Hesekiel 15:2 - KYERƐW KRONKRON

² Onipa ba, dɛn na obobe dua de sen nnua nyinaa, obobe baa a ɛwɔ wura mu nnua mu no?

Twerɛ Kronkron

² Onipa ba, ɛdeɛn na bobe dua de sene nnua nyinaa, bobe homa a ɛwɔ wira mu nnua mu no?

Akuapem Twi Nkwa Asɛm

² “Onipa ba, ɔkwan bɛn so na bobe dutan so bɛba mfaso asen kwae mu dua foforo biara mman?

New Revised Asante Twi Bible

² Onipa ba, ɛdeɛn na bobe dua de sene nnua nyinaa, bobe homa a ɛwɔ wira mu nnua mu no?

Asante Twi Nkwa Asɛm

² “Onipa ba, ɛkwan bɛn so na bobe dutan ho bɛba mfasoɔ asene kwaeɛ mu dua foforɔ biara mman?

KYERƐW KRONKRON

² Onipa ba, dɛn na obobe dua de sen nnua nyinaa, obobe baa a ɛwɔ wura mu nnua mu no?

Hesekiel 15:2 Iomraidhean Croise

Hosea 10:1

Israel yɛ obobe pa a ɛsow n’aba nso; dodow a n’aba dɔɔso no, dodow no ara na wama afɔremuka nso adɔɔso; n’asase yiye a ɛyɛ nti no, wɔanya ahoni adum asiye nso.

Yeremia 2:21

Na me de, matɛw wo bobe pa ma wufi nea eye nko ara mu, na ɛyɛɛ dɛn na woadan me amannɔne bobe nhama yi?

Nnwom mu dwom 7:12

Ma yentua ahema nkɔ bobe nturo mu nkɔhwɛ sɛ obobe afefɛw, na ne nhwiren apaepae, sɛ atea agu nhwiren anaa? Ɛhɔ na meyi me dɔ makyerɛ wo.

Nnwom mu dwom 6:11

Misian mekɔɔ adwe turo mu, sɛ mekɔhwɛ obon mu nhabamma frɔmfrɔm, sɛ mekɔhwɛ sɛ obobe afefɛw, sɛ atea agu nhwiren anaa?

Nnwom mu dwom 2:15

Monkyere sakraman mma yɛn, sakraman nketewa a wɔsɛe bobe nturo no, na yɛn bobe asosow nnwennaa.

Sakaria 11:2

Ɔpopaw, twa adwo, na kyeneduru ahwe fam, efisɛ anuonyamfo asɛe; Basan adum, muntwa adwo, na kwae a ɛkorɔn abrɛ ase.

Mika 3:12

Ne saa nti, mo nti wɔbɛfɛntɛm Sion sɛ afuw, na Yerusalem adan abo akuakuw, na ofi no bepɔw adan kwae sorɔnsorɔmmea.

Yesaia 44:23

Ɔsoro, monto anigye dwom, na AWURADE na wayɛ; asase ase ase noho, mommɔ ose, mompaepae ahurusi dwom mu, mmepɔw, kwae ne emu nnua nyinaa. Na AWURADE agye Yakob, na wahyɛ ne ho anuonyam, Israel mu.

Nnwom mu dwom 2:13

Borɔdɔma rema n’abunabun agyigye, na obobe nnwennaa reyi ne hua. Sɔre, m’adamfowaa, me yima, na bra ɛ!

Hesekiel 15:1

Na AWURADE asɛm baa me nkyɛn sɛ:

Hesekiel 15:3

So wɔfa mu dua de yɛ adwuma bi, anaasɛ wɔfa mu bi yɛ bofunnua, sɛ wɔde ade biara bɛsɛn so?

Hesekiel 19:12

Na wotuu no anibere so tow no hwee fam, na apuei mframa kisaa n’aba no; ne nhama a ɛyɛ den no bubui na etwintwamee, na ogya hyewee.