Māteo 8:4 - Rapa Nui

⁴ He kī haka ꞌou e Ietū: —ꞌIna ko ꞌaꞌamu e tahi nuꞌu. Ka oho koe ka haka takeꞌa i a koe ki te ⌊oromatuꞌa⌋. E maꞌu te meꞌe mo tūtia ki te ꞌAtua haka ꞌite mai e ⌊Mōtē⌋ mo tuꞌu ⌊haka maꞌitaki⌋, ki tūtia ai e te oromatuꞌa ꞌe ki haka ꞌite ai ki te taŋata ko ora ꞌana tuꞌu māui-ui.

Māteo 8:4 Iomraidhean Croise

Māteo 10:18

ꞌE ꞌātā he maꞌu i a kōrua ki muꞌa o te suerekao ꞌe o te ꞌariki ꞌo te ai o kōrua ꞌāꞌaku. Pē ira ka haka ꞌite ena kōrua o ruŋa i a au ꞌi muꞌa o rā nuꞌu ꞌe o te tētahi nuꞌu taꞌe he hūrio.

Māteo 16:20

ꞌE he kī ia e Ietū ki tāꞌana nuꞌu hāpī mo taꞌe ꞌaꞌamu e tahi nuꞌu he Kiritō a ia.

Māteo 17:9

E turu nō ꞌana ananake mai ruŋa i te maꞌuŋa, he kī e Ietū: —ꞌIna ko ꞌaꞌamu te meꞌe takeꞌa ena e kōrua ꞌātā ki te ora iŋa mai te mate o te ⌊Poki o te taŋata⌋.

Māteo 3:15

He pāhono e Ietū: —Mo te hora nei ka haka rē pē nā ꞌā, mo haka tano tahi i te meꞌe haŋa o te ꞌAtua. He papatito ia e Iovani.

Māteo 5:17

»ꞌIna kōrua ko manaꞌu: a au ꞌō i oho mai ai mo haka kore i te haka tere iŋa o te ꞌAtua pāpaꞌi e ⌊Mōtē⌋ ꞌe i te meꞌe pāpaꞌi e te perofeta. Mo haka tano tahi i rā ŋā meꞌe a au i oho mai ai, taꞌe mo haka rē a te tapa.

Māteo 6:1

»Te kōrua meꞌe riva-riva aŋa ꞌina ko aŋa ꞌi muꞌa i te taŋata mo takeꞌa nō e rāua. Mo aŋa pē ira, te Matuꞌa o kōrua o te raŋi e ko vaꞌai atu i te meꞌe mo koa o kōrua.

Māteo 9:30

He ora rō ꞌai te mata o tū ŋāŋata era. ꞌE he kī e Ietū: —E uꞌi ꞌo ꞌite e te nuꞌu.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Marko 3:12

Te aŋa nō ꞌa Ietū he ture pē nei ē: «ꞌIna kōrua ko haka ꞌite haka ꞌou ko ai a au».

Marko 5:43

He kī ia e Ietū: —Taꞌe kōrua mo ꞌaꞌamu i te meꞌe nei ki te hora hopeꞌa. ꞌE he kī takoꞌa: —Ka vaꞌai hai kai ki te poki.

Marko 6:11

ꞌE mo tuꞌu kōrua ki te kona ꞌina he haŋa atu ꞌe ꞌina he haka roŋo atu te nuꞌu o ira, e tū-tū te puŋaꞌehu mai te kōrua vaꞌe mo haka ꞌite ki rā nuꞌu: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā, ꞌe ꞌai kōrua ka oho rō mai ira».

Marko 7:36

He kī e Ietū ki te nuꞌu mo taꞌe vānaŋa o ruŋa o tū meꞌe era, ꞌe, ka ai atu i rahi rō tōꞌona kī iŋa, ko te ꞌaꞌamu iŋa ꞌā e te nuꞌu.

Marko 8:30

ꞌE he kī e Ietū ki tāꞌana nuꞌu hāpī mo taꞌe haka ꞌite ki te taŋata.

Marko 9:9

I turu i oho era ananake mai ruŋa i rā maꞌuŋa, he kī e Ietū mo taꞌe ꞌaꞌamu e tahi nuꞌu o tū meꞌe takeꞌa era e rāua ꞌātā ki te ora iŋa haka ꞌou mai te mate o te ⌊Poki o te taŋata⌋.

Ruka 17:14

I takeꞌa era e Ietū, he kī: —Ka oho ka haka takeꞌa i a kōrua ki te ⌊oromatuꞌa⌋. E oho nō ꞌā tū nuꞌu rēpera era he ora rō ꞌai te rāua māui-ui.

Ruka 21:13

»Pē ira ka ai ena te hora mo haka ꞌite e kōrua o ruŋa i a au.

Ruka 4:41

I rahi rō te nuꞌu o rā nuꞌu māui-ui era mai roto takoꞌa i eꞌa ai te tātane koia ko ohu: —¡He Poki koe o te ꞌAtua! He ture e Ietū ki rā ŋā tātane ꞌe, ꞌi te ꞌite o rāua a ia he ⌊Kiritō⌋, ꞌina he haka rē e Ietū mo vānaŋa.

Ruka 5:14

He kī e Ietū: —ꞌIna koe ko ꞌaꞌamu i te meꞌe ena e tahi kope. Te meꞌe nō, ka oho ka haka takeꞌa i a koe ki te ⌊oromatuꞌa⌋. E maꞌu te meꞌe mo tūtia haka ꞌite mai era e ⌊Mōtē⌋ mo tuꞌu ⌊haka maꞌitaki⌋ mo ꞌite e te oromatuꞌa ꞌe pē ira takoꞌa ꞌana e te taŋata ko ora ꞌā tuꞌu māui-ui.

Ruka 8:56

Ko māere ꞌana te matuꞌa o te poki ꞌi tū meꞌe era, ꞌe he kī e Ietū mo taꞌe ꞌaꞌamu e tahi nuꞌu.

Ruka 9:21

ꞌE he ani e Ietū ki tāꞌana nuꞌu hāpī mo taꞌe ꞌaꞌamu ki te tētahi nuꞌu o ruŋa o tū meꞌe pāhono era e Pētero.

Iovani 5:41

»Te haꞌahana-hana mai o te taŋata tuꞌu pē kōrua mōꞌoku ꞌina e tahi hauhaꞌa.

Iovani 7:18

Te kope vānaŋa hai meꞌe ꞌāꞌana mau ꞌā e haŋa ꞌana mo haka nui-nui i a ia; ꞌe te kope haŋa mo haka nui-nui i te kope uŋa i a ia, ko rā kope te meꞌe kī i te parautiꞌa ꞌe ꞌina he haꞌavare.

Iovani 8:50

ꞌIna a au he kimi mo haka nui-nui i a au e te taŋata. Ka ai atu pē ira, e ai rō ꞌana te kope haŋa ki rā meꞌe mōꞌoku, ꞌe ꞌāꞌana te kī i te meꞌe tano ꞌe i te meꞌe taꞌe tano o te taŋata.