, ɔde awi mu awi pa ma wudi mee.

Nnwom 78:19

na wɔkasa hyɛɛ Onyankopɔn sɛ: So Onyankopɔn betumi atow ɔpon sare so?

Nnwom 78:41

Na wɔsan sɔɔ Onyankopɔn hwɛe, na woyii Israel kronkronni no ahii.

Nnwom 81:16

Na ɔde awi mu awi pa bɛyɛn wɔn, na mede abotan mu wo mɛma woamee.

Hesekiel 27:17

Yuda ne Israel asase ne wo di gua; Minit awi ne paanoo ne ɛwo ne ngo ne aneneduhuam na wɔde gye w’aguade;

Mateo 14:17

Na wosee no sɛ: Yenni biribi ha yi sɛ abodoo anum ne mpataa abien.

Mateo 16:9

Munnya nhui ɛ, na monkae nnipa mpemnum abodoo anum ne nkɛntɛn dodow a munyae no?

Marko 6:38

Na osee wɔn sɛ: Abodoo ahe na mowɔ? Monkɔ nkɔhwɛ! Na wɔkɔhwɛe no, wɔkae sɛ: Anum ne mpataa abien.

Marko 8:19

Mibubuu abodoo anum memaa mpemnum no, mporoporowa nkyerɛnkyɛ ma ahe na motasee? Ɛnna wose: Dumien.

Luka 9:13

Na ɔka kyerɛɛ wɔn sɛ: Momma wɔn biribi nni! Na wose: Yenni biribiara sɛ abodoo anum ne mpataa abien pɛ, gye sɛ yɛkɔtɔ aduan ma nkurɔfo yi nyinaa.

Yohane 11:21

Ɛnna Marta see Yesu sɛ: Awurade, sɛ wowɔ ha a, anka me nuabarima anwu.

Yohane 11:32

Ɛnna Maria duu faako a Yesu wɔ hɔ na ohuu no no, ɔkotow ne nan ase ka kyerɛɛ no sɛ: Awurade, sɛ wowɔ ha a, anka me nuammarima anwu.

Yohane 21:10

Na Yesu see wɔn sɛ: Momfa nam a muyii mprempren no bi mmra!

Yohane 21:13

Ɛnna Yesu bɛfaa abodoo no de maa wɔn, ɛne apataa no saa ara.

Yohane 21:9

Na wosii fam no, wohuu nnyansramma a nam gu so, ne abodoo.

Yohane 6:11

Na Yesu faa abodoo no, na ɔdaa ase no, ɔkyɛ maa wɔn a wɔtete hɔ no; ne mpataa no nso dodow a wɔpɛ.

Yohane 6:7

Filipo buaa no sɛ: Abodoo denare ahanu renso wɔn sɛ wɔn mu biara benya kakra.

2 Korintofo 8:9

Na munim yɛn Awurade Yesu Kristo adom no, sɛ ɔyɛ ɔdefo de, nanso, mo nti ɔbɛyɛɛ ohiani, sɛ monam ne hia no so abɛyɛ adefo.

5 Mose 32:14

anantwi nufusu ani srade, ne nguan nufusu, ne nguammuruwa srade, ne Basan adwennini ne mpapo de, ne awi asaabo mu srade, na wonom bobe aba mu mogya gyenennyenen.

5 Mose 8:8

asase a awi ne atoko ne bobe ne borɔdɔma ne ateaa wɔ so, asase a ɛso wɔ ngodua ne ɛwo,

Adiyisɛm 6:6

Na metee nne bi ateasefo baanan no mfinimfini a ese: Yɛ awi susukora denare, na yɛ aburow susukora abiɛsa denare; nanso ngo ne nsa de, nyɛ no hwee!