1 Mose 1:1 - KYERƐW KRONKRON

¹ Mfiase no Onyankopɔn bɔɔ ɔsoro ne asase.

Twerɛ Kronkron

¹ Mfitiaseɛ no Onyankopɔn bɔɔ ɔsoro ne asase.

Akuapem Twi Nkwa Asɛm

¹ Mfiase no Onyankopɔn bɔɔ ɔsoro ne asase.

New Revised Asante Twi Bible

¹ Mfitiaseɛ no Onyankopɔn bɔɔ ɔsoro ne asase.

Asante Twi Nkwa Asɛm

¹ Ahyɛaseɛ no Onyankopɔn bɔɔ ɔsoro ne asase.

KYERƐW KRONKRON

¹ Mfiase no Onyankopɔn bɔɔ ɔsoro ne asase.

1 Mose 1:1 Iomraidhean Croise

2 Ahene 19:15

Na Hesekia bɔɔ AWURADE anim mpae sɛ: AWURADE Israel Nyankopɔn a wote Kerubim so, wo nko ne Nyankopɔn asase so ahenni nyinaa so; wo na woyɛɛ ɔsoro ne asase.

1 Berɛsosɛm 16:26

Na amanaman anyame nyinaa yɛ abosonhuhuw, na AWURADE de, ɔno na ɔyɛɛ ɔsoro.

2 Berɛsosɛm 2:11

Ɛnna Tiro hene Huram kae nhoma a ɔde brɛɛ Solomon no mu sɛ: Ɔdɔ a AWURADE dɔ ne man nti na ɔde wo asi wɔn so hene.

Nehemia 9:6

Na Esra kae sɛ: Wo ara wo nko ne AWURADE, wo na woyɛɛ ɔsoro, ɔsoro mu soro ne wɔn asafo nyinaa, asase ne nea ɛwɔ so nyinaa, ɛpo ne nea ɛwɔ mu nyinaa; na wo ara na woma wɔn nyinaa tete ase, na ɔsoro asafo no sɔre wo.

Hiob 26:13

Ne honhom ano na ɔsoro tew, ne nsa na ehwirew ɔwɔ a ne ho yɛ hare no mu.

Hiob 38:4

Ɛhe na wowɔ, bere a metoo asase fapem no? Sɛ wowɔ nhumu a, ka ɛ!

Hiob 9:8

Ɔno nko na ɔtrɛw ɔsoro, na otiatia po asorɔkye so.

Nnwom 102:25

Tete bemee na wohyɛɛ asase ase, na ɔsoro ne wo nsa ano adwuma.

Nnwom 104:24

AWURADE, wo nnwuma dɔɔso dɛn ara, nyansa mu na woyɛɛ ne nyinaa, w’abɔde ahyɛ asase so ma.

Nnwom 104:30

Wosoma w’ahome ba, na wode bɔ wɔn, na woma asase ani yɛ foforo.

Nnwom 115:15

Moyɛ nnipa a wɔahyira wɔn ama AWURADE, ɔsoro ne asase yɛfo no.

Nnwom 121:2

Me boa fi AWURADE, ɔsoro ne asase yɛfo no.

Nnwom 124:8

Yɛn boa wɔ AWURADE a ɔyɛɛ ɔsoro ne asase no din mu.

Nnwom 134:3

AWURADE a ɔbɔɔ ɔsoro ne asase no mfi Sion nhyira wo.

Nnwom 136:5

Nea ɔde nhumu yɛɛ ɔsoro no, na n’adɔe wɔ hɔ daa.

Nnwom 146:6

Ɔno na ɔyɛɛ ɔsoro ne asase, ɛpo ne nea ɛwom nyinaa, ɔno na ɔkora nokware daa.

Nnwom 33:6

AWURADE de n’asɛm na ɛyɛɛ ɔsoro, na ɔde n’anom honhom yɛɛ emu asafo nyinaa.

Nnwom 33:9

na ɔno na ɔka a, ɛbamu, ɔno na ɔhyɛ a, egyina hɔ.

Nnwom 8:3

Sɛ mehwɛ wo soro, wo nsatea ano adwuma, ɔsram ne nsoromma a woasiesie a,

Nnwom 8:4

ɔdesani ne hena a wokae no, na onipa ba ne hena a w’ani ku ne ho!

Nnwom 90:2

Wo de, wonnya nwoo mmepɔw na wunnya nyii asase ne wiase adi no, na wufi tete akyirikyiri kosi daakye akyirikyiri yɛ Onyankopɔn.

Nnwom 96:5

na aman anyame nyinaa yɛ abosonhuhuw, na AWURADE mmom na ɔyɛɛ ɔsoro.

2 Mose 20:11

Na nnansia na AWURADE de yɛɛ ɔsoro ne asase, ɛpo ne nea ɛwowɔ mu nyinaa, na ɔhomee da a ɛto so ason no; enti na AWURADE hyiraa homeda, na ɔyɛɛ no kronkron.

