Māteo 6:7 - Rapa Nui

⁷ »E pure ꞌana kōrua, ꞌina ko haka hoki te vānaŋa ko tū vānaŋa ꞌā ko tū vānaŋa ꞌā, pa he meꞌe aŋa e te nuꞌu taꞌe ꞌite ko ai te ꞌAtua parautiꞌa ꞌi te manaꞌu ana rahi te rāua vānaŋa iŋa, he ŋaroꞌa e te ꞌAtua.

Māteo 6:7 Iomraidhean Croise

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 26:39

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Māteo 26:44

He haka rē ia i rā nuꞌu, he hoki he pure te toru pure iŋa, ꞌe ko tū vānaŋa ꞌā i kī ai.

Māteo 6:32

Te ŋā meꞌe nei he meꞌe manaꞌu rahi e te nuꞌu taꞌe ꞌite ko ai te ꞌAtua parautiꞌa. ꞌE, a kōrua e ai rō ꞌana te Matuꞌa ꞌi te raŋi ko ꞌite ꞌana i te meꞌe mo te kōrua ora.

Aŋa o te ꞌĀpōtoro 19:34

I ꞌite era e rā nuꞌu he hūrio takoꞌa a ia, e rua hora tūmaꞌa i ohu-ohu ai: «¡Ko te nui-nui te ꞌatua o tātou o te ēfeto ko Aratemita!».