Hiob 7:9 - KYERƐW KRONKRON

⁹ Sɛnea omununkum sa na ɛkɔ no, saa ara na nea osian kɔ asaman no remforo mma bio.

Twerɛ Kronkron

⁹ Sɛdeɛ mununkum sa na ɛkorɔ no, saa ara na deɛ ɔsiane kɔ Asamando no remforo mma bio.

Akuapem Twi Nkwa Asɛm

⁹ Sɛnea omununkum yera na etu kɔ, saa ara na nea ɔkɔ ɔda mu no nsan mma bio.

New Revised Asante Twi Bible

⁹ Sɛdeɛ mununkum sa na ɛkorɔ no, saa ara na deɛ ɔsiane kɔ Asamando no remforo mma bio.

Asante Twi Nkwa Asɛm

⁹ Sɛdeɛ omununkum yera na ɛtu korɔ no, saa ara na deɛ ɔkɔ damena mu no nsane mma bio.

KYERƐW KRONKRON

⁹ Sɛnea omununkum sa na ɛkɔ no, saa ara na nea osian kɔ asaman no remforo mma bio.

Hiob 7:9 Iomraidhean Croise

2 Samuel 12:23

na afei wanya awu; ɛdɛn nti na minni abuada? So metumi masan no aba bio? Me na mɛkɔ ne nkyɛn, na ɔno de, ɔrensan mma me nkyɛn.

2 Samuel 14:14

Na owu de, yebewu ara na yɛte sɛ nsu a wɔahwie agu fam a wontumi nsesaw bio; nso Onyankopɔn de, onkum na mmom odwen nea ɛbɛyɛ na nea wɔapam no no wɔrempam no mfi ne ho.

Hiob 10:21

ansa na makɔ nea merensan memma, na makɔ sum ne sunsuma asase so,

Hiob 11:8

Ɛkorɔn sɛ ɔsoro, dɛn na wobɛyɛ? Ɛyɛ kuronkuron sɛ asaman, dɛn na wunim?

Hiob 16:22

Na mfe a ɛwɔ ano no bedu, na makɔ ɔkwan a merensan memma.

Hiob 17:13

Sɛ mede asaman meyɛ me fi, na metow me mpa esum mu,

Hiob 17:16

Ebesian akɔ Asaman adaban mu, bere a yɛn nyinaa home wɔ mfutuma mu.

Hiob 3:13

Anka sesɛɛ meda hɔ mayɛ komm, anka mada, ɛno de anka manya ahomeye,

Hiob 30:15

Ahuyide adan akyerɛ me so, wɔpam me bakomadi sɛ mframa, na me yiyedi asen kɔ sɛ omununkum.

Hiob 37:11

Nsu ara nko na ɔde soa omununkum, ɔtrɛw ne hann mununkum no mu.

Nnwom 39:13

Yi w’ani fi me so, na mentew m’anim, ansa na mafi ha, na wɔanhu me bio.

Yesaia 26:14

Awufo rentena ase, asamanfo rensɔre bio, ɛno nti na wobɛtwee wɔn aso na wosɛee wɔn, na womaa wɔn ho nkae nyinaa yerae.

Yesaia 38:11

Mise: Merenhu AWURADE bio, wɔ ateasefo asase so; merenhu nnipa bio, wɔn a wɔte asaman no mu.