Māteo 6:2 - Rapa Nui

² »ꞌO ira, hora ena ōꞌou mo hāꞌūꞌū ki te nuꞌu veve, ꞌina ko haka ꞌite ki te tētahi, pa he meꞌe aŋa ꞌi roto i te ⌊hare pure hūrio⌋ ꞌe ꞌi te ara e te nuꞌu riva a te haho nō mo takeꞌa e te nuꞌu mo vānaŋa riva-riva o ruŋa i a rāua. ꞌĪ a au he kī atu: he vānaŋa riva-riva o te nuꞌu te meꞌe mau nō mo haka koa i a rāua.

Māteo 6:2 Iomraidhean Croise

Māteo 15:7

»¡E te nuꞌu riva a te haho ē! He parautiꞌa mau ꞌana ꞌō te meꞌe kī o ruŋa i a kōrua e te perofeta era ko ꞌItaia hora kī pē nei ē:

Māteo 16:3

ꞌe, ꞌi te pōꞌā, he kī e kōrua: “ꞌArīnā he rake-rake te mahana ꞌo te ai ko mea-mea ꞌā ꞌe ko pōhāhā ꞌana te raŋi”. »Mo ai ia ko ꞌite ꞌana e kōrua mo haꞌaauraꞌa i te huru o te raŋi, ¿pē hē e taꞌe aŋi-aŋi ena i te haꞌaauraꞌa o te meꞌe topa o te hora nei?

Māteo 22:18

ꞌI te aŋi-aŋi e Ietū i te manaꞌu rake-rake o rā nuꞌu, he kī: —E te nuꞌu riva a te haho ē, ¿he aha kōrua e kimi ena i te rāveꞌa mo pāhono hape atu ōꞌoku?

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Māteo 23:6

he noho ꞌi te kona hopeꞌa o te riva-riva ꞌi te ŋoŋoro ꞌe ꞌi te pepe o te nuꞌu hōnui o roto i te ⌊hare pure hūrio⌋.

Māteo 24:51

he haka ūtuꞌa pa he haka ūtuꞌa iŋa i te nuꞌu riva a te haho nō. He toꞌo ia te taŋi ꞌe te ꞌau-ꞌau raꞌa niho o rā tāvini.

Māteo 5:18

ꞌĪ a au he kī atu i te parautiꞌa: mo ai nō o te raŋi ꞌe o te henua, ꞌina e tahi tiꞌaraꞌa ka hopeꞌa atu te ꞌiti-ꞌiti o ruŋa i te haka tere iŋa o te ꞌAtua mo haka kore ꞌātā ka haka tano tahi rō te meꞌe hāꞌaki o ruŋa.

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:3

»Hora ena ōꞌou mo hāꞌūꞌū ki te nuꞌu veve, ꞌina ko ꞌaꞌamu e tahi kope, ka ai atu he repahoa haŋa rahi ōꞌou.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Māteo 7:5

¡E te kope riva a te haho ē! Ka kume ꞌi raꞌe te pou o roto i tuꞌu mata, ki takeꞌa riva-riva iho ai e koe mo kume i te pua mauku mai te mata o tuꞌu taina.

Marko 12:39

He uꞌi nō te aŋa mo noho e rāua i te pepe o te nuꞌu hōnui o roto i te ⌊hare pure hūrio⌋ ꞌe o te kona ŋoŋoro.

Marko 7:6

He pāhono e Ietū: —He aŋi ꞌana ꞌō tū meꞌe kī era e te ꞌAtua o ruŋa i te nuꞌu riva a te haho ꞌā, pē kōrua, ꞌi te hora haka pāpaꞌi ki te perofeta era ko ꞌItaia pē nei ē: “Te nuꞌu nei hai ŋutu mau nō e haꞌamuri mai nei, ꞌe te rāua māhatu ꞌi te kona kē nō atu.

Ruka 11:41

ꞌO ira, e vaꞌai ki te nuꞌu veve i te meꞌe hai manaꞌu riva-riva; pē ira ana takeꞌa i te maꞌitaki o te roto ꞌe o te haho.

