Māteo 7:6 - Rapa Nui

⁶ »ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Māteo 7:6 Iomraidhean Croise

Māteo 15:26

He pāhono e Ietū: —Meꞌe taꞌe tano mo hiko i te haraoa mai te ŋā poki mo vaꞌai ki te paiheŋa.

Māteo 24:10

ꞌI rā ŋā mahana meꞌe rahi nuꞌu ka taꞌe haka moe haka ꞌou ena i te manaꞌu ꞌi ruŋa i te ꞌAtua; te taŋata e maꞌu rō i te riri mo te rua ꞌe e vaꞌai rō e te kope e tahi i te rua ki te rima o te taŋata taꞌe haŋa ki rā rua kope era.

Māteo 7:5

¡E te kope riva a te haho ē! Ka kume ꞌi raꞌe te pou o roto i tuꞌu mata, ki takeꞌa riva-riva iho ai e koe mo kume i te pua mauku mai te mata o tuꞌu taina.

2 Kōrinto 11:26

ꞌI tōꞌoku ara taꞌatoꞌa i piri rō mai meꞌe rahi nō atu ꞌati: he rio ko ꞌata rahi ꞌā e te vai, he toke-toke, he haŋa o tōꞌoku taŋata he hūrio ꞌe o te nuꞌu o te rua henua mo tōtōā mai. I piri mai ai te ꞌati nei ꞌi te kona noho taŋata, ꞌi ꞌuta, ꞌi roto i te vaikava, ꞌe ꞌi muri i te nuꞌu kī e haka moe rō ꞌana a rāua i te manaꞌu ꞌi ruŋa i a Ietū ꞌe, te parautiꞌa, taꞌe pē ira.

Fīripo 3:2

E hāpaꞌo kōrua e te nuꞌu kī: mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa e hore te kiri o te kinoŋa. Te nuꞌu ena pa he paiheŋa taehae haŋa mo aŋa atu i te meꞌe taꞌe tano.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

ꞌEvereo 6:6

mo hārui i te ꞌAtua hai tuaꞌivi, e ko ravaꞌa haka ꞌou mo haka huri i te rāua manaꞌu ki te ꞌAtua, he tuꞌu pa he meꞌe ena ē: e veo haka ꞌou ꞌā a rāua i te Poki o te ꞌAtua ꞌi ruŋa i te tātaurō, mo haka meꞌe-meꞌe haka ꞌou e te taꞌatoꞌa.

2 Pētero 2:22

ꞌI ruŋa i a rāua i haka tano ai te parautiꞌa o te kī iŋa era pē nei ē: «He hoki he kai te paiheŋa i tōꞌona rua», ꞌe, «Te oru haka hopu iho he hoki he tū ꞌi roto i te rare-rare».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.