2 Mose 31:18

Na ɔne Mose wiee kasa Sinai bepɔw so no, ɔmaa no adanse apon abien, abopon a wɔde Nyankopɔn nsatea akyerɛw so.

Mmebusɛm 16:4

AWURADE yɛ ade nyinaa ma biribi, ɔbɔnefo mpo ma da bɔne.

Mmebusɛm 3:19

AWURADE de nyansa na ɛhyɛɛ asase ase, ɔde ntease de ɔsoro tim hɔ;

Ɔsɛnkafo 12:1

Na kae wo bɔfo wo mmerantebere mu ansa na nna bɔne no aba, na mfe a wobɛka sɛ: Minni ho anigye, no adu.

Yesaia 37:16

Asafo AWURADE, Israel Nyankopɔn a wote Kerubim so, wo nko ne Nyankopɔn, asase so ahenni nyinaa so; wo na woyɛɛ ɔsoro ne asase.

Yesaia 40:21

So munhui? So montee ɛ? So womfii mfiase nka nkyerɛɛ mo? So efi asase nnyinaso so, montee biribiara ase?

Yesaia 40:26

Momma mo ani so nhwɛ ɔsoro, na monhwɛ nea ɔbɔɔ eyinom. Ɔno na obu wɔn dɔm ano yi wɔn adi, na ɔbobɔ wɔn nyinaa din frɛfrɛ wɔn; ne tumi dodow ne n’ahoɔden kɛse nti obiara nka akyiri.

Yesaia 40:28

So wunhui? So wontee ɛ? AWURADE yɛ daa Nyankopɔn Ɔno na ɔbɔɔ asase awiei no. Ɔmmrɛ, na ɔmpa abaw; na ne nhumu mu nni ahwehwɛye.

Yesaia 42:5

Sɛ AWURADE Nyankopɔn se ni, nea ɔbɔɔ ɔsoro trɛw mu, na ɔterɛw asase ne ne mfifii mu, na ɔde ahome ma ɛso nkurɔfo, na ɔde honhom ma wɔn a wɔnam so no.

Yesaia 44:24

Sɛnea AWURADE, wo dimafo ne nea ɔnwenee wo fii yafunu mu no se ni: Me, AWURADE, mene nea ɔyɛ ade nyinaa, nea ɔtwe ɔsoro mu no, me nko ara, nea ɔtrɛw asase mu no, na obi nka me ho;

Yesaia 45:18

Na sɛ AWURADE se ni: Nea ɔbɔɔ ɔsoro na ɔnwenee asase na ɔyɛe no, ɔne Nyankopɔn, ɔno na ɔbɔɔ asase na ɔde sii hɔ; wammɔ no hunu, na ɔnwenee sɛ wɔntena so, Mene AWURADE, na obi nni hɔ bio.

Yesaia 51:13

Na wo werɛ afi AWURADE a ɔyɛɛ wo na ɔtrɛw ɔsoro mu na ɔhyɛɛ asase ase no, na wo ho popo daa yi daa nyinaa, ɔhoguanfo abufuw nti, sɛnea ɔresiesie ne ho abɛsɛe biribi, na ɛhe na ɔhoguanfo abufuw no wɔ?

Yesaia 51:16

Na mede me nsɛm mahyɛ w’anom, na mede me nsa ase nwini makata wo so, na matrɛw ɔsoro mu na mahyɛ asase ase, na maka makyerɛ Sion sɛ: Me man ne wo.

Yesaia 65:17

Na hwɛ, merebɔ ɔsoro foforo ne asase foforo, na wɔrenkae kan de no na ɛremma adwene mu bio;

Yeremia 10:12

Onyankopɔn na ɔde ne tumi yɛɛ asase, de ne nyansa maa wiase tim hɔ, na ɔde ne nhumu trɛw ɔsoro mu.

Yeremia 32:17

Ao, AWURADE Nyankopɔn, hwɛ, wo na wode wo tumi kɛse ne wo basa a ateɛ ayɛ ɔsoro ne asase; biribiara nyɛ wo yɛna;

Yeremia 51:15

Ɔno na ɔde ne tumi yɛɛ asase de ne nyansa ma wiase tim hɔ, na ɔde ne nhumu de ɔsoro trɛw hɔ.

Sakaria 12:1

Awurade atemmusɛm a ɛfa Israel ho, Awurade a ɔtrɛw ɔsoro mu na ɔhyɛɛ asase ase na ɔnwenee onipa honhom wɔ ne mu no asɛm ni:

Mateo 11:25

Saa bere no ara mu Yesu kae sɛ: Agya, ɔsoro ne asase wura, miyi wo ayɛ sɛ wode nneɛma yi ahintaw anyansafo ne animdefo, na woayi akyerɛ nkokoaa.

