Efesofo 4:4 - KYERƐW KRONKRON

⁴ Efisɛ nipadua biako ne honhom biako na ɛwɔ hɔ, sɛnea wɔafrɛ mo nso, mo frɛ anidaso biako mu:

Twerɛ Kronkron

⁴ Ɛfiri sɛ nipadua baako ne honhom baako na ɛwɔ hɔ, sɛdeɛ wɔafrɛ mo nso mo frɛ anidasoɔ baako mu no:

Akuapem Twi Nkwa Asɛm

⁴ Nipadua baako ne Honhom baako na ɛwɔ hɔ, sɛnea wɔfrɛɛ mo kɔɔ anidaso baako,

New Revised Asante Twi Bible

⁴ Ɛfiri sɛ nipadua baako ne honhom baako na ɛwɔ hɔ, sɛdeɛ wɔafrɛ mo nso mo frɛ anidasoɔ baako mu no:

Asante Twi Nkwa Asɛm

⁴ Nipadua baako ne Honhom baako na ɛwɔ hɔ, sɛdeɛ wɔfrɛɛ mo kɔɔ anidasoɔ baako,

KYERƐW KRONKRON

⁴ Efisɛ nipadua biako ne honhom biako na ɛwɔ hɔ, sɛnea wɔafrɛ mo nso, mo frɛ anidaso biako mu:

Efesofo 4:4 Iomraidhean Croise

Nnwom 122:8

Me nuanom ne me mfɛfo nti mɛka sɛ: Asomdwoe ntena wo mu.

Yeremia 14:8

Wo a Israel hwɛ wo kwan, wo a wugye wɔn ohia bere mu, ɛdɛn nti na woyɛ sɛ asase yi so hɔho, sɛ ɔkwantenni a ɔsoɛ anadwo?

Yeremia 17:7

Nhyira ne onii ko a ɔde ne ho to AWURADE so, na AWURADE yɛ n’anidaso!

Mateo 28:19

Enti monkɔ nkɔyɛ amanaman nyinaa m’asuafo, na mommɔ wɔn asu nhyɛ Agya ne Ɔba ne Honhom Kronkron din mu,

Asomafo 15:11

Na Awurade Yesu dom so mmom na yegye di sɛ wɔnam begye yɛn nkwa, sɛ wɔn nso.

Romafo 11:29

efisɛ Onyankopɔn ma obi adom akyɛde na ɔfrɛ no a ɔnntwe nsan.

1 Korintofo 10:17

Ɛnam sɛ abodoo no yɛ biako nti yɛn a yɛyɛ bebree no yɛ nipadua koro; na yɛn nyinaa di abodoo biako no bi.

1 Korintofo 12:20

Na afei akwaa no dɔɔso de, nanso nipadua no yɛ biako.

2 Korintofo 11:4

Na sɛ obi ba bɛka Yesu foforo bi ho asɛm a yɛnkae, anaasɛ munya honhom foforo a munnyae, anaasɛ asɛmpa foforo a munnyei a, mugye tom ntɛm!

Efesofo 1:18

na moate ase, na moahu ne frɛ anidaso no ne n’apɛgyade anuonyam ahonya wɔ ahotefo no mu.

Efesofo 2:16

na wafa asɛnnua no so apata aka abien no abɔ Onyankopɔn ho, nipadua biako mu, efisɛ ɔde asɛnnua no akum nitan no.

Efesofo 2:18

efisɛ ɔno so na yɛn baanu nyinaa nam honhom biako mu anya ɔkwan kɔ Agya no nkyɛn.

Efesofo 2:22

ne mu na wɔde mo nso resi akɔyɛ Onyankopɔn tenabea, honhom mu.

Efesofo 4:1

Enti afei me, Awurade deduani, mitu mo fo sɛ, monnantew sɛnea ɛfata ɔfrɛ a wɔde afrɛ mo,

Efesofo 5:30

Efisɛ yɛyɛ ne nipadua ho akwaa.

Kolosefo 1:5

esiane anidaso a ɛda hɔ ma mo wɔ ɔsoro, ɛno na monam asɛmpa nokwasɛm so dii kan tee.

Kolosefo 3:15

Na momma Kristo asomdwoe nni panyin mo koma mu, ɛno mu nso na wɔafrɛ mo aba, nipadua biako mu; na monnyɛ boniayɛfo.

2 Tesalonikafo 2:16

Na ɔno, yɛn Awurade Yesu Kristo ne yɛn Agya Onyankopɔn a ɔdɔ yɛn na wama yɛn daa awerɛkyekye ne anidaso pa adom mu no,

1 Timoteo 1:1

Paulo, Kristo Yesu somafo, sɛnea yɛn Agyenkwa Onyankopɔn ne Awurade Kristo Yesu a ɔne yɛn anidaso no hyɛe no,

Tito 1:2

daa nkwa anidaso so, nkwa a Onyankopɔn a onni atoro no de fi teteete hyɛɛ bɔ,

Tito 2:13

ntwɛn Onyankopɔn kɛse ne yɛn Agyenkwa Kristo Yesu ahotɔ anidaso ne n’anuonyam ahoyi.

Tito 3:7

na wɔnam n'adom so abu yɛn bem ama yɛayɛ daa nkwa no anidaso ho adedifo.

1 Petro 1:21

a monam no so gye Onyankopɔn a onyan no fii awufo mu na ɔhyɛɛ no anuonyam no di no, na mo gyidi ne anidaso atena Onyankopɔn mu.

1 Yohane 3:3

Na obiara a ɔwɔ ne ho anidaso yi no, ɔtew ne ho sɛnea ɔno ho tew.