1 Samuel 26:8 - KYERƐW KRONKRON

⁸ Na Abisai ka kyerɛɛ Dawid sɛ: Onyankopɔn de wo tamfo ahyɛ wo nsa nnɛ, na afei ma memfa peaw no menwɔ no minkita fam prɛko, na meremfea no so.

Twerɛ Kronkron

⁸ Na Abisai ka kyerɛɛ Dawid sɛ: Onyankopɔn de wo tamfo ahyɛ wo nsa nnɛ, na afei ma memfa pea no menwɔ no menkuta fam prɛko, na meremfoa no so.

Akuapem Twi Nkwa Asɛm

⁸ Abisai ka kyerɛɛ Dawid brɛoo se, “Nnɛ de, Onyankopɔn ayi wo tamfo ahyɛ wo nsa. Enti ma memfa me peaw no nwɔ no pɛn koro, nka no ntim fam. Merenwɔ no mprenu.”

New Revised Asante Twi Bible

⁸ Na Abisai ka kyerɛɛ Dawid sɛ: Onyankopɔn de wo tamfo ahyɛ wo nsa nnɛ, na afei ma memfa pea no menwɔ no nhwire ne mu nsi fam prɛko, na meremfoa no so.

Asante Twi Nkwa Asɛm

⁸ Abisai ka kyerɛɛ Dawid brɛoo sɛ, “Ɛnnɛ deɛ, Onyankopɔn ayi wo ɔtamfoɔ ahyɛ wo nsa. Enti, ma memfa me pea no nwɔ no pɛn koro, nka no ntim fam. Merenwɔ no mprenu.”

KYERƐW KRONKRON

⁸ Na Abisai ka kyerɛɛ Dawid sɛ: Onyankopɔn de wo tamfo ahyɛ wo nsa nnɛ, na afei ma memfa peaw no menwɔ no minkita fam prɛko, na meremfea no so.

1 Samuel 26:8 Iomraidhean Croise

2 Samuel 16:9

Ɛnna Seruia ba Abisai ka kyerɛɛ ɔhene sɛ: Ɛdɛn nti na ɔkraman funu yi dome me wura ɔhene yi? Ma menkɔ menkotwa ne ti ɛ!

Nnwom 31:8

Na woanyi me anhyɛ ɔtamfo nsa, wode m’anan agyina nea ɛtrɛw.

Yeremia 40:15

Na Karea ba Yohanan ka kyerɛɛ Gedalia kokoam, Mispa sɛ: Ma menkɔ minkokum Netania ba Ismael, na obiara ante; ɛdɛn nti na ommekum wo, na Yuda a wɔaboa wɔn ho ano aba wo nkyɛn no nyinaa mmɔ mpete, na Yuda nkae no nyera?

Nahum 1:9

Atamfo, dɛn na mudwen AWURADE ho? Obewie mo korakora, na morensɔre ntia no mprenu.

Romafo 11:32

Na Onyankopɔn aka wɔn nyinaa ahyɛ ogye a wonnye nni no ase sɛ obehu wɔn nyinaa mmɔbɔ.

5 Mose 32:30

Sɛ ɛnyɛ wɔn botan na watɔn wɔn na AWURADE ayi wɔn ama a, anka ɛbɛyɛ dɛn na obiakofo bɛtaa apem, na baanu ama ɔpedu aguan?

Yosua 21:44

Na AWURADE maa wɔn asomdwoe hyiae, sɛnea ɔkaa wɔn agyanom ntam no ara, na wɔn atamfo nyinaa mu biara annyina wɔn anim; AWURADE de wɔn atamfo no nyinaa hyɛɛ wɔn nsa.

Atemmufo 1:4

Na Yuda tu kɔe, na Awurade de Kanaanfo ne Perisifo no hyɛɛ ne nsa, na wokum nnipa ɔpedu wɔ Besek.

1 Samuel 23:14

Na Dawid kɔtenaa sare so bepɔw so atenae horow no mu; na ɔtenaa bepɔw bi so Sif sare so. Na Saul hwehwɛɛ no da biara; nanso Onyankopɔn amfa no anhyɛ ne nsa.

1 Samuel 24:4

Na Dawid nnipa no ka kyerɛɛ no sɛ: Hwɛ, da a AWURADE ka kyerɛɛ wo sɛ: Hwɛ, mede wo tamfo mɛhyɛ wo nsa, na woayɛ no sɛnea eye w’ani so no ni. Ɛnna Dawid sɔre wiawiaa ne ho kotwaa Saul batakari ano.

1 Samuel 24:5

Na ɛno akyi no, Dawid koma bɔɔ no paa sɛ watwa Saul atade ano.

1 Samuel 26:23

Na AWURADE bɛdan onipa biara trenee ne ne nokwaredi ama no, sɛ nnɛ AWURADE de wo hyɛɛ me nsa, na mampɛ sɛ meteɛ me nsa meka nea AWURADE asra no no.

1 Samuel 26:7

Na Dawid ne Abisai kɔɔ dɔm no nkyɛn anadwo, na hwɛ Saul da hɔ ada, nteaseɛnam aboae hɔ, na ne peaw si fam wɔ n’atifi. Na Abner ne dɔm no deda ne ho hyia.

1 Samuel 26:9

Na Dawid ka kyerɛɛ Abisai sɛ: Nkum no, na hena na ɔteɛ ne nsa ka nea AWURADE asra no na odi bem?