Marko 13:19

Na nna no bɛyɛ ahohiahia a efi Onyankopɔn adebɔ no mfiase de bedu nnɛ ɛmmae saa da, nanso ɛremma saa bio.

Asomafo 14:15

Mmarima, adɛn na moyɛ eyinom? Yɛn nso yɛyɛ nnipa te sɛ mo ara, na yɛka asɛmpa kyerɛ mo sɛ monnan mfi ahuhude yi ho nkɔ Onyankopɔn a ɔte ase no nkyɛn; ɔno na ɔyɛɛ ɔsoro ne asase ne ɛpo ne nea ɛwɔ mu nyinaa.

Asomafo 17:24

Onyankopɔn a ɔyɛɛ wiase ne nea ɛwɔ mu nyinaa, ɔno ara a ɔyɛ ɔsoro ne asase wura no, ɔnte asɔredan a wɔde nsa ayɛ mu,

Asomafo 4:24

Na wɔtee no, wɔde koma koro maa wɔn nne so maa Onyankopɔn sɛ: Awurade, wo a woyɛɛ ɔsoro ne asase ne ɛpo ne nea ɛwɔ mu nyinaa,

Romafo 11:36

Efisɛ ade nyinaa fi ne mu, na ɛnam no so ba, na ewie ne mu; ɔno na anuonyam wɔ no daa daa. Amen.

1 Korintofo 8:6

yɛn de, Onyankopɔn biako pɛ na yɛwɔ, Agya no a nneɛma nyinaa fi no mu, na yɛn nso yɛwɔ hɔ ma no, ne Awurade biako, Yesu Kristo a wɔnam no so yɛ nneɛma nyinaa, na yɛn nso yɛnam no so wɔ hɔ no.

Efesofo 3:9

na memma nnipa nyinaa nhu ahintasɛm a efi tete mmere so hintawee wɔ Onyankopɔn a ɔbɔɔ ade nyinaa no mu no ho adwuma no,

Hebrifo 1:10

Na: Awurade, mfiase no, wotoo asase fapem, na wo nsa ano nnwuma ne ɔsoro.

Hebrifo 1:2

nna a edi akyiri yi mu nso, ɔnam Ɔba no so akasa akyerɛ yɛn. Ɔno na wayɛ no nneɛma nyinaa so ɔdedifo, a ɔnam no so nso abɔ wiase nyinaa.

Hebrifo 11:3

Gyidi na yɛde te ase sɛ wiase ahorow, wɔde Onyankopɔn asɛm na asiesie, enti nea ani tuae fi nneɛma a ɛnna adi mu na ɛbae.

Hebrifo 3:4

(Efisɛ ofi biara, obi na osi, na nea osiesie nneɛma nyinaa ne Onyankopɔn.)

2 Petro 3:5

Na wɔhyɛ da ma wɔn werɛ fi sɛ, efi teteete no, ɔsoro ne asase a efii nsu mu, na efi nsu mfinimfini na ebetim hɔ wɔ Onyankopɔn asɛm so.

1 Yohane 1:1

Nea ɛwɔ hɔ fi mfiase, nea yɛate, nea yɛde yɛn aniwa ahu, nea yɛhwɛe na yɛde yɛn nsa kae, wɔ nkwa asɛm no ho,

Adiyisɛm 10:6

Na ɔkaa nea ɔte ase daa daa a ɔbɔɔ ɔsoro ne nea ɛwɔ mu ne asase ne nea ɛwɔ mu ne ɛpo ne nea ɛwɔ mu no ho ntam sɛ: Bere bi nni hɔ bio,

Adiyisɛm 14:7

na ɔde nne kɛse teɛɛm sɛ: Munsuro Onyankopɔn na monhyɛ no anuonyam, efisɛ n’atemmu dɔn adu. Na monkotow nea ɔyɛɛ soro ne asase ne ɛpo ne asuti no.

Adiyisɛm 21:6

Na ɔka kyerɛɛ me sɛ: Wɔawie! Mene Alfa ne Omega, mfiase ne awiei no. Me na mede nkwa nsuti mu nsu mɛkyɛ obiara a osukɔm de no kwa.

Adiyisɛm 22:13

Mene Alfa ne Omega, Ɔkannifo ne Okyidifo, mfiase ne awiei no.

Adiyisɛm 3:14

Na Laodikea asafo mu bɔfo no, kyerɛw kɔma no sɛ: Sɛɛ na Amen, ɔdansefo a ɔsɛ sɛ wogye no di na ɔyɛ ɔnokwafo no, Onyankopɔn abɔde farebae no, se:

Adiyisɛm 4:11

Awurade, wofata sɛ wugye anuonyam ne nidi ne tumi, efisɛ wo na wobɔɔ nneɛma nyinaa, na wo pɛ nti na wɔwɔ hɔ na wɔbɔe.