Māteo 3:11 - Rapa Nui

¹¹ »Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:11 Iomraidhean Croise

Māteo 3:6

He pinitinia i te rāua hara ꞌe he ⌊papatito⌋ e Iovani ꞌi roto i te rio era ko Horotana.

Marko 1:4

Pē ira i tuꞌu i tātara ai a Iovani Papatito ꞌi te kona ꞌone taꞌe noho taŋata. Tāꞌana tātara: e ⌊papatito⌋ te taŋata mo takeꞌa ko ⌊huri ꞌana te rāua manaꞌu ki te ꞌAtua⌋, pē ira he haka kore e te ꞌAtua i te rāua hara.

Ruka 1:17

E oho rō ꞌi muꞌa i te ⌊Kiritō⌋ hai haŋu ꞌe hai pūai tuꞌu pa he haŋu ꞌe pa he pūai o te perofeta era ko ꞌĒria, mo haka hoki o te haŋa o te matuꞌa ki tāꞌana poki ꞌe o te poki ki tōꞌona matuꞌa, ꞌe mo ꞌite o te nuꞌu taꞌe haka roŋo mo haꞌatura. Pē ira ka haka riva-riva ena i te taŋata mo te tuꞌu iŋa mai o te Kiritō.

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Ruka 3:3

ꞌE a Iovani i haꞌere rō a te kona taꞌatoꞌa o te rio ko Horotana e kī e oho era ki te taŋata mo huri o te manaꞌu ki te ꞌAtua ꞌe mo haka ⌊papatito⌋, pē ira ana haka kore e te ꞌAtua i te rāua hara.

Iovani 1:15

I vānaŋa rō a Iovani o ruŋa i a ia ꞌe pē nei i kī ai: «Ko ia tāꞌaku meꞌe kī atu era: “ꞌI tuꞌa ōꞌoku ka oho mai ena e tahi taŋata ꞌata hōnui ki a au ꞌo te ai ꞌi raꞌe ki tōꞌoku poreko iŋa ko ai era ꞌana a ia”».

Iovani 1:30

O ruŋa i a ia tāꞌaku vānaŋa kī atu era pē nei ē: “E ko roa ka tuꞌu mai ena te taŋata ꞌata hōnui ki a au ꞌi te meꞌe era ꞌi raꞌe ki tōꞌoku poreko iŋa ko ai era ꞌana a ia”.

Aŋa o te ꞌĀpōtoro 1:5

A ⌊Iovani⌋ hai vai i ⌊papatito⌋ ai; ꞌe, e ko roa te mahana, nā he papatito atu te ꞌAtua i a kōrua hai Vārua Maitai, te auraꞌa, he uŋa i te Vārua Maitai mo noho mau rō ꞌāvai ꞌi roto i a kōrua».

Aŋa o te ꞌĀpōtoro 19:4

He kī e Pauro: —He aŋi ꞌā, a Iovani i papatito rō i te nuꞌu huri i te rāua manaꞌu ki te ꞌAtua haka tapa mai roto i te meꞌe taꞌe tano. ꞌE i kī takoꞌa rō e ia mo haka moe i te manaꞌu ꞌi ruŋa i te kope ꞌi tuꞌa i a ia ka tuꞌu era, te auraꞌa, ko Ietū.

Aŋa o te ꞌĀpōtoro 8:36

E oho nō ꞌā a te ara, he tuꞌu ki te kona vai e tahi ꞌe he kī e tū taŋata etiopia era: —Nā te vai nā. ¿E ai rō ꞌā hō te meꞌe mo taꞌe haꞌatiꞌa mo papatito i a au? [

Aŋa o te ꞌĀpōtoro 8:38

He kī mo haka noho i tū pereꞌoa era. He topa ararua ki raro, he oho he uru ki roto i te vai, ꞌe he papatito e Feripe.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Tito 3:5

ꞌE, ka ai atu ꞌina e tahi meꞌe riva-riva o tātou i aŋa, te ꞌAtua, ꞌi tōꞌona haka ꞌaroha, ko haka eꞌa ꞌā i a tātou mai roto i te ūtuꞌa o te hara hai haka maꞌitaki i te tātou māhatu ꞌe hai vaꞌai mai i te ora ꞌe ꞌi te noho iŋa ꞌāpī hai ⌊Vārua Maitai⌋.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».