Nnwom 127:3 - KYERƐW KRONKRON

³ Hwɛ, mma yɛ agyapade a efi AWURADE hɔ, na yafunu mu aba yɛ akatua.

Twerɛ Kronkron

³ Hwɛ, AWURADE agyapadeɛ ne mma, na yafunu mu aba yɛ akatua.

Akuapem Twi Nkwa Asɛm

³ Mma yɛ agyapade a efi Awurade hɔ, na mma yɛ akatua a efi no.

New Revised Asante Twi Bible

³ Hwɛ, AWURADE agyapadeɛ ne mma, na yafunu mu aba yɛ akatua.

Asante Twi Nkwa Asɛm

³ Mmammarima yɛ agyapadeɛ a ɛfiri Awurade hɔ, na mma yɛ akatua a ɛfiri noɔ.

KYERƐW KRONKRON

³ Hwɛ, mma yɛ agyapade a efi AWURADE hɔ, na yafunu mu aba yɛ akatua.

Nnwom 127:3 Iomraidhean Croise

1 Mose 1:28

Na Onyankopɔn hyiraa wɔn, na Onyankopɔn ka kyerɛɛ wɔn sɛ: Monwo, na monnɔre, na monyɛ asase so ma, na monni so tumi, na munni ɛpo mu mpataa ne wim nnomaa ne mmoa a wɔkeka wɔn ho wɔ asase so nyinaa so.

1 Mose 24:60

Na wohyiraa Rebeka see no sɛ: Yɛn nuabea, dan ɔpedu ahorow mpem, na w'asefo mfa wɔn atamfo apon nni.

1 Mose 33:5

Na ɔmaa n'ani so huu mmea no ne wɔn mma no, ɔkae sɛ: Henanom ne eyinom a wɔka wo ho yi? Na ose: ɛyɛ mma a Onyankopɔn de adom w'akoa.

1 Mose 4:1

Na Adam ne ne yere Hawa hyiae, na onyinsɛnee, na ɔwoo Kain, na ɔkae se: AWURADE adaworoma, manya ɔbarima.

1 Mose 48:4

na ɔka kyerɛɛ me sɛ: Hwɛ, mɛma woadɔ, na mama woadɔɔso, mɛyɛ wo aman asafo, na mede asase yi mɛma w'asefo a wobedi w'akyi no sɛ daa agyapade.

2 Samuel 3:5

Na nea ɔto so asia ne Dawid yere Egla ba Yitream. Eyinom na wɔwoo wɔn maa Dawid wɔ Hebron.

1 Berɛsosɛm 28:5

na me mma nyinaa mu no, efisɛ AWURADE ama me mma pii, wayi me ba Solomon sɛ ɔntena AWURADE ahenni a ɔde di Israel so no agua so.

1 Berɛsosɛm 8:40

Na Ulam mma yɛ mmarima ahoɔdenfo a wotumi, wokuntun ta, na wɔwɔ mma bebree ne mmanananom ɔha aduonum. Eyinom nyinaa yɛ Benyamin mma asefo.

Hiob 1:2

Na ɔwoo mmammarima baasɔn ne mmammea baasa.

Yesaia 13:18

wɔn mmɛmma bɛbobɔ mmerante, wɔn yam renhyehye wɔn ɔyafunum mma po ho, na wɔn aniwa renkyɛe mmofra so.

Yesaia 8:18

Hwɛ, me ne me mma a AWURADE ama me no fi asafo AWURADE a ɔte Sion bepɔw so no yɛ nsɛnkyerɛnne ne anwonwade, Israel mu.

5 Mose 28:11

Na AWURADE bɛma nnepa abu wo so, wo yafunu mu aba mu ne w’afieboa aba mu ne w’asase so aba mu, asase a AWURADE kaa w’agyanom ntam sɛ ɔde bɛma wo no so.

5 Mose 28:4

Nhyira bɛka wo yafunu mu aba ne w’asase so aba ne w’afieboa mma, w’anantwi mma ne wo nguan mma.

Atemmufo 12:9

Na ɔwɔ mmammarima aduasa; na ɔde mmabea aduasa momaa aware mmeaemmeae, na okogyigyee mmabaa aduasa nso fi mmeaemmeae brɛɛ ne mmammarima aware. Na odii Israel anim mfe asɔn.

1 Samuel 1:27

Abofra yi ho mpae na mebɔe, na AWURADE ama me nea mesrɛɛ no hɔ no.