Māteo 9:5 - Rapa Nui

⁵ Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Māteo 9:5 Iomraidhean Croise

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Māteo 9:6

ꞌE ꞌī he haka takeꞌa atu pē nei ē: i a au i te ⌊Poki o te taŋata⌋ te parau mo haka kore i te hara ꞌi te ao nei». He kī ia ki tū taŋata hakari taꞌe makenu era: «Ka eꞌa koe ki ruŋa, ka toꞌo tuꞌu raŋo, ka eꞌa ka oho ki tuꞌu hare».

Marko 2:5

I takeꞌa era e Ietū te haka moe iŋa o rā nuꞌu i te rāua manaꞌu ꞌi ruŋa i a ia mo te ora o tū māui-ui era, he kī ki rā kope: «E haŋu, ko haka kore ꞌā tuꞌu hara».

Ruka 5:20

I takeꞌa era e Ietū i te rahi o te rāua haka moe iŋa i te manaꞌu ꞌi ruŋa i a ia mo te ora o tū taŋata era, he kī ki tū māui-ui era: «E hoa, ko haka kore ꞌā tuꞌu hara».

Ruka 7:48

He kī ia ki tū viꞌe era: «Ko haka kore ꞌana tuꞌu hara».

Aŋa o te ꞌĀpōtoro 3:16

Te meꞌe i haka ora i te taŋata takeꞌa ena e kōrua he ⌊haka moe i te manaꞌu⌋ ꞌi ruŋa i a Ietū. ꞌE, ꞌo te haka moe i te manaꞌu ꞌi ruŋa i a Ietū, i ora tahi ai tōꞌona māui-ui, pa he meꞌe takeꞌa ena e kōrua.

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.