Amos 4:3 - KYERƐW KRONKRON

³ Na ɔfasu tokuru mu na mobɛfa apue, obiara bɛfa n’anim tee afi adi, na wobesunsum mo akyene Harmon, AWURADE asɛm ni.

Twerɛ Kronkron

³ Na ɔfasuo tokuro mu na mobɛfa anantenante mo anim tee afiri adie, na wɔbɛsunsum mo atwene Harmon, AWURADE asɛm nie.

Akuapem Twi Nkwa Asɛm

³ Mo mu biara bepue akɔ, na mobɛfa ɔfasu mu ntokuru mu, na wɔbɛtow mo akyene Harmon fam,” sɛnea Awurade se ni.

New Revised Asante Twi Bible

³ Na ɔfasuo tokuro mu na mobɛfa anantenante mo anim tee afiri adie, na wɔbɛsunsum mo atwene Harmon, AWURADE asɛm nie.

Asante Twi Nkwa Asɛm

³ Momu biara bɛpue akɔ, na mobɛfa ɔfasuo mu ntokuro mu, na wɔbɛto mo atwene Harmon fam,” sɛdeɛ Awurade seɛ nie.

KYERƐW KRONKRON

³ Na ɔfasu tokuru mu na mobɛfa apue, obiara bɛfa n’anim tee afi adi, na wobesunsum mo akyene Harmon, AWURADE asɛm ni.

Amos 4:3 Iomraidhean Croise

2 Ahene 25:4

Ɛnna wotuu kurow no ɔfasu no mu tokuru, na ɔhene ne mmarima akofo no nyinaa guan anadwo faa afasu abien a ɛwɔ ɔhene turo ho no ntam pon mu kɔe; nso Kaldeafo no atwa kurow no ho ahyia; na ɔfaa Araba kwan so kɔe.

2 Ahene 7:15

Na wodii wɔn akyi koduu Yordan ano, na hwɛ, ntade ne nneɛmanneɛma a Siriafo atotow agu wɔn ntɛmpɛ no mu ayɛ ɔkwan no nyinaa so ma. Na abɔfo no san ba bɛka kyerɛɛ ɔhene.

Yesaia 2:20

Ɛda no nnipa bɛtow ne dwetɛ abosonhuhuw ne ne sika abosonhuhuw a wɔyɛ maa no a ɔresom no no akyene ama akisi ne mpan,

Yesaia 31:7

Ɛda no wɔn nyinaa bɛtotow wɔn dwetɛ ne sika abosonhuhuw a mo nsa ayɛ ma mode ayɛ bɔne no agu.

Yeremia 52:7

Ɛnna wotuu kurow no mu hyɛn mu, na mmarima akofo no nyinaa guan fii kurow no mu anadwo faa ɔponkɛse mu, afasu abien a ɛwɔ ɔhene turo ho no ntam kɔe, nso na Kaldeafo atwa kurow no ho ahyia, na wɔfaa Yordan tataw kwan so kɔe.

Hesekiel 12:12

Na ɔberɛmpɔn a ɔwɔ wɔn mu no, anim remua no, adesoa bɛda ne kɔn ho na wafi adi; ɔfasu mu na wobetu sɛ wɔde no refa mu afi adi; ɔbɛkata n’ani na wamfa n’aniwa anhu asase no.

Hesekiel 12:5

Tu ɔfasu mu fa, wɔn anim, na fa mu fi adi.

Amos 6:7

Enti afei wɔn na wobedi atukɔfo kan atu akɔ, na saguaasefo gyegyeegye no agyae.

Sefania 1:18

wɔn dwetɛ anaa wɔn sika rentumi nnye wɔn, Awurade abufuw da no, na ne ninkuntwe gya no mu na asase no nyinaa bɛhyew, na ɔdwerɛw a ɛba mpofirim ara na ɔde bɛba asase no sofo nyinaa so.

Mateo 16:26

Na sɛ onipa nya wiase nyinaa na ɔhwere ne kra a, mfaso bɛn na obenya? Anaasɛ dɛn na onipa bɛma de asesa ne kra?

Atemmufo 5:17

Gilead te Yordan agya; na Dan de, ɛdɛn nti na ɔte nea ahyɛn nam? Aser te mpoano, na ne dɔnnɔn ho na ɔte.