Māteo 3:9 - Rapa Nui

⁹ ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Māteo 3:9 Iomraidhean Croise

Marko 7:21

Mai roto, paꞌi, e eꞌa ena te ŋā meꞌe nei: he manaꞌu rake-rake, he piri tane taꞌatoꞌa taꞌe haꞌatiꞌa e te ꞌAtua, he toke, he tiŋaꞌi he haka mate i te taŋata,

Ruka 12:17

He noho rā taŋata he haka topa i tōꞌona manaꞌu: “¿He aha tāꞌaku meꞌe ka aŋa nei? ¿ꞌI hē a au ka hāpaꞌo nei i tāꞌaku kai rahi nei?”.

Ruka 16:24

»He raŋi ia: “E koro ko ꞌAparahama ē, ka haka ꞌaroha koe i a au. Ka uŋa a Rātaro ka haka rari i te potu o tōꞌona maŋa-maŋa rima hai vai mo haka takeꞌo i tōꞌoku ꞌarero; ꞌī a au e ꞌati atu ena ꞌi roto i te ahi nei”.

Ruka 19:40

He pāhono e Ietū: —Mo mou o te nuꞌu era, he ꞌeha e te māꞌea.

Ruka 3:8

Ka haka tī-tika te kōrua noho iŋa ki takeꞌa riva-riva ai he parautiꞌa mau ꞌā ko ⌊huri ꞌana te kōrua manaꞌu ki te ꞌAtua⌋. ꞌE, e uꞌi ꞌo kī rō ꞌi roto i a kōrua ꞌā pē nei ē: “¡A mātou he hakaara o ⌊ꞌAparahama⌋; ꞌo ira e tano rō ꞌā a mātou ki te mata o te ꞌAtua!”. ꞌĪ a au he kī atu: te ꞌAtua e tano nō mo haka riro i te ŋā māꞌea nei he hakaara o ꞌAparahama.

Ruka 5:22

He aŋi-aŋi e Ietū i te meꞌe manaꞌu e rāua ꞌe he ꞌui: «¿He aha a kōrua e manaꞌu ena pē nā?

Ruka 7:39

I takeꞌa era e tū taŋata fariseo era, tē rā ka manaꞌu: «ꞌĀhani te kope era he perofeta, ko aŋi-aŋi ꞌana: te viꞌe era he viꞌe hara».

Iovani 8:33

He pāhono e rā nuꞌu: —A mātou he hakaara o ⌊ꞌAparahama⌋, ꞌe ꞌina mātou kai ai ꞌā he ꞌekaravo. ¿Pē hē ia koe e kī mai ena he eꞌa a mātou mai te rima o te kope haka ꞌekaravo i a mātou?

Iovani 8:37

»Ko ꞌite ꞌana a au he hakaara kōrua o ꞌAparahama ꞌe ko ꞌite takoꞌa ꞌana e haŋa rō ꞌana kōrua mo tiŋaꞌi i a au, he taꞌe haŋa o kōrua ki tāꞌaku vānaŋa haka ꞌite atu.

Iovani 8:53

¿ꞌAta hau ꞌō koe ki te mātou matuꞌa ko ꞌAparahama? A ia, paꞌi, ko mate ꞌana; pē ira takoꞌa ꞌana te perofeta. ¿Ko ai ia koe e kī ena i te meꞌe tuꞌu pē nā?

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Aŋa o te ꞌĀpōtoro 15:14

Ko ꞌaꞌamu mai ꞌā e Pētero o ruŋa i te haka takeꞌa iŋa raꞌe o te ꞌAtua i tōꞌona riva rahi ki te taŋata taꞌe he hūrio, ꞌe pē hē te ꞌAtua i haꞌataꞌa ai māꞌana i te nuꞌu mai roto.

Rōmano 4:1

Ka manaꞌu rā kōrua ki a ⌊ꞌAparahama⌋, tupuna o mātou o te ⌊hūrio⌋.