Nnwom 2:12 - KYERƐW KRONKRON

¹² Momfa nidi mapa mma no, na ne bo amfuw, na moanyera ɔkwan mu; na aka kakra na n’abufuw adɛw. Nhyira ne wɔn a woguan toa no nyinaa.

Twerɛ Kronkron

¹² Momfa nidie mapa mma no, na ne bo amfu, na moanyera ɔkwan mu; na aka kakra na n’abufuo adɛ. Nhyira ne wɔn a wɔdwane kɔtoa no nyinaa.

Akuapem Twi Nkwa Asɛm

¹² Mumfew Ɔba no ano, na ne bo amfuw na mo akwan de mo bɛkɔ ɔsɛe mu, efisɛ nʼabufuwhyew tumi sɔre mpofirim. Nhyira ne wɔn a woguan toa no nyinaa.

New Revised Asante Twi Bible

¹² Momfa nidie mapa mma no, na ne bo amfu, na moanyera ɔkwan mu; na aka kakra na n’abufuo adɛ. Nhyira ne wɔn a wɔdwane kɔtoa no nyinaa.

Asante Twi Nkwa Asɛm

¹² Momfe Ɔba no ano, na ne bo amfu ansɛe mo wɔ mo akwan so, ɛfiri sɛ nʼabufuhyeɛ tumi sɔre ntɛm so. Nhyira ne wɔn a wɔdwane toa no nyinaa.

KYERƐW KRONKRON

¹² Momfa nidi mapa mma no, na ne bo amfuw, na moanyera ɔkwan mu; na aka kakra na n’abufuw adɛw. Nhyira ne wɔn a woguan toa no nyinaa.

Nnwom 2:12 Iomraidhean Croise

1 Mose 41:40

Wubedi me fi so, na w'anom asɛm so na me man nyinaa bedi, gye ahengua nko so na mɛsen wo.

1 Ahene 19:18

Nanso megyaw Israel mu nnipa mpemnsɔn, nkotodwe a ennya nkotow Baal nyinaa ne ano a ennya mfew n’ano nyinaa.

Nnwom 1:6

Efisɛ AWURADE nim atreneefo kwan, na abɔnefo kwan de, ɛbɛyera.

Nnwom 109:20

Eyi ne me ho asɛmpɛfo akatua a efi AWURADE nsam, ne wɔn a wɔka me kra ho asɛmmɔne no de.

Nnwom 2:5

Ɛno na ɔbɛkasa akyerɛ wɔn, n’abufuw mu, na ɔde n’abufuhyew beyi wɔn hu aka sɛ;

Nnwom 2:7

Na mɛka no nea AWURADE ahyɛ no, AWURADE ase me sɛ: Meba ne wo, ɛnnɛ na mawo wo.

Nnwom 31:20

Wode w’anim bɔ wɔn ho ban de wɔn hintaw fi nnipa a wɔabɔ tukuw anim, wode wɔn sie ɔsese mu fi tɛkrɛma birebire ho.

Nnwom 34:8

Monka nhwɛ na munhu sɛ AWURADE ye, nhyira ne onipa a oguan toa no.

Nnwom 34:9

AWURADE akronkronfo, munsuro no! Na biribiara remmɔ wɔn a wosuro no.

Nnwom 40:4

Nhyira ne nnipa a wɔde wɔn ani ato AWURADE so, na wɔnnan wɔn ho nkɔ ahantanfo nkyɛn ne wɔn a wɔman di anyame huhu akyi.

Nnwom 84:12

Asafo AWURADE, nhyira ne onipa a ɔde ne ho to wo so.

Mmebusɛm 16:20

Nea odwen asɛm so no hu papa, na nhyira ne nea ɔde ne ho to AWURADE so.

Yesaia 30:18

Na enti AWURADE twɛn ansa na wadom mo, na ɛno nti na ɔma ne ho so ansa na wahu mo mmɔbɔ, na atemmu Nyankopɔn ne AWURADE, nhyira ne wɔn a wɔtwɛn no nyinaa.

Yeremia 17:7

Nhyira ne onii ko a ɔde ne ho to AWURADE so, na AWURADE yɛ n’anidaso!

Hosea 13:2

Na afei wɔkɔ so yɛ bɔne, na wɔde wɔn dwetɛ yɛ ogu ahoni ne wɔn nhumu ano adwinhoni; ɛyɛ odwumfo adwuma ara nko. Nnipa a wɔbɔ afɔre kasa kyerɛ wɔn. Wofew anantwi mma ano.

Sefania 2:2

Mommma ahyɛde no mmma ansa, da no resen aba sɛ ntɛtɛwa, mommma Awurade abufuw mu gya no mmma mo so ansa, yiw mommma Awurade abufuw da no mmma mo so ansa.

Yohane 14:6

Yesu see no sɛ: Mene kwan ne nokware ne nkwa; obi mma Agya no nkyɛn, gye sɛ ɔnam me so.

Yohane 5:23

sɛ wɔn nyinaa nni Ɔba no ni, sɛnea wodi Agya no ni no. Nea onni Ɔba no ni no nni Agya a ɔsomaa no no ni.

Romafo 10:11

Na kyerɛw no se: Obiara a ogye no di no ani renwu.

Romafo 9:33

sɛnea wɔakyerɛw sɛ: Hwɛ, mede ɔbotan bi resi Sion a ɛbɛyɛ hintibo ama nnipa, ɛyɛ ɔbotan a ɛbɛma wɔn ahweaseɛ; na obiara a obegye no adi no anim rengu ase.

Efesofo 1:12

sɛ yɛn a yɛn ani daa Kristo so kan no mmɛyɛ n’anuonyam ayeyi.

1 Petro 1:21

a monam no so gye Onyankopɔn a onyan no fii awufo mu na ɔhyɛɛ no anuonyam no di no, na mo gyidi ne anidaso atena Onyankopɔn mu.

1 Petro 2:6

Efisɛ ɛwɔ kyerɛw no mu sɛ: Hwɛ, mede tweaso tibo a wɔayi no na ne bo yɛ den mato Sion, na nea ogye no di no ani renwu.

1 Samuel 10:1

Ɛnna Samuel faa ngo toa hwie guu Saul atifi, na ofew n’ano kae sɛ: AWURADE asra wo asi ne man Israel so panyin. Na wobedi AWURADE nkurɔfo anim, agye wɔn afi wɔn atamfo a atwa wɔn ho nyinaa nsam. Na eyi ne wo nsɛkyerɛnne sɛ AWURADE asra wo ngo adi ne nkurɔfo ne n’agyapade so.