Māteo 6:12 - Rapa Nui

¹² E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Māteo 6:12 Iomraidhean Croise

Māteo 26:28

He toto nā ōꞌoku ka tehe ena mo te riva-riva o te taŋata, mo haka kore o te rāua hara. Hai nā toto ka tāpaꞌo ena i te ⌊haka tere iŋa ꞌāpī o te ꞌAtua ananake ko te taŋata⌋.

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Marko 11:25

»Hora ena o kōrua e pure ꞌā, e haka rehu kōrua ꞌi raꞌe i te meꞌe taꞌe tano aŋa atu e te rua, ki haka kore ai e te Matuꞌa o te raŋi i te kōrua hara. [

Ruka 11:4

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua. ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara».

Ruka 13:4

»ꞌE te ŋāŋata era e hoꞌe ꞌahuru mā vaꞌu mā-mate era he viri o te hare ruŋa nui ko Tiroē ki ruŋa i a rāua, ki te kōrua manaꞌu, ¿he ai i hau rō atu a rāua ꞌi te hara ki te tētahi atu nuꞌu o Hērutarema?

Ruka 6:37

»ꞌIna ko manaꞌu: i a kōrua te parau mo kī i te tano ꞌe i te taꞌe tano o te meꞌe aŋa e te rua, ꞌo kī takoꞌa atu e te ꞌAtua i te tano ꞌe i te taꞌe tano o te kōrua meꞌe aŋa. ꞌIna ko manaꞌu: te meꞌe tano mo te rua he ūtuꞌa o te ꞌAtua, ꞌo kī rō atu e te ꞌAtua mo kōrua. E haka rehu te hape o te rua ki haka kore ai e te ꞌAtua i te kōrua hape.

Aŋa o te ꞌĀpōtoro 13:38

»ꞌO ira, e kuā taina ē, e ꞌite: hai Ietū e haka kore ena e te ꞌAtua i te hara. Te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki te mata o te ꞌAtua, ꞌe, ko haka kore ꞌā e ia i te rāua hara, he meꞌe taꞌe ravaꞌa hai haꞌatura ki te ⌊haka tere iŋa ꞌa Mōtē⌋.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.