Māteo 5:3 - Rapa Nui

³ «Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Māteo 5:3 Iomraidhean Croise

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Māteo 11:6

»¡ꞌE, ko te koa i te taŋata taꞌe haka tapa i tōꞌona haka moe iŋa i te manaꞌu mai ruŋa i a au!».

Māteo 13:16

»ꞌE, ko te koa i a kōrua ꞌo te ai te kōrua mata e takeꞌa rō ꞌā, ꞌe te kōrua tariŋa e ŋaroꞌa rō ꞌā.

Māteo 19:14

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

Māteo 24:46

¡Ko te koa i te tāvini ka tuꞌu era te taŋata ꞌāꞌana te haka aŋa, e aŋa ꞌana i te meꞌe taꞌatoꞌa kī mo aŋa!

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 8:11

ꞌĪ a au he kī atu: nuꞌu rahi te nuꞌu taꞌe he ⌊hūrio⌋ o te eꞌa iŋa ꞌe o te ŋaro iŋa o te raꞌā ka noho ka kai ena ꞌi muri i a ⌊ꞌAparahama⌋, i a Itaꞌata ꞌe i a Hākovo ꞌi te ⌊haka tere iŋa ꞌāpī o te ꞌAtua⌋.

Marko 10:14

I takeꞌa era e Ietū, he riri ꞌe he kī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Ruka 22:29

ꞌO ira, pa he haka tōroꞌa iŋa mai e tōꞌoku Matuꞌa mo haka tere pa he ꞌariki, ꞌī a au he haka tōroꞌa i a kōrua

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Iovani 20:29

He kī e Ietū: —I haka moe mai ena koe i tuꞌu manaꞌu he takeꞌa ōꞌou i a au. ¡Ko te koa ꞌō i te nuꞌu kai takeꞌa hia ꞌā i a au i haka moe rō ai i te rāua manaꞌu ꞌi ruŋa i a au!

Tanatiako 1:10

ꞌE te taina ꞌono e koa ꞌo te aŋi-aŋi he nuꞌu hara a rāua ꞌe ꞌo te haka moe i te manaꞌu ꞌi ruŋa i a Ietū, taꞌe ꞌi ruŋa i te rāua hauhaꞌa. Te taŋata ꞌono, paꞌi, pa he tiare mauku ꞌā, e ko roa he ŋaro.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

Meꞌe Haka Takeꞌa 19:9

He kī mai ia e te merahi: «Ka pāpaꞌi: “Ko te koa i te nuꞌu kī mo oho ki te kai o te hāipo-ipo o te Māmoe”». ꞌE he kī haka ꞌou mai: «Te vānaŋa nei he vānaŋa parautiꞌa o te ꞌAtua».

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 3:17

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.