Māteo 5:8 - Rapa Nui

⁸ Ko te koa i te nuꞌu māhatu maꞌitaki; e takeꞌa rō e rāua i te ꞌAtua.

Māteo 5:8 Iomraidhean Croise

Aŋa o te ꞌĀpōtoro 15:9

Mōꞌona te nuꞌu taꞌe he hūrio pē tātou ꞌā. Ko haka maꞌitaki ꞌana e ia i te rāua māhatu pa he haka maꞌitaki iŋa mai era i a tātou ꞌo te haka moe i te manaꞌu ꞌi ruŋa i a Ietū.

1 Kōrinto 13:12

Te meꞌe ꞌite o tātou ꞌi te hora nei o ruŋa i te ꞌAtua pa he meꞌe ꞌehu-ꞌehu e tahi ꞌi roto i te hiꞌo; ꞌe, ka tano ena te mahana, he takeꞌa riva-riva mai. Hora nei e ai rō ꞌā te meꞌe taꞌe aŋi-aŋi e au o ruŋa i a ia; ꞌe, e tano rō te mahana, he māhani a au i a ia, pa he māhani iŋa mai ōꞌona i a au.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Tito 1:15

Mo te nuꞌu manaꞌu maꞌitaki, taꞌatoꞌa meꞌe meꞌe maꞌitaki; ꞌe mo te nuꞌu manaꞌu taꞌe maꞌitaki ꞌe taꞌe haŋa mo haka moe i te manaꞌu ꞌi ruŋa i a Ietū, taꞌatoꞌa meꞌe meꞌe taꞌe maꞌitaki, ꞌo te ai te rāua manaꞌu manaꞌu rake-rake ꞌe ꞌina he aŋi-aŋi haka ꞌou he aha te meꞌe riva-riva ꞌe he aha te meꞌe rake-rake.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

Tanatiako 4:8

E haka hāhine ki te ꞌAtua, ki haka hāhine atu ai. E te nuꞌu hara ē, ¡ka haka maꞌitaki te kōrua māhatu! E te nuꞌu haŋa ki te ꞌAtua ꞌe ki te haka tere iŋa o te ao nei ē, ¡ka toꞌo te meꞌe rake-rake mai roto i te kōrua māhatu!

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

Meꞌe Haka Takeꞌa 22:4

He takeꞌa e te nuꞌu nei i te ꞌāriŋa o te ꞌAtua, ꞌe ꞌi ruŋa i te rāua tira ka maꞌu era i tōꞌona ꞌīŋoa.