Daniel 2:41 - KYERƐW KRONKRON

⁴¹ Na sɛ wuhuu anan ne anansoaa a emu bi yɛ ɔnwemfo fa na emu bi yɛ dade no, ɛbɛyɛ ahenni a emu apaepae, nso dade denyɛ no bɛtena mu, sɛnea wuhui sɛ dɔte afrafra dade no mu no.

Akuapem Twi Nkwa Asɛm

⁴¹ Nana, sɛnea wuhu sɛ nansabon ne nansoaa yɛ dade ne dɔte a adi afra no kyerɛ sɛ, saa ahemman yi mu bɛkyekyɛ.

New Revised Asante Twi Bible

⁴¹ Na sɛdeɛ wohunuu nan ne nansoaa a emu bi yɛ ɔnwomfoɔ dɔteɛ na emu bi yɛ dadeɛ no, ɛbɛyɛ ahennie a emu apaepaeɛ, nso dadeɛ denyɛ no bɛtena mu, sɛdeɛ wohunuu sɛ dɔteɛ afrafra dadeɛ no mu no.

Asante Twi Nkwa Asɛm

⁴¹ Nana, sɛdeɛ wohunu sɛ nantabon ne nansoaa yɛ dadeɛ ne dɔteɛ a adi afra no kyerɛ sɛ, saa ahemman yi mu bɛkyekyɛ.

Daniel 2:41 Iomraidhean Croise

Daniel 2:40

Na ahenni a ɛto so anan no bɛyɛ den sɛ dade; na sɛnea dade bubu na ɛyam ade nyinaa no, sɛ dade a ɛbobɔ ade ara na ebebubu na abobɔ ɛno nyinaa.

Daniel 2:42

Na anansoaa a emu bi yɛ dade na ebi yɛ ɛfa no, ahenni no fa bi bɛyɛ den, na emu bi bɛyɛ mmerɛw;

Daniel 7:24

Na mmɛn du no, ahenni no ara mu na ahene du bɛsɔre, na wɔn akyi no ɔfoforo bi bɛsɔre. Na ɛbɛsono ɔno ne kanfo no, na ɔbɛbrɛ ahene baasa ase.

Daniel 7:7

Eyi akyi no mehwɛe ara anadwo adehu mu, na aboa a ɔto so anan a ne ho yɛ hu ne nwonwa na ɔyɛ den boro so ni; ɔwɔ dade se akɛse, na odidi kekaw mu de n’anan pɛtɛw nkae, na ɛsono no ne mmoa a wodii n’anim nyinaa, na ɔwɔ mmɛn du.

Adiyisɛm 12:3

Na sɛnkyerɛnne foforo yii ne ho adi ɔsoro, na hwɛ, ɔtweaseɛ kakraka kɔkɔɔ a ɔwɔ ti ason ne mmɛn du, na ahemmotiri ason bobɔ ne ti.

Adiyisɛm 13:1

Na mihuu aboa bi a ɔwɔ mmɛn du, ne ti ason sɛ ofi po mu sɔree, na ahemmotiri du bobɔ ne mmɛn, na abusudin wowɔ ne ti ho.

Adiyisɛm 17:12

Na mmɛn du a wuhui no ne ahemfo du a wonnyaa ahenni, nanso wɔne aboa no benya tumi sɛ ahemfo dɔnhwerew biako.