Māteo 9:2 - Rapa Nui

² ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Māteo 9:2 Iomraidhean Croise

Māteo 14:27

He meꞌe e Ietū: —¡Kiahio kōrua! ¡Ko au nei! ¡ꞌIna ko mataku!

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Māteo 8:16

I pō era he maꞌu ki a Ietū meꞌe rahi nō atu nuꞌu ko oꞌo ꞌana e te tātane ꞌe, e tahi nō reꞌo o Ietū e kī era, he eꞌa rō ꞌai te tātane mai roto. ꞌE, takoꞌa, he haka ora i te nuꞌu māui-ui taꞌatoꞌa.

Māteo 9:22

He hārui he uꞌi a Ietū a tuꞌa, he takeꞌa i rā viꞌe ꞌe he kī: «Kiahio koe, e vovo ē. He haka moe ōꞌou i tuꞌu manaꞌu ꞌi ruŋa i a au i ora ena tuꞌu māui-ui». ꞌE mai rā hora he ora rō ꞌai rā viꞌe.

Māteo 9:5

Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Māteo 9:6

ꞌE ꞌī he haka takeꞌa atu pē nei ē: i a au i te ⌊Poki o te taŋata⌋ te parau mo haka kore i te hara ꞌi te ao nei». He kī ia ki tū taŋata hakari taꞌe makenu era: «Ka eꞌa koe ki ruŋa, ka toꞌo tuꞌu raŋo, ka eꞌa ka oho ki tuꞌu hare».

Marko 1:32

I ahi-ahi pō era, he maꞌu ki a Ietū i te nuꞌu māui-ui taꞌatoꞌa o ira ꞌe i te nuꞌu oꞌo e te tātane.

Marko 10:49

He noho ia a Ietū, ꞌe he kī: —Ka kī kōrua mo oho mai. He kī ia e te nuꞌu ki tū matapō era: —Kiahio koe. Ka eꞌa ki ruŋa; ꞌai e kī mai era mo oho ōꞌou.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Marko 6:50

taꞌatoꞌa, paꞌi, i takeꞌa ai ꞌe he riꞌa-riꞌa rō atu ꞌai. He kī ia e Ietū: «¡Kiahio kōrua! Ko au nei. ¡ꞌIna ko mataku!».

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Iovani 2:25

Mo Ietū e topa nō ꞌā te meꞌe ena he kī ōꞌou o ruŋa i te huru o te taŋata. Ko ꞌite riva-riva ꞌana, paꞌi, pē hē te rāua māhatu.

Iovani 21:5

He ohu atu e Ietū: —E kuā hoa, ¿ꞌina ꞌō kōrua ika? He pāhono e rā nuꞌu: —ꞌIna.

Aŋa o te ꞌĀpōtoro 14:9

Te taŋata nei e haka roŋo ꞌā i te vānaŋa ꞌa Pauro. He pupura ia e Pauro ꞌe he aŋi-aŋi e haka moe rahi rō ꞌana rā taŋata i te manaꞌu ꞌi ruŋa i te ꞌAtua mo tōꞌona ora.

Aŋa o te ꞌĀpōtoro 19:12

E ora rō ꞌā, paꞌi, te māui-ui ꞌe e eꞌa rō ꞌā te tātane mai roto i te nuꞌu hai maꞌu nō ki a rāua e te tētahi i te haroꞌi ꞌe i te kahu puā e te hakari o Pauro.

Aŋa o te ꞌĀpōtoro 23:11

ꞌI te pō o rā mahana, he haka takeꞌa a Ietū i a ia ki a Pauro ꞌe he kī: «Ka haka hio-hio koe. Pa he mataꞌite iŋa ena ꞌā ōꞌou i a au ꞌi nei ꞌi Hērutarema, pē ira takoꞌa ꞌana koe ka mataꞌite ena o ruŋa i a au ꞌi Roma».

Rōmano 5:11

ꞌE, takoꞌa, e koa nei a tātou ꞌo te ai ꞌi te hora nei ꞌi roto i te haumārū e noho nei ananake ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Tanatiako 2:18

Nā e kī rō atu e te kope e tahi: «Tuꞌu meꞌe he haka moe i te manaꞌu ꞌi ruŋa i te ꞌAtua, ꞌe tōꞌoku, he meꞌe riva-riva aŋa». ꞌĪ a au he kī atu: «Ka haka takeꞌa mai rā tuꞌu haka moe iŋa ena i te manaꞌu ꞌi ruŋa i te ꞌAtua ꞌina he meꞌe riva-riva aŋa, ꞌe māꞌaku e haka takeꞌa atu, hai meꞌe riva-riva aŋa, i tōꞌoku haka moe iŋa i te manaꞌu ꞌi ruŋa i te ꞌAtua».