Māteo 6:1 - Rapa Nui

¹ »Te kōrua meꞌe riva-riva aŋa ꞌina ko aŋa ꞌi muꞌa i te taŋata mo takeꞌa nō e rāua. Mo aŋa pē ira, te Matuꞌa o kōrua o te raŋi e ko vaꞌai atu i te meꞌe mo koa o kōrua.

Māteo 6:1 Iomraidhean Croise

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:6

He kī e Ietū ki tāꞌana nuꞌu hāpī: —E uꞌi kōrua e te revaura o te fariseo ꞌe o te saruseo.

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 5:16

Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 5:48

»E ai kōrua he nuꞌu ꞌina e tahi hape, pa he Matuꞌa o kōrua ꞌi te raŋi.

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:9

»Pē nei ana pure: “E te Matuꞌa o mātou o te raŋi ē, te meꞌe haŋa he moꞌa o te taŋata taꞌatoꞌa i tuꞌu ꞌīŋoa,

Marko 8:15

He kī e Ietū ki tāꞌana nuꞌu hāpī: —E uꞌi e hāpaꞌo kōrua e te revaura o te fariseo ꞌe e te revaura ꞌa ⌊ꞌErore⌋.

Ruka 11:35

»E uꞌi ꞌo ai he pōhāhā te meꞌe o roto i a koe ꞌe he manaꞌu e koe he mōrī.

Ruka 12:1

I oho era he taka-taka te taŋata ka taꞌutini ka taꞌutini; ꞌi te rahi, he rei-rei i a rāua ꞌā. ꞌE a Ietū ꞌi raꞌe i haꞌamata i vānaŋa ai ki tāꞌana nuꞌu hāpī pē nei ē: «E hāpaꞌo ꞌo riro kōrua nuꞌu riva a te haho nō pa he ⌊fariseo⌋. Te huru o rāua ꞌi roto i te taŋata pa he revaura e haka ahu ena i te haraoa mata.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Iovani 12:43

I hau rō atu, paꞌi, te haŋa mo vānaŋa riva-riva o te taŋata o ruŋa i a rāua ki te ai o te manaꞌu riva-riva o te ꞌAtua mo rāua.

Iovani 5:44

¿Pē hē ia a kōrua ana haka moe i te manaꞌu ꞌi ruŋa i a au? Te meꞌe haŋa rahi o kōrua he vānaŋa riva-riva atu e te rua o ruŋa i a kōrua, ꞌe ꞌina kōrua he tapa atu ana manaꞌu riva-riva te ꞌAtua o ruŋa i a kōrua.

Aŋa o te ꞌĀpōtoro 3:12

I takeꞌa era e Pētero, he kī: «¿He aha rā kōrua i māere ai, e te itaraera ē? ¿He aha e uꞌi mai ena pa he meꞌe ena ē: o māua i haka haꞌere i te taŋata nei hai mana mau ꞌā o māua, ꞌo ꞌo te rava moꞌa ꞌe haꞌatura o māua ki te ꞌAtua?

Karatia 6:12

Te nuꞌu kī atu mo hore i te kiri o te kinoŋa, e kī atu ena pē ira mo tano o rāua ki te mata o te nuꞌu ra-rahi o te ⌊hūrio⌋, ꞌo tute i a rāua mo tōtōā ꞌo te hāpī pē nei ē: hai haka moe nō i te manaꞌu ꞌi ruŋa i a Ietū ꞌe ꞌi ruŋa i te meꞌe ravaꞌa e ia hai mate iŋa era ōꞌona ꞌi ruŋa i te tātaurō he eꞌa te taŋata mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

2 Iovani 1:8

ꞌIna ko haka roŋo, ꞌo ŋaro rō i a kōrua te meꞌe taꞌatoꞌa riva-riva aŋa e tātou, ꞌo taꞌe ravaꞌa e kōrua i te meꞌe hōrea mai era e te ꞌAtua.