Māteo 7:5 - Rapa Nui

⁵ ¡E te kope riva a te haho ē! Ka kume ꞌi raꞌe te pou o roto i tuꞌu mata, ki takeꞌa riva-riva iho ai e koe mo kume i te pua mauku mai te mata o tuꞌu taina.

Māteo 7:5 Iomraidhean Croise

Māteo 22:18

ꞌI te aŋi-aŋi e Ietū i te manaꞌu rake-rake o rā nuꞌu, he kī: —E te nuꞌu riva a te haho ē, ¿he aha kōrua e kimi ena i te rāveꞌa mo pāhono hape atu ōꞌoku?

Māteo 7:3

»¿He aha koe e uꞌi ena i te pua mauku o roto i te mata o tuꞌu taina, ꞌe ꞌina koe he uꞌi i te pou o roto i tuꞌu mata?

Māteo 7:4

ꞌE, mo ai ꞌi roto i tuꞌu mata e tahi pou, ¿pē hē ia koe ana kī ki tuꞌu taina: “Ka haka rē ki toꞌo atu i te pua mauku mai roto i tuꞌu mata”?

Māteo 7:6

»ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Ruka 12:56

¡E te taŋata riva a te haho ē! Mo aŋi-aŋi e kōrua i te meꞌe o te raŋi ꞌe o te henua, ¿he aha ia e taꞌe aŋi-aŋi ena i te meꞌe aŋa e te ꞌAtua ꞌi te hora nei?

Ruka 13:15

He pāhono e Ietū: «E te taŋata riva a te haho ē, ¿ꞌina ꞌō kōrua he ve-vete i te ꞌuei ꞌo i te muni ꞌi te mahana haka ora ꞌe he maꞌu he haka unu hai vai?

Ruka 4:23

He kī haka ꞌou e Ietū: —Ko ꞌite ꞌana a au e kī rō mai kōrua i te vānaŋa nei: «E te taote, ka haka ora koe i a koe ꞌā». E takoꞌa: «Te meꞌe aŋa e koe ꞌi Kaperenāū ka aŋa takoꞌa ꞌi nei ꞌi tuꞌu kāiŋa».

Ruka 6:42

Mo taꞌe takeꞌa e koe i te pou o roto i tuꞌu mata, ¿pē hē koe i manaꞌu ai mo kī ki tuꞌu taina: “E te taina, ka haka rē mai koe ki toꞌo atu a au i te pua mauku mai roto i tuꞌu mata”? ¡E te taŋata riva a te haho ē!, ka toꞌo koe ꞌi raꞌe i te pou mai roto i tuꞌu mata, ki takeꞌa riva-riva ai e koe i te pua mauku ꞌi roto i te mata o tuꞌu taina.

Aŋa o te ꞌĀpōtoro 19:15

I tano era te mahana he pāhono e te tātane e tahi: «Ko ꞌite ꞌana e au ko ai a Ietū ꞌe ko ai a Pauro; ꞌe, ¿ko ai ia a kōrua?».