Māteo 7:2 - Rapa Nui

² Pa he ture iŋa o kōrua i te rua, pē ira ꞌā te ꞌAtua ka ture atu ena i a kōrua. Pa he pūai o te kōrua kī iŋa i te hape o te rua, pē ira ꞌā te pūai ka kī atu ena e te ꞌAtua i te kōrua hape.

Māteo 7:2 Iomraidhean Croise

Māteo 6:14

»Mo haka rehu o kōrua i te meꞌe ꞌino aŋa atu e te rua, te kōrua Matuꞌa o te raŋi he haka rehu takoꞌa i te kōrua meꞌe taꞌe tano aŋa.

Marko 4:24

He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

Ruka 6:38

E vaꞌai kōrua ki te tētahi, ki vaꞌai takoꞌa atu ai e te ꞌAtua ki a kōrua. Ka haꞌaꞌī atu ena, paꞌi, i te kōrua pūtē ki te ꞌī, ka rū-rū ena ko ꞌī riva-riva ꞌā. Pa he hāito iŋa ena ꞌā o kōrua mo vaꞌai ki te rua, pē ira ka hāito takoꞌa ena e te ꞌAtua mo vaꞌai atu ki a kōrua».

2 Kōrinto 9:6

E manaꞌu kōrua ki te vānaŋa nei: «Te kope taꞌe ꞌoka rahi, meꞌe taꞌe rahi te meꞌe ka kato era; ꞌe te kope ꞌoka rahi, meꞌe rahi ka kato era».

Tanatiako 2:13

Te nuꞌu taꞌe haka ꞌaroha i te rua taŋata, pē ira takoꞌa ka taꞌe haka ꞌaroha ena i a rāua e te ꞌAtua ꞌi te hora o te ture hopeꞌa, ꞌe te nuꞌu haka ꞌaroha i te rua taŋata, e ko riꞌa-riꞌa ꞌi rā hora.

Meꞌe Haka Takeꞌa 18:6

He ŋaroꞌa haka ꞌou ia e au i tū reꞌo era e kī ꞌā: «Ka haka hoki ki a ia, e rua haka hoki iŋa, te meꞌe taꞌe tano aŋa era e ia ki te rua. Ka ꞌānoꞌi ka haka pūai te ꞌava mo haka unu ki a ia ki te ꞌava haka unu era e ia ki te rua.