Māteo 8:8 - Rapa Nui

⁸ He kī e tū kape era: —E Ietū, ¿ko ai a au mo uru atu ōꞌou ki roto i tōꞌoku hare? Ka kī nō koe i taꞌa vānaŋa ꞌe he ora rō ꞌai tōꞌoku tāvini.

Māteo 8:8 Iomraidhean Croise

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:14

A Iovani kai haŋa ꞌi raꞌe mo papatito i a Ietū ꞌe he kī: —¿Taꞌe ꞌō ko au te meꞌe mo papatito mai e koe? ꞌE, ka ai atu pē ira, ¿e oho mai ꞌā koe mo papatito atu e au?

Māteo 8:3

He haka puā e Ietū hai rima ꞌe he kī: —Ko haŋa ꞌana a au. ¡Ka ora! ꞌI tū hora mau era ꞌā he maꞌitaki te rēpera o tū taŋata era.

Māteo 8:7

He pāhono e Ietū: —ꞌĪ a au he oho atu he haka ora.

Māteo 8:9

A au mau nei ꞌā e ai rō ꞌana te kope ꞌata hau rō atu te tōroꞌa ki a au, ꞌe pē ira takoꞌa ꞌana e ai rō ꞌana te vaꞌehau ko au te kape o rāua. Mo kī ōꞌoku e tahi o rāua: “¡Ka oho!”, he oho; ꞌe mo kī ōꞌoku ki te rua: “¡Ka oho mai!”, he oho mai; ꞌe mo uŋa ōꞌoku i tōꞌoku tāvini mo aŋa e tahi meꞌe, he aŋa.

Ruka 15:19

E ko tano haka ꞌou a au mo raŋi mai ōꞌou: e poki ꞌāꞌaku ē. Hora nei ka haka tuꞌu koe i a au pa he taŋata aŋa nō e tahi’”.

Ruka 15:21

He kī e tū poki era: “E koro ōꞌoku ē, ko hara ꞌana a au ki te ꞌAtua ꞌe ki a koe takoꞌa. E ko tano haka ꞌou a au mo raŋi mai ōꞌou: e poki ꞌāꞌaku ē”.

Ruka 5:8

I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Iovani 1:27

I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.