Māteo 6:10 - Rapa Nui

¹⁰ ꞌe he haka rē atu mo haka tere ōꞌou i a rāua, ki haka tano ai i taꞌa meꞌe haŋa ꞌi te ao nei pa he haka tano iŋa atu o taꞌa meꞌe haŋa ꞌi te raŋi.

Māteo 6:10 Iomraidhean Croise

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Māteo 7:21

»Taꞌe taꞌatoꞌa nuꞌu kī mai: “E tōꞌoku Pūꞌoko Haka Tere ē”, mo oꞌo ki roto i te haka tere iŋa ꞌāpī o tōꞌoku Matuꞌa ꞌi te raŋi; te nuꞌu mau nō mo oꞌo he nuꞌu aŋa i tāꞌana meꞌe haŋa.

Marko 11:10

«¡Ka haꞌamaitai te ꞌAtua i a ia, he hakaara o te tātou tupuna ko ⌊Tāvita⌋, oho mai mo haka tere i a tātou!» «¡Osana! ¡Ko te nui-nui i te ꞌAtua o te raŋi!».

Marko 3:35

Te nuꞌu aŋa, paꞌi, i te meꞌe haŋa o te ꞌAtua he huaꞌai takoꞌa ōꞌoku.

Ruka 19:11

ꞌI te hāhine ia o Ietū ki Hērutarema, ꞌe ꞌi te manaꞌu o te nuꞌu era e haka roŋo era ki a ia pē nei ē: te ⌊haka tere iŋa ꞌāpī o te ꞌAtua⌋ nā he topa, he ꞌaꞌamu e Ietū i te ꞌaꞌamu haꞌaauraꞌa nei.

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Ruka 22:42

He kī: «E Koro, mo haŋa ōꞌou, ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka aŋa koe hai meꞌe nō ena ꞌāꞌau i haŋa ꞌe taꞌe hai meꞌe haŋa ꞌāꞌaku». [

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Iovani 7:17

Te kope haŋa mo aŋa i te meꞌe haŋa o te ꞌAtua he aŋi-aŋi hoki tāꞌaku hāpī nei mai te ꞌAtua ꞌo he vānaŋa ꞌāꞌaku mau ꞌā.

Aŋa o te ꞌĀpōtoro 13:22

»I oho era he haka eꞌa e te ꞌAtua i a Sauro ꞌe he haka ꞌariki i a ⌊Tāvita⌋. ꞌE mo Tāvita i kī ai e te ꞌAtua: “A Tāvita, poki ꞌa Hētē, he kope e tano rō ꞌā ki tōꞌoku mata; e aŋa rō i tāꞌaku meꞌe haŋa taꞌatoꞌa”.

Aŋa o te ꞌĀpōtoro 21:14

ꞌI te taꞌe ravaꞌa mo haka noho i a Pauro, he haka rē e mātou ꞌai ka kī: «Ka ai pe he meꞌe o te ꞌAtua i haŋa».

Aŋa o te ꞌĀpōtoro 22:14

»He kī haka ꞌou mai: “Te ꞌAtua o te tātou tupuna ko haꞌataꞌa ꞌā i a koe mo ꞌite ōꞌou i tāꞌana meꞌe haŋa, mo takeꞌa ōꞌou i a Ietū, kope tano ki tōꞌona mata, mo ŋaroꞌa i tōꞌona reꞌo,

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Ēfeto 6:6

E aŋa riva-riva te kōrua aŋa, taꞌe nō ꞌō ꞌi te hora ꞌi muri i a kōrua te nuꞌu haka aŋa atu ki koa ai a rāua. E aŋa kōrua pa he tāvini o Ietū aŋa hai māhatu i te meꞌe haŋa e te ꞌAtua.

Kōrosa 1:13

O te ꞌAtua, paꞌi, i haka eꞌa i a tātou mai te rima o te kope te haka tere iŋa ꞌi roto i te pōhāhā, ꞌe he haka noho i a tātou ꞌi roto i te haka tere iŋa o tāꞌana Poki haŋa rahi ko Ietū Kiritō,

Kōrosa 1:9

ꞌO ira, mai te hora ꞌite era o mātou o ruŋa i a kōrua, e pure e oho nō nei ki te ꞌAtua mo vaꞌai atu e ia, hai Vārua Maitai, i te ꞌite ꞌe i te mārama-rama mo aŋi-aŋi riva-riva i tāꞌana meꞌe haŋa mo aŋa e kōrua.

1 Tētārōnika 4:3

Te haŋa o te ꞌAtua: he ai o te kōrua noho iŋa ꞌina e tahi hara, he taꞌe moe e tahi kope i te viꞌe ꞌe i te taŋata taꞌe he viꞌe ꞌo he kenu ꞌāꞌana,

1 Tētārōnika 5:18

ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 10:36

E ꞌite i te haꞌaoromaꞌi i te ꞌati hai pūai mo aŋa i te meꞌe haŋa o te ꞌAtua; pē ira takoꞌa i a kōrua pe muꞌa ka oho ena te meꞌe hōrea mai era e ia.

ꞌEvereo 10:7

ꞌĪ a au ia ꞌi aꞌa mo aŋa i taꞌa meꞌe haŋa, e te ꞌAtua ē, pa he meꞌe kī mau era ꞌā o ruŋa i a au ꞌi ruŋa i te puka».

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

1 Pētero 2:15

Te ꞌAtua, paꞌi, e haŋa rō ꞌana mo aŋa o kōrua i te meꞌe riva-riva. Pē ira he ꞌapi i te haha o te nuꞌu maꞌa-maꞌa tuhi atu i te kōrua hape, he taꞌe haŋa mo aŋi-aŋi i te meꞌe o te ꞌAtua.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Meꞌe Haka Takeꞌa 12:10

He ŋaroꞌa ia e au i te reꞌo pūai e tahi ꞌi ruŋa i te raŋi e kī era: «Ko tano ꞌā te hora era o te rē o te ꞌAtua, hora haka takeꞌa i tōꞌona pūai ꞌAriki, ꞌe hora mo haka tere e te ⌊Kiritō⌋ uŋa e ia. Ko tute ꞌana, paꞌi, i te kope rava tuhi era ꞌi muꞌa o te ꞌAtua, ka pō ka ꞌōtea, i te hape o te taina haka moe i te manaꞌu ꞌi ruŋa i a Ietū.

Meꞌe Haka Takeꞌa 19:6

He ŋaroꞌa takoꞌa e au i te reꞌo o te nuꞌu rahi tuꞌu pa he heruru ena o te vai topa mai te kona ruŋa nui ꞌe pa he heruru pūai o te pātiri e kī era: «¡Ki haꞌahana-hana tahi tātou i te ꞌAtua! Ko haꞌamata ꞌā, paꞌi, ko haka tere ꞌā te tātou Pūꞌoko Haka Tere, te tātou ꞌAtua hopeꞌa o te pūai.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.