Ruka 11:43

»¡Ko te ꞌaroha i a kōrua, e te fariseo ē! Nuꞌu haŋa kōrua mo noho ꞌi ruŋa i te pepe o te nuꞌu ra-rahi o roto o te ⌊hare pure hūrio⌋, haŋa takoꞌa mo ꞌaroha e te taŋata ꞌi te ara pa he ꞌariki.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 12:56

¡E te taŋata riva a te haho ē! Mo aŋi-aŋi e kōrua i te meꞌe o te raŋi ꞌe o te henua, ¿he aha ia e taꞌe aŋi-aŋi ena i te meꞌe aŋa e te ꞌAtua ꞌi te hora nei?

Ruka 13:15

He pāhono e Ietū: «E te taŋata riva a te haho ē, ¿ꞌina ꞌō kōrua he ve-vete i te ꞌuei ꞌo i te muni ꞌi te mahana haka ora ꞌe he maꞌu he haka unu hai vai?

Ruka 20:46

«E uꞌi kōrua ꞌo riro pa he maꞌori o te haka tere hūrio, nuꞌu haŋa mo hāꞌere e uru rō ꞌā i te kahu ro-roa mo haka tuꞌu pa he nuꞌu hōnui ꞌe mo ꞌaroha e te taŋata ꞌi te ara pa he ꞌariki. He uꞌi nō te aŋa mo noho e rāua i te pepe o te nuꞌu hōnui o roto i te ⌊hare pure hūrio⌋ ꞌe o te kona ŋoŋoro.

Ruka 6:24

»Ko te ꞌaroha i a kōrua, e te nuꞌu ꞌono manaꞌu pē nei ē: ꞌi te hauhaꞌa mau nō o te ao nei te koa; he oti mau ꞌā te koa mo ravaꞌa e kōrua.

Ruka 6:42

Mo taꞌe takeꞌa e koe i te pou o roto i tuꞌu mata, ¿pē hē koe i manaꞌu ai mo kī ki tuꞌu taina: “E te taina, ka haka rē mai koe ki toꞌo atu a au i te pua mauku mai roto i tuꞌu mata”? ¡E te taŋata riva a te haho ē!, ka toꞌo koe ꞌi raꞌe i te pou mai roto i tuꞌu mata, ki takeꞌa riva-riva ai e koe i te pua mauku ꞌi roto i te mata o tuꞌu taina.

Iovani 13:29

ꞌE, ꞌi te ai ꞌa Hura te hāpaꞌo i te rāua pūtē moni, he manaꞌu e te tētahi o rā nuꞌu e kī ꞌā a Ietū mo hoꞌo hai meꞌe mo te ŋoŋoro, ꞌo mo vaꞌai hai moni mo te veve.

Iovani 5:41

»Te haꞌahana-hana mai o te taŋata tuꞌu pē kōrua mōꞌoku ꞌina e tahi hauhaꞌa.

Iovani 5:44

¿Pē hē ia a kōrua ana haka moe i te manaꞌu ꞌi ruŋa i a au? Te meꞌe haŋa rahi o kōrua he vānaŋa riva-riva atu e te rua o ruŋa i a kōrua, ꞌe ꞌina kōrua he tapa atu ana manaꞌu riva-riva te ꞌAtua o ruŋa i a kōrua.

Iovani 7:18

Te kope vānaŋa hai meꞌe ꞌāꞌana mau ꞌā e haŋa ꞌana mo haka nui-nui i a ia; ꞌe te kope haŋa mo haka nui-nui i te kope uŋa i a ia, ko rā kope te meꞌe kī i te parautiꞌa ꞌe ꞌina he haꞌavare.

Aŋa o te ꞌĀpōtoro 10:2

Rā kope he taŋata moꞌa ꞌe haꞌatura ki te ꞌAtua, ꞌe ananake ko te nuꞌu taꞌatoꞌa o tōꞌona hare e haꞌamuri e haꞌahana-hana era ki te ꞌAtua. ꞌE, takoꞌa, e hāꞌūꞌū rō ꞌana hai moni mo te ⌊hūrio⌋, ꞌe e pure rō ꞌā ki te ꞌAtua.

