Māteo 4:4 - Rapa Nui

⁴ He pāhono e Ietū: —ꞌIna. Pē nei, paꞌi, e kī ena ꞌi ruŋa i te ⌊Pāpaꞌi Moꞌa⌋: «Taꞌe hai haraoa nō te taŋata e ora ena. Hai haka roŋo takoꞌa ki te vānaŋa taꞌatoꞌa o te ꞌAtua».

Māteo 4:4 Iomraidhean Croise

Māteo 15:11

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Māteo 4:7

He pāhono e Ietū: —E hāꞌaki takoꞌa rō ꞌana ꞌi ruŋa: «ꞌIna koe ko haka ꞌatu i tuꞌu ꞌAtua, ꞌina ko aŋa e tahi meꞌe maꞌa-maꞌa hai manaꞌu pē nei ē: e haka eꞌa rō koe e te ꞌAtua mai rā meꞌe».

Marko 7:20

He kī takoꞌa: «He meꞌe rake-rake eꞌa mai roto i te māhatu te meꞌe haka taꞌe tano i te taŋata ki te mata o te ꞌAtua.

Ruka 4:12

He pāhono e Ietū: —E hāꞌaki takoꞌa rō ꞌana ꞌi ruŋa: «ꞌIna koe ko haka ꞌatu i tuꞌu ꞌAtua, ꞌina ko aŋa e tahi meꞌe maꞌa-maꞌa hai manaꞌu pē nei ē: e haka eꞌa rō koe e te ꞌAtua mai rā meꞌe».

Ruka 4:4

He pāhono e Ietū: —Ē, pē nei e kī ena ꞌi ruŋa i te ⌊Pāpaꞌi Moꞌa⌋: «Taꞌe hai haraoa nō te taŋata e ora ena».

Ruka 4:8

He pāhono e Ietū: —Pē nei takoꞌa e kī ena ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Ēfeto 6:17

ꞌE ꞌina ko rehu ki te hora hopeꞌa pē nei ē: ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa vaꞌai e te ꞌAtua. Pē ira kōrua ka hāpaꞌo ena mai te reo-reo ꞌa Rukifero, pa he vaꞌehau e puꞌa ena hai haꞌu ꞌaurī mo hāpaꞌo i tōꞌona pūꞌoko. ꞌE e ꞌite kōrua mo moto ki a Rukifero hai vānaŋa o te ꞌAtua, he hoe vaꞌai atu e te ⌊Vārua Maitai⌋, pa he moto iŋa o te vaꞌehau hai hoe ꞌi te hora o te tamaꞌi.