Aŋa o te ꞌĀpōtoro 10:31

He kī mai: “E Koronerio, ko ŋaroꞌa ꞌana e te ꞌAtua i taꞌa pure, ꞌe e manaꞌu rō ꞌana i taꞌa meꞌe aŋa mo hāꞌūꞌū ki te nuꞌu veve.

Aŋa o te ꞌĀpōtoro 10:4

He noho he uꞌi a Koronerio ki tū merahi era koia ko riꞌa-riꞌa ꞌe he ꞌui: «¿He aha rā taꞌa meꞌe haŋa?». He kī e te merahi: «Ko ŋaroꞌa ꞌana e te ꞌAtua i taꞌa pure ꞌe e takeꞌa rō ꞌana i tuꞌu hāꞌūꞌū iŋa ki te veve.

Aŋa o te ꞌĀpōtoro 11:29

Te nuꞌu haka moe i te manaꞌu ꞌi ruŋa i a Ietū o Antiokia he haŋa mo hāꞌūꞌū ki te taina o Hūrea hai tara ai nō o rāua.

Aŋa o te ꞌĀpōtoro 24:17

»Ko matahiti atu ꞌā o tōꞌoku oho a te tētahi henua i hoki haka ꞌou ai ki Hērutarema mo vaꞌai i te moni ki te nuꞌu veve o tōꞌoku hau ꞌe, takoꞌa, mo aŋa i te tūtia mo te ꞌAtua.

Aŋa o te ꞌĀpōtoro 9:36

ꞌI te kona e tahi ko Hope i ai rō te viꞌe haka moe i te manaꞌu ꞌi ruŋa i a Ietū te ꞌīŋoa ko Tavitā, ꞌi te vānaŋa kirieko ko Rorokā. Te aŋa o te viꞌe nei he hāꞌūꞌū i te nuꞌu veve ꞌe i te tētahi nuꞌu.

Rōmano 12:8

ꞌE te kope i a ia te meꞌe he haka pūai i te manaꞌu o te rua, e noho e haka pūai. ꞌE te kope i a ia te meꞌe he vaꞌai hai meꞌe ki te rua, e vaꞌai hai māhatu. ꞌE te kope te meꞌe i vaꞌai ki a ia he haka tere i te nūnaꞌa taŋata haka moe i te manaꞌu ꞌi ruŋa i a Ietū, e uꞌi e aŋa riva-riva tāꞌana aŋa, ꞌe te kope tāꞌana meꞌe he hāꞌūꞌū ki te rua, e hāꞌūꞌū hai koa.

1 Kōrinto 13:3

ꞌE mo tuhaꞌa ōꞌoku ki te nuꞌu veve i te meꞌe taꞌatoꞌa ꞌāꞌaku, ꞌe ꞌātā he vaꞌai a au i tōꞌoku hakari mo tutu ꞌi roto i te ahi, ꞌe ꞌina a au he haŋa ki te rua, ꞌina ia e tahi hauhaꞌa o rā meꞌe.

Karatia 2:10

Te meꞌe mo taꞌe rehu nō i a māua i kī mai ai: mo hāꞌūꞌū ki te nuꞌu veve o Hērutarema, he meꞌe ko manaꞌu era ꞌana e au mo aŋa.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

1 Tētārōnika 2:6

ꞌE, ki te hora hopeꞌa, ꞌina kai aŋa a mātou e tahi meꞌe hai manaꞌu mo haka paka o kōrua ꞌo o te tētahi atu nuꞌu i a mātou,

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

Firemono 1:7

Ko koa ꞌana a au ꞌe ko ꞌata ai ꞌana tōꞌoku haŋu, e Firemono ē, ꞌi te ai o tuꞌu haŋa ki te nuꞌu haꞌataꞌa e te ꞌAtua māꞌana, ꞌi te meꞌe era e haka koa rō ꞌana koe i te rāua māhatu.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.